'സാലിക്​' വഴി ലക്ഷം ലക്ഷം പിന്നാലെ​..

ദു​ബൈ: ​ഓ​രോ ദി​വ​സ​വും എ​മി​റേ​റ്റി​ലെ എ​ട്ട്​ 'സാ​ലി​ക്​' ടോ​ൾ​ഗേ​റ്റു​ക​ൾ വ​ഴി ക​ട​ന്നു​പോ​കു​ന്ന​ത്​ 14 ല​ക്ഷ​ത്തി​ലേ​റെ വാ​ഹ​ന​ങ്ങ​ൾ. അ​ധി​കൃ​ത​ർ തി​ങ്ക​ളാ​ഴ്ച​യാ​ണ്​ ഇ​തു​സം​ബ​ന്ധി​ച്ച ക​ണ​ക്കു​ക​ൾ വെ​ളി​പ്പെ​ടു​ത്തി​യ​ത്. യാ​ത്ര​ക്കാ​ർ കൂ​ടു​ത​ലാ​യി ടോ​ൾ​ഗേ​റ്റു​ക​ൾ വ​ഴി സ​ഞ്ച​രി​ക്കു​ന്ന​താ​ണ്​ ഇ​ത്​ വ്യ​ക്ത​മാ​ക്കു​ന്ന​ത്. സ​മ​യ​വും ഇ​ന്ധ​ന​വും ലാ​ഭി​ക്കാ​ൻ ക​ഴി​യു​ന്ന​താ​ണ്​ ശൈ​ഖ്​ സാ​യി​ദ്​ റോ​ഡി​ല​ട​ക്ക​മു​ള്ള ടോ​ൾ ഗേ​റ്റു​ക​ൾ ഉ​പ​യോ​ഗ​പ്പെ​ടു​ത്താ​ൻ കാ​ര​ണം.

ക​ഴി​ഞ്ഞ വ​ർ​ഷ​ത്തെ ക​ണ​ക്ക​നു​സ​രി​ച്ച്​ ആ​കെ 48.1കോ​ടി വാ​ഹ​ന​ങ്ങ​ൾ 'സാ​ലി​ക്​' ഗേ​റ്റു​ക​ൾ വ​ഴി ക​ട​ന്നു​പോ​യി​ട്ടു​ണ്ട്. ഈ ​വ​ർ​ഷം ആ​ദ്യ പ​കു​തി​യി​ൽ മാ​ത്രം 26.7 കോ​ടി വാ​ഹ​ന​ങ്ങ​ൾ ടോ​ൾ ഗേ​റ്റു​ക​ൾ ഉ​പ​യോ​ഗി​ച്ചു. ഈ ​ക​ണ​ക്ക​നു​സ​രി​ച്ച്​ 14 ല​ക്ഷ​ത്തി​ലേ​റെ​യാ​ണ്​ ദി​നേ​ന​യു​ള്ള ശ​രാ​ശ​രി വാ​ഹ​ന​ങ്ങ​ളു​ടെ എ​ണ്ണം. വാ​ഹ​ന​ങ്ങ​ളു​ടെ എ​ണ്ണം ഈ ​ശ​രാ​ശ​രി​യി​ൽ തു​ട​ർ​ന്നാ​ൽ ഈ ​വ​ർ​ഷാ​വ​സാ​നം 53.8 കോ​ടി​യി​ലെ​ത്തും. ഇ​ത​നു​സ​രി​ച്ച്​ ക​ഴി​ഞ്ഞ വ​ർ​ഷ​ത്തേ​ക്കാ​ൾ 12 ശ​ത​മാ​നം വ​ള​ർ​ച്ച​യാ​ണ്​ ഈ ​വ​ർ​ഷം പ്ര​തീ​ക്ഷി​ക്കു​ന്ന​ത്.

