ശമനമില്ലാതെ ചെള്ളുപനി; ഒരുമാസത്തിനിടെ ആറുമരണം കൂടി

തി​രു​വ​ന​ന്ത​പു​രം: ആ​ശ​ങ്ക വേ​ണ്ട, ജാ​ഗ്ര​ത മ​തി​യെ​ന്ന്​ ആ​രോ​ഗ്യ​വ​കു​പ്പ്​ പ​റ​യു​മ്പോ​ഴും ചെ​ള്ളു​പ​നി (സ്ക്ര​ബ്​ ടൈ​ഫ​സ്) മ​ര​ണ​ങ്ങ​ളി​ൽ ആ​ശ​ങ്ക ക​ന​ക്കു​ന്നു. ഈ​മാ​സം ആ​റു​പേ​ർ​ കൂ​ടി മ​രി​ച്ച​തോ​ടെ സം​സ്ഥാ​ന​ത്ത്​ ക​ഴി​ഞ്ഞ പ​ത്തു മാ​സ​ത്തി​നി​ടെ 18 ജീ​വ​നു​ക​ളാ​ണ് ചെ​ള്ളു​പ​നി​യി​ൽ പൊ​ലി​ഞ്ഞ​ത്.

സ​മാ​ന ല​ക്ഷ​ണ​വു​മാ​യി ര​ണ്ട്​ മ​ര​ണ​ങ്ങ​ളും റി​പ്പോ​ർ​ട്ട്​ ചെ​യ്തി​ട്ടു​ണ്ട്. മ​രി​ച്ച​വ​രും രോ​ഗ​ബാ​ധി​ത​രും ഏ​റെ​യും കു​ട്ടി​ക​ളും ചെ​റു​പ്പ​ക്കാ​രു​മെ​ന്ന​ത്​ രോ​ഗ​ത്തി​ന്‍റെ ഗൗ​ര​വം വ​ർ​ധി​പ്പി​ക്കു​ന്നു. ഈ ​വ​ർ​ഷം ഇ​തു​വ​രെ 519 പേ​ർ​ക്ക്​ രോ​ഗം സ്ഥി​രീ​ക​രി​ച്ചു. സ​മാ​ന​ല​ക്ഷ​ണ​ങ്ങ​ളു​മാ​യി 100 പേ​ർ ചി​കി​ത്സ തേ​ടി​യി​ട്ടു​മു​ണ്ട്.

റി​പ്പോ​ർ​ട്ട്​ ചെ​യ്യു​ന്ന 75 ശ​ത​മാ​ന​വും ചെ​ള്ളു​പ​നി തി​രു​വ​ന​ന്ത​പു​രം ജി​ല്ല​യി​ലാ​ണ്.​ വ​യ​നാ​ട്, കോ​ഴി​ക്കോ​ട്, ക​ണ്ണൂ​ർ, മ​ല​പ്പു​റം, പാ​ല​ക്കാ​ട്​ ജി​ല്ല​ക​ളി​ലും രോ​ഗം റി​പ്പോ​ർ​ട്ട്​ ചെ​യ്യു​ന്നു. രോ​ഗം വ്യാ​പ​ക​മാ​കു​മ്പോ​ഴും കൃ​ത്യ​മാ​യ കാ​ര​ണം ഇ​നി​യും ആ​രോ​ഗ്യ​വ​കു​പ്പ് ക​ണ്ടെ​ത്തി​യി​ട്ടി​ല്ല. 'ഓ​റി​യ​ൻ​ഷ്യ സു​സു​ഗാ​മു​ഷി' എ​ന്ന ബാ​ക്ടീ​രി​യ മൂ​ല​മു​ണ്ടാ​കു​ന്ന ഗു​രു​ത​ര​മാ​യ പ​ക​ർ​ച്ച​വ്യാ​ധി എ​ന്നാ​ണ്​ ലോ​കാ​രോ​ഗ്യ സം​ഘ​ട​ന​ത​ന്നെ വ്യ​ക്ത​മാ​ക്കി​യി​ട്ടു​ള്ള​ത്. എ​ലി, അ​ണ്ണാ​ൻ, മു​യ​ൽ തു​ട​ങ്ങി ക​ര​ണ്ടു​തി​ന്നു​ന്ന ജീ​വി​ക​ളി​ലാ​ണ് രോ​ഗാ​ണു​ക്ക​ൾ കാ​ണ​പ്പെ​ടു​ന്ന​ത്.മൃ​ഗ​ങ്ങ​ളി​ൽ ഇ​ത് രോ​ഗ​മു​ണ്ടാ​ക്കി​ല്ല. ത​ല​സ്ഥാ​ന ജി​ല്ല​യി​ലു​ൾ​പ്പെ​ടെ ചെ​ള്ളു​പ​നി മ​ര​ണ​ങ്ങ​ൾ വ​ർ​ധി​ച്ച സാ​ഹ​ച​ര്യ​ത്തി​ൽ പ്ര​ത്യേ​ക സം​ഘം മ​ര​ണ​മ​ട​ഞ്ഞ​വ​രു​ടെ വീ​ടും പ​രി​സ​ര​വും സ​ന്ദ​ർ​ശി​ച്ച്​ റി​​പ്പോ​ർ​ട്ട്​ സ​മ​ർ​പ്പി​ക്കാ​ൻ ആ​രോ​ഗ്യ​വ​കു​പ്പ്​ നി​ർ​ദേ​ശം ന​ൽ​കി​യി​രു​ന്നു.

