ചെന്നൈ: നാവരിയുമെന്ന് കമൽ ഹാസനെ ഭീഷണിപ്പെടുത്തിയ തമിഴ്നാട് മന്ത്രി രാജേന്ദ്ര ബാലാജിക്കെതിരെ നിയമ നടപടിക ്കൊരുങ്ങി മക്കൾ നീതി മയ്യം. എം.എൻ.എം വൈസ് പ്രസിഡൻറ് ആർ. മഹേന്ദ്രൻ, ജനറൽ സെക്രട്ടറി എ. അരുണാചലം എന്നിവരാണ് ഗ്ര ാമ വികസന മന്ത്രിക്കെതിരെ പൊലീസ് കമീഷണർക്ക് പരാതി നൽകിയത്.
ഗാന്ധി ഘാതകൻ നാഥുറാം ഗോദ്െസക്കെതിരായ കമൽ ഹാസൻെറ പരാമർശം വന്നതിനു പിറകെയായിരുന്നു മന്ത്രിയുെട ഭീഷണി. സ്വതന്ത്ര ഇന്ത്യയിലെ ആദ്യ തീവ്രവാദി ഹിന്ദുവാണ്. അത് േഗാദ്സെയാണ് എന്നായിരുന്നു കമൽ ഹാസൻെറ പരാമർശം.
ഇതിനു മറുപടിയായി അറവകുറിച്ചി ലോക്സഭാ മണ്ഡലത്തിൽ മെയ് 13ന് നടന്ന റാലിക്കിടെയാണ് കമൽ ഹാസനെതിരെ മന്ത്രി ഭീഷണി മുഴക്കിയത്. േഗാദ്സെയെ തീവ്രവാദിയെന്ന് വിളിച്ച കമൽ ഹാസൻെറ നാവ് അരിഞ്ഞെടുക്കണമെന്നായിരുന്നു മന്ത്രിയുടെ ആഹ്വാനം.
മെയ് 16ന് കുരൂർ ജില്ലയിൽ വച്ച് ചിലർ മന്ത്രിയുെട ആഹ്വാന പ്രകാരം കമൽ ഹാസനെ ആക്രമിച്ചുവെന്ന് പാർട്ടി നൽകിയ പരാതിയിൽ ആരോപിക്കുന്നു. മാനനഷ്ടത്തിനും സമാധാനം ലംഘിക്കുന്ന തരത്തിൽ പ്രകോപനമുണ്ടാക്കിയതിനും ബാലാജിക്കെതിരെ കേസ് രജിസ്റ്റർ ചെയ്ത് ആവശ്യമായ നടപടികൾ സ്വീകരിക്കണമെന്ന് പരാതിയിൽ ആവശ്യപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.