പനി കൂടി; ആന്‍റിബയോട്ടിക്കുകളുടെ ഉപയോഗവും കുതിക്കുന്നു

തി​രു​വ​ന​ന്ത​പു​രം: സം​സ്ഥാ​ന​ത്ത്​ പ​നി പ​ട​രു​ന്ന​തോ​ടെ ആ​ന്‍റി​ബ​യോ​ട്ടി​ക്കു​ക​ളു​ടെ ഉ​പ​യോ​ഗ​വും കു​തി​ച്ചു​യ​രു​ന്നു. വൈ​റ​ൽ ​പ​നി​ക്കു​പോ​ലും ആ​ന്‍റി​ബ​യോ​ട്ടി​ക്കു​ക​ൾ കു​റി​ക്കു​ക​യും ക​ഴി​ക്കു​ക​യും ചെ​യ്യു​ന്നു​വെ​ന്ന​താ​ണ്​ സ്ഥി​തി. മെ​ഡി​ക്ക​ൽ സ്റ്റോ​റു​ക​ളി​ൽ വ​ലി​യ വ​ർ​ധ​ന​യാ​ണ്​ ഇ​വ​യു​ടെ വി​ൽ​പ​ന​യി​ലു​ണ്ടാ​യി​ട്ടു​ള്ള​ത്.

ആ​ന്‍റി​ബ​യോ​ട്ടി​ക്കു​ക​ളു​ടെ അ​മി​ത ഉ​പ​യോ​ഗം രോ​ഗാ​ണു​ക്ക​ൾ​ക്ക് മ​രു​ന്നു​ക​ൾ​ക്ക്​ മേ​ൽ ​അ​തി​ജീ​വ​ന​ശേ​ഷി നേ​ടാ​ൻ സ​ഹാ​യി​ക്കു​മെ​ന്നും ഇ​ത്​ ഗു​രു​ത​ര ആ​രോ​ഗ്യ പ്ര​തി​സ​ന്ധി സൃ​ഷ്​​ടി​ക്കു​മെ​ന്നു​മു​ള്ള ആ​രോ​ഗ്യ​വ​കു​പ്പ്​ മു​ന്ന​റി​യി​പ്പ്​ നി​ല​നി​ൽ​ക്കു​ക​യാ​ണ്. പ​നി​മ​രു​ന്നാ​ണെ​ന്ന ധാ​ര​ണ​യി​ൽ ആ​ളു​ക​ൾ സ്വ​യം ആ​ന്‍റി​ബ​യോ​ട്ടി​ക്​ വാ​ങ്ങി​ക്ക​ഴി​ക്കു​ന്ന പ്ര​വ​ണ​ത​യും വ​ർ​ധി​ച്ചി​ട്ടു​ണ്ട്. പ​നി, ജ​ല​ദോ​ഷം തു​ട​ങ്ങി​യ ചെ​റു​രോ​​ഗ​ല​ക്ഷ​ണ​ങ്ങ​ൾ വ​ന്നാ​ൽ​പ്പോ​ലും ഡോ​ക്ട​റെ കാ​ണാ​തെ ആ​ന്റി​ബ​യോ​ട്ടി​ക്കു​ക​ൾ വാ​ങ്ങു​ന്ന​വ​ർ ഏ​റെ​യാ​ണ്. പ​നി​ക്ക്​ മാ​ത്ര​മ​ല്ല, 60 ശ​ത​മാ​നം വ​യ​റി​ള​ക്ക കേ​സു​ക​ളും വൈ​റ​ലാ​ണെ​ങ്കി​ലും ഡോ​ക്ട​ർ​മാ​ർ ആ​ൻ​റി​ബ​യോ​ട്ടി​ക്കു​ക​ൾ കു​റി​ക്കു​ന്നു.

