നോമ്പ് ആത്മാവിന്റെ സംസ്കരണത്തിനൊപ്പം ശരീരത്തിന്റെ നന്നാക്കൽ ഘട്ടവും കൂടിയാണ്. അതിന്റെ ശാരീരികവും മാനസികവുമായ ഗുണഫലങ്ങൾ നോമ്പ് അവസാനിക്കുമ്പോൾ അനുഭവിച്ചറിയാനാകണം. ആത്മീയതക്കൊപ്പം ആരോഗ്യ പ്രാധാന്യം കൂടി തിരിച്ചറിഞ്ഞു തന്നെയാകണം മതങ്ങൾ ഉപവാസത്തിന് പ്രാധാന്യം കൽപ്പിക്കുന്നത്. ഇസ്ലാമിലെ ഉപവാസം സൂര്യോദയം മുതൽ അസ്തമയം വരെ നീളുന്ന ഒന്നാണ്.
ജീവിത ശൈലീ രോഗങ്ങളെ മറികടക്കാനുള്ള പ്രായോഗിക വഴിയായി ഈ സമയത്തെ ഉപയോഗപ്പെടുത്താം. ഭക്ഷണ പാനീയങ്ങൾ ത്യജിച്ചതു കൊണ്ടു മാത്രമായില്ല. മെച്ചപ്പെട്ട ആരോഗ്യം ഉറപ്പാക്കാനുള്ള അവസരത്തെ നാം എങ്ങനെ പ്രയോജനപ്പെടുത്തുന്നു എന്നതും മുഖ്യമാണ്.
റമദാനിൽ ആഹാര രീതികളിലും ജീവിത ശൈലികളിലും ബോധപൂർവം മാറ്റങ്ങൾക്ക് നാം തയാറാകണം. പകൽനേരത്ത് ആഹാരം ഉപേക്ഷിക്കുന്നു എന്നു കരുതി രാത്രികാലങ്ങളിൽ പരിധി വിടുന്ന പ്രവണതയുണ്ട്. ഇത് ഗുണകരമല്ല.
പ്രമേഹം, രക്തസമ്മർദം, കൊളസ്ട്രോൾ ഉൾപ്പെടെയുള്ള ജീവിത ശൈലീ രോഗങ്ങളെ ഫലപ്രദമായി നിയന്ത്രിച്ചു നിർത്താൻ ഉപവാസകാലം സഹായിക്കും. ശരീര ഭാരം കുറക്കാൻ താൽപര‍്യപ്പെടുക്കുന്നവർക്കും ഇത് മികച്ച അവസരമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.