പനാജി: ഗോവ മുഖ്യമന്ത്രി മനോഹർ പരീക്കറിന് പാൻക്രിയാസ് അർബുദമാണെന്ന് സ്ഥിരീകരിച്ച് സർക്കാർ. കഴിഞ്ഞ കുറച്ചു മാസങ്ങളായി പരീക്കർ പാൻക്രിയാസ് അർബുദത്തിന് ചികിത്സയിലായിരുന്നുവെന്ന് ആരോഗ്യമന്ത്രി വിശ്വജിത്ത് റാനെ അറിയിച്ചു. സംസ്ഥാനത്ത് ഭരണം നയിക്കാൻ പരീക്കറിന് കഴിയില്ലെന്ന പ്രതിപക്ഷ നേതാക്കളുടെ ആരോപണങ്ങൾക്ക് മറുപടി പറയുകയായിരുന്നു ആരോഗ്യമന്ത്രി.
മനോഹർ പരീക്കർ ഗോവയുടെ മുഖ്യമന്ത്രിയാണ്. അദ്ദേഹത്തിന് പാൻക്രിയാസ് കാൻസറാണ്. അതിൽ സർക്കാറിന് ഒന്നും ഒളിക്കാനില്ല. ദീർഘനാൾ ജനസേവനം നടത്തിയ അദ്ദേഹത്തിന് സമാധാനപരമായ കുടുംബജീവിതമാണ് ഇപ്പോൾ ആവശ്യമെന്നും റാനെ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.