ബംഗളൂരു: കർണാടകയിൽ പെട്രോളിനും ഡീസലിനും വില വർധിപ്പിച്ചു. വിൽപന നികുതി വർധിപ്പിച്ചതോടെയാണ് വില കൂടിയത്. പെട്രോളിന് മൂന്ന് രൂപയും ഡീസലിന് 3.02 രൂപയുമാണ് വർധിച്ചത്.
പെട്രോളിന്‍റെ വിൽപന നികുതി നേരത്തെയുണ്ടായിരുന്ന 25.92 ശതമാനത്തിൽ നിന്ന് 29.84 ശതമാനമായും ഡീസലിന്‍റെ വിൽപന നികുതി 14.34 ശതമാനത്തിൽ നിന്ന് 18.44 ശതമാനമായുമാണ് വർധിപ്പിച്ചത്.
ഇതോടെ ബംഗളൂരുവിൽ പെട്രോൾ വില ലിറ്ററിന് 102.84 ആയി. നേരത്തെ 99.84 രൂപയായിരുന്നു. ഡീസൽ വില നേരത്തെയുണ്ടായിരുന്ന 85.93ൽ നിന്ന് 88.95 ആയി ഉയർന്നു.
അധിക വരുമാനം കണ്ടെത്താനുള്ള ധനകാര്യവകുപ്പിന്‍റെ നിർദേശപ്രകാരമാണ് നികുതി വർധനവ്. വിലവർധനവ് പ്രാബല്യത്തിൽ വന്നതായി സർക്കാർ ഉത്തരവിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.