അബൂദബി: പുതുവത്സരാഘോഷങ്ങളുടെ ഭാഗമായി ജനുവരി ഒന്നിന് എമിറേറ്റിൽ വാഹന പാർക്കിങ്ങും ദർബ് ടോളും സൗജന്യമാക്കി അബൂദബി അധികൃതർ. വെള്ളിയാഴ്ച അബൂദബി സംയോജിത ഗതാഗത കേന്ദ്രമാണ് ഇതു സംബന്ധിച്ച പ്രഖ്യാപനം നടത്തിയത്. ഡിസംബർ 31ന് ഞായറാഴ്ചയായതിനാൽ ഫലത്തിൽ ജനങ്ങൾക്ക് രണ്ടുദിവസം പാർക്കിങ് സൗജന്യമായിരിക്കും.
മവാഖിഫ് പാർക്കിങ് ചൊവ്വാഴ്ച രാവിലെ 7.59 വരെ സൗജന്യമാണ്. കൂടാതെ മുസഫ എം-18 ട്രക്ക് പാർക്കിങ് ലോട്ടും അവധി ദിനത്തിൽ സൗജന്യമായി ഉപയോഗിക്കാമെന്ന് അധികൃതർ അറിയിച്ചു. എന്നാൽ, നിരോധിത മേഖലയിലും സ്വകാര്യ റസിഡൻഷ്യൽ ഏരിയകളിലും രാത്രി ഒമ്പതുമുതൽ രാവിലെ എട്ടുവരെ പാർക്കു ചെയ്യാൻ അനുവദിക്കില്ല. പൊതു അവധി ദിനങ്ങളിലെ ഷെഡ്യൂൾ പ്രകാരമായിരിക്കും പൊതു ഗതാഗത സംവിധാനങ്ങൾ പ്രവർത്തിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.