വാരാണസി: പ്രധാനമന്ത്രി നരേന്ദ്രമോദിക്കെതിെര വാരാണസിയിൽ മത്സര രംഗത്തിറങ്ങിയ തേജ് ബഹാദൂർ ധാപ്പയുടെ നാമനിർദേശ പത്രിക ജില്ലാ തെരഞ്ഞെടുപ്പ് ഓഫീസർ തള്ളി. സമാജ്വാദി പാർട്ടി സ്ഥാനാർഥിയായാണ് മുൻ ബി.എസ്.എഫ് ജവാൻ കൂടിയായ തേജ് ബഹാദൂർ ധാപ്പ പത്രിക നൽകിയിരുന്നത്.
ബി.എസ്.എഫിൽ നിന്ന് പുറത്താക്കിയത് നാമനിർദേശ പത്രികയിൽ വ്യക്തമാക്കാത്തതാണ് പത്രിക തള്ളാൻ കാരണം. നേരത്തെ സ്വതന്ത്ര സ്ഥാനാർഥിയായി പത്രിക നൽകിയ ശാലിനി യാദവിനെ മാറ്റിയാണ് സമാജ്വാദി പാർട്ടി തേജ് ബഹാദൂറിനെ സ്ഥാനാർഥിയാക്കിയത്.
വരണാധികാരി തെറ്റായ രീതിയിലാണ് തൻെറ പത്രിക തള്ളിയതെന്ന് തേജ് ബഹാദൂർ ആരോപിച്ചു. ഇന്നലെ 6.15ന് രേഖകൾ സമർപ്പിക്കാനായിരുന്നു തങ്ങളോട് ആവശ്യപ്പെട്ടത്. ആവശ്യപ്പെട്ട രേഖകൾ സമർപ്പിച്ചു. എന്നിട്ടും പത്രിക തള്ളുകയായിരുന്നു. ഇതിനെതിരെ സുപ്രീംകോടതിയെ സമീപിക്കുമെന്നും തേജ് ബഹാദൂർ പറഞ്ഞു.
സൈന്യത്തിലെ മോശം ഭക്ഷണത്തെ കുറിച്ച് സമൂഹ മാധ്യമങ്ങളിൽ പ്രതികരിച്ചതിന് ബി.എസ്.എഫിൽ നിന്ന് പൂറത്താക്കപ്പെട്ട വ്യക്തിയാണ് തേജ് ബഹാദൂർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.