'സാ​ലി​ക്​' ഓ​ഹ​രി​യു​ടെ 20 ശ​ത​മാ​നം ഇ​നീ​ഷ്യ​ൽ പ​ബ്ലി​ക്ക് ഓ​ഫ​റി​ങ്ങി​ലൂ​ടെ (ഐ.​പി.​ഒ) വി​ൽ​ക്കു​മെ​ന്ന്​ ഞാ​യ​റാ​ഴ്ച പ്ര​ഖ്യാ​പി​ച്ചി​രു​ന്നു. 150 കോ​ടി ഓ​ഹ​രി​ക​ളാ​ണ്​ ഇ​ത്ത​ര​ത്തി​ൽ വി​ൽ​പ​ന​ക്ക്​ വെ​ക്കു​ന്ന​തെ​ന്ന്​ മാ​ധ്യ​മ​ങ്ങ​ളി​ൽ പ്ര​സി​ദ്ധീ​ക​രി​ച്ച പ​ര​സ്യ​ത്തി​ലൂ​ടെ​യാ​ണ്​ അ​ധി​കൃ​ത​ർ വെ​ളി​പ്പെ​ടു​ത്തി​യ​ത്. സെ​പ്​​റ്റം​ബ​ർ 13 മു​ത​ൽ 20 വ​രെ​യാ​ണ്​ വി​ൽ​പ​ന ന​ട​ക്കു​ക. ഇ​തി​ന്​ മു​ന്നോ​ടി​യാ​യാ​ണ്​ ദി​നേ ക​ട​ന്നു​പോ​കു​ന്ന വാ​ഹ​ന​ങ്ങ​ളു​ടെ എ​ണ്ണം വെ​ളി​പ്പെ​ടു​ത്തി​യ​ത്.

മി​ക​ച്ച സേ​വ​ന​ങ്ങ​ളി​ലൂ​ടെ 'സാ​ലി​ക്​' 92 ശ​ത​മാ​നം ഉ​പ​ഭോ​ക്തൃ സം​തൃ​പ്തി നേ​ടി​യെ​ടു​ത്തി​ട്ടു​ണ്ട്. ദു​ബൈ ന​ഗ​ര​ത്തി​ലെ യാ​ത്ര​ക്കാ​രി​ൽ 60 ശ​ത​മാ​ന​വും സ്വ​കാ​ര്യ കാ​റു​ക​ളാ​ണ്​ യാ​ത്ര​ക്ക്​ ഉ​പ​യോ​ഗി​ക്കു​ന്ന​തെ​ന്നാ​ണ്​ ക​ണ​ക്ക്. ഇ​വ​രി​ൽ വ​ലി​യ ശ​ത​മാ​ന​വും 'സാ​ലി​ക്​' ഉ​പ​യോ​ഗ​പ്പെ​ടു​ത്തു​ന്ന​വ​രു​മാ​ണ്. ഓ​രോ ത​വ​ണ​യും ഒ​രു വാ​ഹ​നം സാ​ലി​ക് ടോ​ൾ പോ​യ​ന്‍റി​ലൂ​ടെ ക​ട​ന്നു​പോ​കു​മ്പോ​ൾ പ്രീ​പെ​യ്ഡ് അ​ക്കൗ​ണ്ടി​ൽ​നി​ന്ന് നാ​ല് ദി​ർ​ഹ​മാ​ണ്​ ഈ​ടാ​ക്കു​ന്ന​ത്. ഈ ​നി​ര​ക്ക്​ വി​ക​സി​ത രാ​ജ്യ​ങ്ങ​ളെ അ​പേ​ക്ഷി​ച്ച് കു​റ​വാ​ണെ​ന്നാ​ണ്​ വി​വി​ധ ഏ​ജ​ൻ​സി​ക​ൾ വി​ല​യി​രു​ത്തു​ന്ന​ത്. പ​ണ​പ്പെ​രു​പ്പം നി​ക​ത്താ​നാ​യി 'സാ​ലി​കി'​ന്‍റെ ടോ​ൾ ഗേ​റ്റ്​ ചാ​ർ​ജു​ക​ൾ വ​ർ​ധി​പ്പി​ക്കു​ന്ന​ത്​ പ​രി​ഗ​ണി​ക്കു​ന്ന​താ​യി റി​പ്പോ​ർ​ട്ടു​ണ്ട്​. നി​ല​വി​ലു​ള്ള എ​ട്ടു ടോ​ൾ​ഗേ​റ്റു​ക​ൾ കൂ​ടാ​തെ കൂ​ടു​ത​ൽ ഗേ​റ്റു​ക​ൾ നി​ർ​മി​ക്കു​ന്ന​തും പ​രി​ഗ​ണ​ന​യി​ലു​ണ്ട്. എ​ന്നാ​ൽ, ഇ​തി​നെ​ല്ലാം ദു​ബൈ എ​ക്സി​ക്യൂ​ട്ടി​വ്​ കൗ​ൺ​സി​ലി​ന്‍റെ അം​ഗീ​കാ​രം ആ​വ​ശ്യ​മാ​ണ്.