ന്യൂഡൽഹി: നിലപാടിൽ മാറ്റം വരുത്തേണ്ട കാര്യമില്ലെന്ന് കെ.പി.സി.സി പ്രസിഡന്‍റ് വി.എം. സുധീരൻ. സ്ഥാനാർഥി നിർണയവുമായി ബന്ധപ്പെട്ട് ഡൽഹിയിൽ നടന്ന ചർച്ചക്കിടെ മുഖ്യമന്ത്രിയുമായി പ്രശ്നങ്ങൾ നിലനിൽക്കുന്നവെന്ന വാർത്തകൾക്കിടെയായിരുന്നു സുധീരന്‍റെ പ്രതികരണം.
മാധ്യമങ്ങൾ പ്രചരിപ്പിക്കുന്നതുപോലെ സീറ്റ് വിഭജനവുമായി ബന്ധപ്പെട്ട് അമിതമായ തർക്കങ്ങളൊന്നും നിലനിൽക്കുന്നില്ല. എല്ലാ തെരഞ്ഞെടുപ്പുകളിലും ഉണ്ടാകാറുള്ളതു പോലുള്ള മിതമായ പ്രശ്നങ്ങളുണ്ടെങ്കിലും അതിൽ അസാധാരണമായി ഒന്നുമില്ല. മറ്റ് നേതാക്കളുമായുള്ള ചർച്ചകൾ പുരോഗമിക്കുകയാണ്. ഘട്ടം ഘട്ടമായി സ്ഥാനാർഥികളുടെ മുഴുവൻ പേരും പ്രഖ്യാപിക്കുമെന്നും സുധീരൻ പറഞ്ഞു.
കോൺഗ്രസ് ഉപാധ്യക്ഷൻ രാഹുൽ ഗാന്ധിയുമായി സുധീരൻ നേരത്തേ കൂടിക്കാഴ്ച നടത്തിയിരുന്നു. കേരളത്തിലെ സ്ഥിതിഗതികൾ അദ്ദേഹത്തെ അറിയിച്ചിട്ടുണ്ടെന്ന് സുധീരൻ മാധ്യമപ്രവർത്തകരോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.