ലോകത്തോളം വളർന്ന കൂടല്ലൂരുകാരൻ...

കുടല്ലൂർ എന്ന കുഗ്രാമത്തിലെ മാടത്ത്​ തെക്കെപ്പാട്ട്​ വീട്ടിൽ വാസുദേവൻ എന്ന പയ്യൻ പേരി​ന്റെ കൂടെ നായർ എന്നു ചേർക്കാൻ കാരണം കുട്ടിക്കാലത്ത്​ താനയക്കുന്ന എഴുത്തുകൾ ​ പ്രായക്കൂടുതലുള്ള ആളി​ന്റെ രചനയാണെന്ന്​ പത്രാധിപർമാരെ തെറ്റിദ്ധരിപ്പിക്കാനായിരുന്നു.12ാം വയസിൽ കവിത എഴുതി തുടങ്ങി. ശരിയാവില്ല എന്നു തോന്നിയപ്പോൾ കവിത എ​ഴുത്ത്​ നിർത്തി.

1950ൽ മദിരാശിയിൽ നിന്ന്​ പ്രസിദ്ധീകരിച്ച ചിത്രകേരളം മാസികയിൽ വന്ന വിഷുകൈനീട്ടമാണ്​ ആദ്യകഥ. ദിവസവും എന്തെങ്കി​ലുമൊന്ന്​ കടലാസിൽ കുറിച്ചിടാൻ ശ്രമിക്കുമായിരുന്നു. ഈ കുറിപ്പുകളാണ്​ പത്രമാപ്പീസിലേക്ക്​ കഥയായി മാറി എത്തുക. എഴുതുന്ന ആദ്യകോപ്പി പ്രസിദ്ധീകരണത്തിന്​ അയക്കില്ല. വീണ്ടും അത്​ പകർത്തിയെഴുതുന്ന ചെറുപ്പത്തിലെ പതിവ്​ എം.ടി.ക്ക്​ അറിയപ്പെടുന്ന എഴത്തുകാരനായപ്പോളും മാറ്റാൻ സാധിച്ചിട്ടില്ല. രാത്രിയാണ്​ പലപ്പോഴും എഴുതാനിരിക്കുക. ചെറുപ്പത്തിൽ മണ്ണെണ്ണ വിളക്കി​െൻറ വെളിച്ചത്തിൽ എഴുതു​മ്പോൾ അമ്മ വിചാരിക്കും മകൻ നന്നായി പഠിക്കുകയാ​െണന്ന്​.അമ്മക്ക്​ ആകെ പേടി മണ്ണെണ്ണ തീർന്നു പോകുമോ എന്നായിരുന്നു. അത്രക്ക്​ അപൂർവമായി ലഭിക്കുന്നതായിരുന്നു മണ്ണെണ്ണ.

എ​ം.ടിയുടെ സാഹിത്യ ജീവിതത്തിൽ മ​െറ്റന്തിനേക്കാളും അദ്ദേഹം കടപ്പെട്ടിരിക്കുന്നത്​ സ്വന്തം നാടായ കുടല്ലൂരിനോടാണ്​. വേലായുധേട്ട​െൻറയും ഗോവിന്ദൻകുട്ടിയുടെയും പകിട കളിക്കാരൻ കോന്തുണ്ണി അമ്മാമയുടെയും കാതു മുറിച്ച മീനാക്ഷിയുടെയും നാടായ കുടല്ലൂരിനോട്​. സ്വന്തം നാടായ കുടല്ലൂരിൽ നിന്ന്​ കണ്ടെത്തിയ മനുഷ്യരായിരുന്നു എം.ടിയുടെ കഥാപാത്രങ്ങൾ.

2014ൽ ചലച്ചിത്ര രംഗത്തെ സമഗ്ര സംഭാവനകൾ പരിഗണിച്ചുള്ള ജെ.സി.ഡാനിയൽ പുരസ്​കാരം സ്വീകരിച്ച്​ എം.ടി.നടത്തിയ മറുപടി പ്രസംഗത്തിൽ പറഞ്ഞത്​ 50വർഷത്തിനപ്പുറം ചില സുഹൃത്തുക്കളുടെ നിർബന്ധം കൊണ്ടാണ്​ അത്രയൊന്നും താൽപര്യമില്ലാത്ത സിനിമ രംഗത്തേക്ക്​ പ്രവേശിച്ചത്​. പിൽക്കാലത്ത്​ ചലച്ചിത്ര ലോകത്തി​െൻറ അനന്തവും അൽഭുതകരവുമായ സാധ്യതകളെ മനസ്സിലാക്കി. അവിസ്​മരണീയവും മനോഹരവുമായ അനുഭവമായാണ്​ എം.ടി സിനിമയെ ലോകം പിന്നീട്​ വിലയിരുത്തിയത്​.

സാഹിത്യ രചന പഠിക്കാൻ നിശ്​ചിത പാഠപുസ്​തകങ്ങളി​െല്ലന്നത്​ തിരിച്ചറിഞ്ഞ്​ എവിടയൊക്കെയോ ചില മാതൃകകൾ കണ്ട്​ ആരാധനയും ആവേശവും തോന്നിയാണ്​ എം.ടി. എഴുതാനിറങ്ങിയത്​.