ശ്വാസംമുട്ടൽ മിക്കവരും അനുഭവിക്കുന്ന അവസ്ഥയാണ്. എന്നാൽ എല്ലാ ശ്വാസംമുട്ടലും അലർജി മൂലമല്ല. പൊടി, തണുപ്പ്, സോപ്പ്, മരുന്നുകൾ, കെമിക്കൽ തുടങ്ങിയവ മൂലം ശ്വാസംമുട്ടലും ശരീരത്തിൽ വിവിധ ഭാഗങ്ങളിൽ ത്വക് അലർജികളും ഉണ്ടാകാറുണ്ട്. ഇതിന് വൈദ്യസഹായം തേടുക തന്നെ വേണം. എന്നാൽ, ശ്വാസംമുട്ടൽ അനുഭവിക്കുന്നവരിൽ ചിലർക്ക് ഉത്കണ്ഠയാണ് ഇതിനു കാരണമെന്ന് കണ്ടെത്തിയിരിക്കുന്നു. ഇത്തരം രോഗികൾ ശ്വാസംമുട്ടലിനുള്ള മരുന്നുകൾ ദീർഘകാലം ഉപയോഗിച്ചാലും ഈ ശ്വാസംമുട്ടൽ മാറില്ലെന്നതാണ് കണ്ടുവരുന്നത്. ഡോക്ടർമാർ സ്റ്റീറോയ്ഡ് കലർന്ന ടാബ്ലറ്റുകളും മരുന്നുമാണ് ശ്വാസംമുട്ടലിന് നൽകാറ് പതിവ്. അത്തരം മരുന്നുകൾ വർഷങ്ങളായി സേവിക്കുക വഴി പാർശ്വഫലങ്ങളും ഉണ്ടാകാം. അലർജിയോ ആസ്ത്മയോ ആകാംക്ഷയുടെ പ്രതികരണമായിരിക്കാം എന്നാണ് നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് പറയുന്നത്‌. ഈ അർധ ശ്വാസംമുട്ടൽ വികാരം ഒരുകൂട്ടം ആരോഗ്യപ്രശ്നങ്ങളുടെ ലക്ഷണമാകാം എന്നും അതിനാൽ ഇത് പതിവായി സംഭവിക്കുകയും നിങ്ങളെ ഒരു ഡോക്ടർ പരിശോധിച്ചിട്ടില്ലെങ്കിൽ അത് സ്വയം മാറ്റാൻ ശേഷി നേടിയെടുക്കണമെന്നുമാണ് നിർദ്ദേശം.
ഏതെങ്കിലും വിഷയവുമായി ബന്ധപ്പെട്ട ഉത്കണ്ഠ അനുഭവിക്കുമ്പോഴാണ് ശ്വാസംമുട്ടൽ ഉണ്ടാകുന്നത്. ഉത്കണ്ഠ വർധിക്കുമ്പോൾ ശ്വാസംമുട്ടൽ കൂടുകയും ചെയ്യും. ഉദാഹരണത്തിന് പൊടി കാണുമ്പോൾ അത് മൂക്കിൽകൂടി ശ്വാസകോശത്തിൽ കയറുമെന്നും അത് അലർജിക്കു കാരണമായി പനിയും മറ്റ് അസ്വാസ്ഥ്യങ്ങളും ഉണ്ടാക്കുമെന്ന് മനസിൽ സെറ്റാക്കിയവർ ചില്ലിട്ടുയർത്തിയ കാറിൽ ഇരുന്ന് യാത്ര ചെയ്യുമ്പോഴും മുന്നിൽ റോഡിൽ പൊടിപടലങ്ങൾ ഉയരുമ്പോൾ ശ്വാസംമുട്ടൽ അനുഭവിക്കുന്നതായി കാണാം. എന്ത് വിഷയത്തിലാണ് നാം ഉത്കണ്ഠപ്പെടുന്നത്, അതിൽ നിന്ന് വ്യതിചലിച്ച് അഞ്ച് മുതൽ 10 മിനിറ്റ് വരെ സ്വയം ശ്രദ്ധ തിരിച്ചു നോക്കുക. ഈ അവസ്ഥ മാറി വരുന്നതായി അനുഭവപ്പെടും. ടെൻഷനിൽ നിന്ന് ശ്രദ്ധ തിരിക്കാനായി സാമൂഹിക മാധ്യമങ്ങളിലെ രസകരമായ വിഡിയോകൾ സ്ക്രോൾ ചെയ്തു നോക്കാം. വായനയിലേക്ക് തിരിയാം. ഇഷ്ടപ്പെട്ട മെലഡി കേൾക്കാം. കുറച്ചു നേരം നടക്കാം, വ്യായാമം ചെയ്യാം. തത്ഫലമായി നിങ്ങളുടെ ശ്വാസതടസ്സം കുറയുന്നതായി നിങ്ങൾ കണ്ടെത്തുകയാണെങ്കിൽ, നിങ്ങൾ ഒരു അടിയന്തര ചികിത്സ സാഹചര്യത്തിന് ഒരുങ്ങേണ്ട കാര്യമില്ല.
