പട്ന: കോൺഗ്രസ് ഉപാധ്യക്ഷൻ രാഹുൽ ഗാന്ധി ഉദിച്ചുയരുന്ന താരമാണെന്ന് ബോളിവുഡ് നടനും ബി.ജെ.പി നേതാവുമായ ശത്രുഘ്നൻ സിൻഹ. ബിഹാർ നിയമസഭാ തെരഞ്ഞെടുപ്പ് വിജയം ജനാധിപത്യത്തിന്‍റേതാണെന്നും സിൻഹ ട്വീറ്റ് ചെയ്തു.
ഉദിച്ചുയരുന്ന താരമായ രാഹുൽ ഗാന്ധിക്ക് എല്ലാ ആശംസകളും നേരുന്നുവെന്നാണ് ശത്രുഘ്നൻ സിൻഹ ട്വീറ്റ് ചെയ്തത്. ബിഹാറിൽ അധികാരത്തിലേറിയ നിതീഷ് കുമാറിന്‍റെ നേതൃത്വത്തിലുള്ള മഹാസഖ്യത്തിന് ആശംസകൾ നേരുന്നതിനിടെയാണ് രാഹുലിന് ബി.ജെ.പി നേതാവിന്‍റെ പ്രശംസ.
ബിഹാറിൽ തെരഞ്ഞെടുപ്പ് പ്രചാരണം നടത്തുന്നതിൽ നിന്ന് ബി.ജെ.പി കേന്ദ്രനേതൃത്വം -ശത്രുഘ്നൻ സിൻഹയെ മാറ്റിനിർത്തിയിരുന്നു. സംസ്ഥാനത്തേറ്റ കനത്ത തോൽവിയുടെ ഉത്തരവാദിത്തം തെരഞ്ഞെടുപ്പിന് ചുക്കാൻ പിടിച്ചവർ ഏറ്റെടുക്കണമെന്ന അദ്വാനി പക്ഷത്തിന്‍റെ അഭിപ്രായത്തോട് സിൻഹ അനുകൂലിച്ചിരുന്നു. കുറേകാലമായി പ്രധാനമന്ത്രി നരേന്ദ്ര മോദിയുമായി ഭിന്നതയിലാണ് സിൻഹ.
It has been the victory of democracy. I wish the new government led by Nitish babu, Laluji and rising star Rahul Gandhi great success.
— Shatrughan Sinha (@ShatruganSinha) November 19, 2015
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.