ഗു​രു​ത​ര​മാ​യേ​ക്കാ​വു​ന്ന രോ​ഗാ​ണു​ക്ക​ളെ പ്ര​തി​രോ​ധി​ക്കു​ന്ന ​ജീ​വ​ൻ​ര​ക്ഷാ​മ​രു​ന്നു​ക​ളാ​ണ്​ ആ​ന്‍റി​ബ​യോ​ട്ടി​ക്കു​ക​ൾ. ഇ​വ പൂ​ർ​ണ​മാ​യും ഒ​ഴി​വാ​ക്ക​ണ​മെ​ന്ന​ല്ല, പ​ക​രം ഉ​പ​യോ​ഗം ഡോ​ക്ട​റു​ടെ നി​ർ​ദേ​ശ​പ്ര​കാ​ര​വും ക​രു​​ത​ലോ​ടെ​യും ആ​ക​ണ​മെ​ന്നാ​ണ്​ ആ​രോ​ഗ്യ​വ​കു​പ്പി​ന്‍റെ നി​ഷ്ക​ർ​ഷ. ജ​ല​ദോ​ഷ​പ്പ​നി, വൈ​റ​ൽ പ​നി എ​ന്നി​വ​ക്ക്​ ആ​ന്‍റി​ബ​യോ​ട്ടി​ക്കി​ന്‍റെ ആ​വ​ശ്യ​മി​ല്ല. ഗ​ർ​ഭി​ണി​ക​ളും മു​ല​യൂ​ട്ടു​ന്ന അ​മ്മ​മാ​രും ഇ​വ പ​ര​മാ​വ​ധി ഒ​ഴി​വാ​ക്ക​ണം. ഇ​വ​യി​ൽ പ​ല​തും ഗ​ർ​ഭ​സ്ഥ ശി​ശു​വി​ന്‍റെ​യും ന​വ​ജാ​ത ശി​ശു​വി​ന്‍റെയും വ​ള​ർ​​ച്ച​യെ​യും അ​വ​യ​വ രൂ​പ​വ​ത്​​ക​ര​ണ​ത്തെ​യു​മെ​ല്ലാം ബാ​ധി​ച്ചേ​ക്കാം. ഡെ​ങ്കി​പ്പ​നി, ചി​ക്ക​ൻ​പോ​ക്സ്​ തു​ട​ങ്ങി​യ വൈ​റ​ൽ രോ​ഗ​ബാ​ധ​ക്കും ആ​ന്‍റി​ബ​യോ​ട്ടി​ക്കു​ക​ൾ വേ​ണ്ട. പ​ക്ഷേ ഇ​തൊ​ന്നും പ​ല​പ്പോ​ഴും പ​രി​ഗ​ണി​ക്ക​​പ്പെ​ടാ​റി​ല്ല. ആ​ന്‍റി​ബ​യോ​ട്ടി​ക്കു​ക​ളു​ടെ ഉ​പ​യോ​ഗം ഛർ​ദി, വ​യ​റു​വേ​ദ​ന, നെ​ഞ്ചെ​രി​ച്ചി​ൽ, വി​ശ​പ്പി​ല്ലാ​യ്​​മ, ​നെ​ഞ്ചെ​രി​പ്പ്​ തു​ട​ങ്ങി​യ പാ​ർ​ശ്വ​ഫ​ല​ങ്ങ​ൾ​ക്കും ഇ​ട​യാ​ക്കു​ന്നു​ണ്ട്. ചി​ല​പ്പോ​ൾ ഉ​ദ​ര​സം​ര​ക്ഷ​ണ മ​രു​ന്നു​ക​ൾ വ​രെ ആ​വ​ശ്യ​മാ​യി തീ​രാ​റു​ണ്ട്.

ഡോ​ക്ട​റു​ടെ കു​റി​പ്പ​ടി​യി​ല്ലാ​തെ ആ​ന്റി​ബ​യോ​ട്ടി​ക്കു​ക​ള്‍ വി​ല്‍ക്കു​ന്ന ഫാ​ര്‍മ​സി​ക​ളു​ടെ ലൈ​സ​ന്‍സ് റ​ദ്ദാ​ക്കു​മെ​ന്ന​ത​ട​ക്കം ക​ർ​ശ​ന മു​ന്ന​റി​യി​പ്പു​ക​ളു​ണ്ടെ​ങ്കി​ലും ഇ​തൊ​ന്നും പാ​ലി​ക്ക​പ്പെ​ടാ​റി​ല്ല. സം​സ്ഥാ​ന​ത്തെ എ​ല്ലാ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​െ​ള​യും ‘ആ​ന്റി​ബ​യോ​ട്ടി​ക് സ്മാ​ര്‍ട്ട്’ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളാ​ക്കാ​ന്‍ ആ​​രോ​ഗ്യ​വ​കു​പ്പ്​ ന​ട​പ​ടി തു​ട​ങ്ങി​യി​ട്ടു​​ണ്ടെ​ങ്കി​ലും എ​ങ്ങും എ​ത്തി​യി​ട്ടി​ല്ല.