സിക വൈറസ്; കൊതുകിനെ തുരത്താൻ തലശ്ശേരി കോടതിയിൽ മരുന്ന് പ്രയോഗം

ത​ല​ശ്ശേ​രി: ജി​ല്ല കോ​ട​തി​യി​ല്‍ ന്യാ​യാ​ധി​പ​ർ ഉ​​ൾ​പ്പെ​ടെ​യു​ള്ള​വ​ർ​ക്ക് അ​ല​ർ​ജി​യ​ട​ക്ക​മു​ള്ള ശാ​രീ​രി​ക അ​സ്വാ​സ്ഥ്യ​മു​ണ്ടാ​യ​ത് സി​ക വൈ​റ​സ് മൂലമാ​ണെ​ന്ന് സ്ഥി​രീ​ക​ര​ണം വ​ന്ന​തോ​ടെ കൊ​തു​കി​നെ തു​ര​ത്താ​ൻ ശ്ര​മം. ജി​ല്ല കോ​ട​തി വ​ള​പ്പി​ലും പ​രി​സ​ര​ങ്ങ​ളി​ലും കൊ​തു​കു​ന​ശീ​ക​ര​ണ​ത്തി​നാ​യി ശ​നി​യാ​ഴ്ച മ​രു​ന്ന് ത​ളി​ച്ചു. ചെ​ടി​ക​ളി​ലും വ​ള്ളി​പ്പ​ട​ർ​പ്പു​ക​ൾ​ക്കു​മി​ട​യി​ൽ കൊ​തു​കു​ക​ൾ പെ​രു​കു​ന്നു​ണ്ടോ​യെ​ന്ന പ​രി​ശോ​ധ​ന​യും ന​ട​ത്തി. കൊ​തു​കു​​ലാ​ർ​വ​ക​ളും പ​രി​ശോ​ധ​ന​ക്കെ​ടു​ത്തു. ശ​നി​യാ​ഴ്ച​യാ​ണ് സി​ക് വൈ​റ​സാ​ണ് രോ​ഗകാ​ര​ണ​മെ​ന്ന് വ്യ​ക്ത​മാ​യ​ത്. നൂ​റി​ലേ​റെ പേ​ർ​ക്ക് രോ​ഗം ബാ​ധി​ച്ചി​രു​ന്നു. ഇ​വ​രി​ൽനി​ന്ന് ഏ​താ​നും പേ​രു​ടെ ര​ക്ത​വും സ്ര​വ​വു​മെ​ടു​ത്ത് ന​ട​ത്തി​യ പ​രി​ശോ​ധ​ന​യി​ലാ​ണ് സി​ക വൈ​റ​സ് ബാ​ധ സ്ഥി​രീ​ക​രി​ച്ച​ത്.

എ​ട്ട് പേ​രു​ടെ പ​രി​ശോ​ധ​ന​യി​ലാ​ണ് സി​ക വൈ​റ​സ് സാ​ന്നി​ധ്യം ക​ണ്ടെ​ത്തി​യ​ത്. ഈ​ഡി​സ് കൊ​തു​കാ​ണ് സി​ക പ​ര​ത്തു​ന്ന​ത്. രോ​ഗ​ത്തി​ന്റെ ഉ​റ​വി​ടം വ്യ​ക്ത​മാ​യി​ട്ടി​ല്ല. ആ​രോ​ഗ്യ വി​ഭാ​ഗം അ​ധി​കൃ​ത​രാ​ണ് രോ​ഗം സി​ക വൈ​റ​സാ​ണെ​ന്ന കാ​ര്യം ശ​നി​യാ​ഴ്ച പു​റ​ത്തുവി​ട്ട​ത്. ഈ​ഡി​സ് കൊ​തു​കി​ൽനി​ന്നാ​ണ് ഈ ​രോ​ഗം മ​നു​ഷ്യ​രി​ലെ​ത്തു​ന്ന​ത്. ചൊ​റി​ച്ചി​ല്‍, കൈ​കാ​ല്‍ സ​ന്ധിവേ​ദ​ന, ക​ണ്ണി​ന് ക​ഠി​ന​മാ​യ നീ​റ്റ​ൽ, പ​നി തു​ട​ങ്ങി​യ വ്യ​ത്യ​സ്ത ല​ക്ഷ​ണ​ങ്ങ​ളാ​ണ് രോ​ഗം വ​ന്ന​വ​ർ അ​നു​ഭ​വി​ച്ച​ത്.

നൂ​റി​ലേ​റെ പേ​ർ ഇ​തി​ന​കം രോ​ഗ​ത്തി​ന് ചി​കി​ത്സ തേ​ടി​യി​രു​ന്നു. അ​ഡീ​ഷ​ന​ല്‍ ജി​ല്ല കോ​ട​തി (മൂ​ന്ന്), അ​ഡീ​ഷ​ന​ല്‍ ജി​ല്ല കോ​ട​തി (ര​ണ്ട്), സ​ബ്‌ കോ​ട​തി, പ​ബ്ലി​ക് പ്രോ​സി​ക്യൂ​ട്ട​ർ ഓ​ഫി​സ് എ​ന്നി​വി​ട​ങ്ങ​ളി​ല്‍ ജോ​ലി ചെ​യ്യു​ന്ന ജീ​വ​ന​ക്കാ​ര്‍ക്കും അ​ഭി​ഭാ​ഷ​ക​ര്‍ക്കു​മാ​ണ് രോ​ഗം പി​ടി​പെ​ട്ട​ത്. രോ​ഗം വ​ന്ന ര​ണ്ട് ന്യാ​യാ​ധി​പ​രി​ൽ ഒ​രാ​ൾ കോ​ഴി​ക്കോ​ട് സ്വ​കാ​ര്യ ആ​ശു​പ​ത്രി​യി​ൽ ഇ​പ്പോ​ഴും ചി​കി​ത്സ​യി​ലാ​ണ്. ഇ​വ​ർ​ക്ക് ര​ക്ത​ത്തി​ൽ പ്ലേ​റ്റ്ലെ​റ്റ് കു​റ​യു​ന്ന അ​വ​സ്ഥ​യു​മു​ണ്ട്.