ന്യൂഡൽഹി: പാകിസ്താനിൽ വരാനിരിക്കുന്ന പൊതുതെരഞ്ഞെടുപ്പ് ഇന്ത്യ-പാക് ബന്ധത്തിൽ യാതൊരു മാറ്റവും കൊണ്ടുവരില്ലെന്ന് കോൺഗ്രസ് നേതാവ് മണിശങ്കർ അയ്യർ. പാക് തെരഞ്ഞെടുപ്പിൽ ഇമ്രാൻ ഖാന്‍റെ പാർട്ടി അധികാരത്തിലെത്തിയാലും നവാസ് ശെരീഫ് വിജയിച്ചാലും ഇന്ത്യ-പാക് ബന്ധത്തിൽ മാറ്റമുണ്ടാകാൻ സാധ്യതയില്ല. വരുന്ന ലോക്സഭാ തെരഞ്ഞെടുപ്പിൽ മോദി തരംഗത്തെ മറികടന്നാൽ മാത്രമേ ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുകയുള്ളൂയെന്നും മണി ശങ്കർ ചൂണ്ടിക്കാട്ടി.
ജൂലൈ 25നാണ് പാകിസ്താൻ നാഷണൽ അസംബ്ലിയിലേക്കുള്ള തെരഞ്ഞെടുപ്പ് നടക്കുക. ഇമ്രാൻ ഖാെൻറ നേതൃത്വത്തിലുള്ള തെഹ്രീക് ഇ ഇൻസാഫ് പാർട്ടിയും നവാസ് ശെരീഫിെൻറ കുടുംബം നയിക്കുന്ന പാകിസ്താൻ മുസ്ലിം ലീഗുമാണ് പരസ്പരം മത്സരിക്കുന്നത്. 2013 തെരഞ്ഞെടുപ്പിൽ നവാസ് ശെരീഫ് വിഭാഗം 166 സീറ്റും പി.ടി.െഎ 35 സീറ്റുമാണ് നേടിയത്. എന്നാൽ, ഇത്തവണ പി.എം.എൽ-നവാസ് വിഭാഗത്തിന് തിരിച്ചടിയുണ്ടാകുമെന്നാണ് സൂചന.
ശെരീഫിെൻറ മകൾ മറിയത്തെ പാക് സുപ്രീംകോടതി അയോഗ്യയാക്കിയതും മുംബൈ ഭീകരാക്രമണത്തിെൻറ സൂത്രധാരൻ ഹാഫിസ് സയ്യിദ് അല്ലാഹു അക്ബർ തെഹ് രീക് (എ.എ.ടി) എന്ന പാർട്ടിയുടെ ടിക്കറ്റിൽ 50ഒാളം സ്ഥാനാർഥികളെ നിർത്തുന്നതും മൗലാനാ ഖാദിം ഹുസൈൻ റിസ്വിയുടെ പാർട്ടി സജീവമായതുമെല്ലാം പാകിസ്താൻ മുസ്ലിം ലീഗ്-നവാസ് വിഭാഗത്തിന് തിരിച്ചടിയാകുമെന്നും മണിശങ്കർ അയ്യർ വിലയിരുത്തുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.