ക​ഴി​ഞ്ഞ ജൂ​ലൈ​യി​ലാ​ണ്​ ആ​രോ​ഗ്യ​വ​കു​പ്പ്​ ഈ ​നി​ർ​ദേ​ശം ന​ൽ​കി​യ​ത്. ചെ​ള്ളു​ക​ളെ ന​ശി​പ്പി​ക്കാ​നു​ള്ള ന​ട​പ​ടി സ്വീ​ക​രി​ക്കാ​നും നി​ർ​ദേ​ശം ന​ൽ​കി​യി​രു​ന്നു. എ​ന്നാ​ൽ മ​ര​ണ​ങ്ങ​ൾ കു​ത്ത​നെ ഉ​യ​ർ​ന്നി​ട്ടും റി​പ്പോ​ർ​ട്ട്​ സം​ബ​ന്ധി​ച്ചോ റി​പ്പോ​ർ​ട്ടി​ന്മേ​ൽ സ്വീ​ക​രി​ച്ച ന​ട​പ​ടി​ക​ൾ സം​ബ​ന്ധി​ച്ചോ ഒ​രു വി​വ​ര​വും പ​റു​ത്തു​വ​ന്നി​ട്ടി​ല്ല.

ചെ​റു​പ്രാ​ണി​ക​ളാ​യ മൈ​റ്റു​ക​ളു​ടെ ലാ​ർ​വ ദ​ശ​യാ​യ ചി​ഗ്ഗ​ർ മൈ​റ്റു​ക​ൾ വ​ഴി​യാ​ണ് മൃ​ഗ​ങ്ങ​ളി​ൽ നി​ന്ന് മ​നു​ഷ്യ​രി​ലേ​ക്ക് രോ​ഗം പ​ക​രു​ന്ന​ത്. ചി​ഗ്ഗ​ർ മൈ​റ്റ് ക​ടി​ച്ച് 10-12 ദി​വ​സം ക​ഴി​യു​മ്പോ​ൾ രോ​ഗ​ല​ക്ഷ​ണ​ങ്ങ​ൾ പ്ര​ക​ട​മാ​കും. ക​ടി​ച്ച​ഭാ​ഗം ആ​ദ്യം ചെ​റി​യ ചു​വ​ന്ന ത​ടി​ച്ച പാ​ടാ​കും. വി​റ​യ​ലോ​ടു​കൂ​ടി​യ പ​നി, ത​ല​വേ​ദ​ന, ക​ണ്ണ് ചു​വ​ക്ക​ൽ, ക​ഴ​ല​വീ​ക്കം, പേ​ശി​വേ​ദ​ന, വ​ര​ണ്ട​ചു​മ. ചു​രു​ക്കം ചി​ല​രി​ൽ ത​ല​ച്ചോ​റി​നെ​യും ഹൃ​ദ​യ​െ​ത്ത​യും ബാ​ധി​ക്കു​ന്ന ത​ര​ത്തി​ൽ സ​ങ്കീ​ർ​ണ​മാ​കും.