കൊഹിമ: നാഗാലാൻറ് മുഖ്യമന്ത്രിയായി മുൻ മുഖ്യമന്ത്രി ടി.ആർ സെലിയാങ്ങിെന ഗവർണർ തെരഞ്ഞെടുത്തു. നിലവിലെ മുഖ്യമന്ത്രിയായിരുന്ന ഷുർേഹാസ്ലീ ലീസീറ്റ്സു വിശ്വാസവോെട്ടടുപ്പിന് ഹാജരാകാത്തതിനെ തുടർന്നാണ് െസലിയാങ്ങിനെ തെരഞ്ഞെടുത്തത്. വൈകീട്ട് മൂന്നിന് സത്യപ്രതിജ്ഞ നടക്കും.
ജൂലൈ 21ന് ഭൂരിഎപക്ഷം തെളിയിക്കണമെന്ന് ഗവർണർ സെലിയാങ്ങിനോട് ആവശ്യപ്പെട്ടു. നേരത്തെ, ലീസീറ്റ്സുവിന് പിന്തുണ തെളിയിക്കാനായി പ്രത്യേക യോഗം വിളിക്കണമെന്ന് സ്പീക്കർക്ക് ഗവർണർ പി.ബി ആചാര്യ നൽകിയ നിർദേശം നൽകിയിരുന്നു. ഇതുപ്രകാരം ഇന്ന് സഭ ചേർന്നെങ്കിലും ലീസീറ്റ്സു ഹാജരാകാത്തതിനാൽ സെലിയാങ്ങിനെ മുഖ്യമന്ത്രിയായി തെരഞ്ഞെടുക്കുകയായിരുന്നു.
നാഗാലാൻറിലെ മുൻ മുഖ്യമന്ത്രിയായിരുന്ന സെലിയാങ് ഗവർണർക്ക് നൽകിയ കത്താണ് വിശ്വാസ വോട്ടിലേക്ക് നയിച്ചത്. സാമാജികർ തനിക്കൊപ്പമാണെന്നും ഷുർേഹാസ്ലീ ലീസീറ്റ്സു രാജിവെച്ച് താൻ മുഖ്യമന്ത്രിയാകണമെന്നാണ് അവർ ആഗ്രഹിക്കുന്നതെന്നും അദ്ദേഹം കത്തിൽ പറഞ്ഞിരുന്നു. തദ്ദേശ സ്വയംഭരണ തെരഞ്ഞെടുപ്പിൽ 33 ശതമാനം വനിതാസംവരണം നടപ്പാക്കാനുള്ള തീരുമാനം ഗോത്ര വർഗങ്ങൾക്കിടയിൽ പ്രതിഷേധങ്ങൾക്കിടയാക്കിയതിനെ തുടർന്ന് കഴിഞ്ഞ ഫെബ്രുവരിയിൽ സെലിയാങ്ങിന് മുഖ്യമന്ത്രി രാജിവെക്കേണ്ടി വന്നിരുന്നു.
നേരത്തെ, വിമതരാണെന്ന് കണ്ടെത്തി ആറു മന്ത്രിമാരിൽ നാലു പേരെയും 12 നിയമസാമാജികരെയും മുഖ്യമന്ത്രി ലീസീറ്റ്സു ജൂലൈ ഒമ്പതിന് സസ്െപൻറ് ചെയ്തിരുന്നു.
സെലിയാങ്ങിെൻറ അവകാശവാദതെത തുടർനന് വിശ്വാസം തെളിയിക്കാൻ ഗവർണർ ലീസീറ്റ്സുവിനോട് ആവശ്യപ്പെട്ടപ്പോൾ അദ്ദേഹം ഹൈകോടതിയെ സമീപിക്കുകയായിരുന്നു. എന്നാൽ ലീസീറ്റ്സുവിെൻറ ഹരജി തള്ളിയ കോടതി ഗവർണർക്ക് തീരുമാനമെടുക്കാമെന്ന് വിധിച്ചു. അതോടെ വിശ്വാസ വോട്ട് നടത്താൻ ഗവർണർ സ്പീക്കറോട് ആവശ്യപ്പെടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.