അവിശ്വസനീയമാംവിധം അസുഖകരവും അലോസരപ്പെടുത്തുന്നതും-മുമ്പ് മറ്റ് സമ്മർദപൂരിതമായ സമയങ്ങളിൽ നിങ്ങൾക്ക് അനുഭവപ്പെട്ടിട്ടുള്ള ഒന്നാണെന്നും ഇത് നിങ്ങളുടെ ശരീരത്തിൽ എന്തെങ്കിലും തെറ്റായി സംഭവിക്കുന്നതിന്റെ ലക്ഷണമല്ലെന്നും നിങ്ങൾക്ക് സ്വയം ഓർമ്മിപ്പിക്കാൻ ശ്രമിക്കാം. എനിക്ക് ശ്വസിക്കാൻ കഴിയുന്നില്ല, എനിക്ക് കോവിഡ് ഉണ്ടോ?, എനിക്ക് ഹൃദയാഘാതം ഉണ്ടോ?, എനിക്ക് ആശുപത്രിയിൽ പോകേണ്ടതുണ്ടോ?, ഞാൻ മരിക്കുകയാണോ? മരിക്കുന്നത് ഇങ്ങനെയാണോ? ഒ.സി.ഡി, പാനിക് ഡിസോർഡർ തുടങ്ങിയ അവസ്ഥകളിൽ കാണിക്കാവുന്ന ആരോഗ്യ ഉത്കണ്ഠ നിങ്ങൾ കൈകാര്യം ചെയ്യുകയാണെങ്കിൽ ഈ ശ്വാസംമുട്ടൽ പ്രത്യേകിച്ചും സത്യമാണ്. ചില രോഗലക്ഷണങ്ങളെക്കുറിച്ചുള്ള ഹൈപ്പർ അവബോധം - അത് നിയന്ത്രണാതീതമായ വിഷമമുണ്ടാക്കുകയും നിങ്ങളുടെ ജീവിതത്തിൽ ഇടപെടുകയും ചെയ്യുന്ന ഘട്ടത്തിലേക്ക് - സോമാറ്റിക് സിംപ്റ്റം ഡിസോർഡറിന്റെ മുഖമുദ്രയാണ്. അതിനാൽ നിങ്ങൾ ഈ സാഹചര്യത്തിൽ കുടുങ്ങിയിട്ടുണ്ടെങ്കിൽ സഹായത്തിനായി ഒരു മാനസികാരോഗ്യ വിദഗ്ധന്‍റെ സേവനം തീർച്ചയായും ആശ്രയിക്കണം. യോഗ, മെഡിറ്റേഷൻ എന്നിവ ശീലമാക്കുന്നതും സഹായിക്കും. എന്നാൽ കാലാവസ്ഥ വ്യതിയാനത്തിന്‍റെയോ എന്തെങ്കിലും വസ്തുക്കളാലുണ്ടാകുന്ന അലർജിയോ വിദഗ്ധ ഡോക്ടർ പരിശോധിച്ച് രക്ത പരിശോധനയിലൂടെയും മറ്റും കണ്ടു പിടിച്ചാൽ ഡോക്ടറുടെ നിർദ്ദേശം ചികിത്സ ചെയ്യാനും മറക്കരുത്. സ്വയം ചികിത്സയും അരുത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.