ബംഗളൂരു: ക്രിസ്മസ്, പുതുവത്സര അവധിയോടനുബന്ധിച്ച് കേരളത്തിലേക്ക് പ്രത്യേക സർവിസ് പ്രഖ്യാപിച്ച് കർ‍ണാടക ആർ.ടി.സി. ഡിസംബര്‍ 21 മുതല്‍ ജനുവരി ഒന്നു വരെ കണ്ണൂര്‍, കോഴിക്കോട്, എറണാകുളം, പാലക്കാട്, തൃശൂര്‍, കോട്ടയം, തിരുവനന്തപുരം എന്നിവിടങ്ങളിലേക്കാണ് സർവിസുകൾ.
ഇതിൽ പാലക്കാട്, തൃശൂർ, എറണാകുളം, കോട്ടയം എന്നിവിടങ്ങളിലേക്കുള്ള സര്‍വിസുകൾ പ്രഖ്യാപിച്ചു. ഇവയിൽ ഓൺലൈന്‍ റിസര്‍വേഷന്‍ ആരംഭിച്ചു. നാലോ അതിലധികമോ യാത്രക്കാര്‍ ഒന്നിച്ച് ടിക്കറ്റ് ബുക്ക് ചെയ്താല്‍ ടിക്കറ്റ് നിരക്കില്‍ അഞ്ചു ശതമാനം ഇളവും ഇരുവശത്തേക്കുമുള്ള ടിക്കറ്റ് ഒന്നിച്ച് ബുക്ക് ചെയ്താല്‍ തിരിച്ചുള്ള യാത്രക്ക് പത്തു ശതമാനം ഇളവും നൽകുന്നുണ്ട്.
ബംഗളൂരു-എറണാകുളം ഐരാവത് ക്ലബ് ക്ലാസ് സർവിസ് ഡിസംബര്‍ 21, 22 തീയതികളിൽ രാത്രി ഒമ്പതിന് പുറപ്പെടും. ബംഗളൂരു-എറണാകുളം സർവിസ് ഡിസംബര്‍ 23ന് രാത്രി 8.38നും 9.18നും ബംഗളൂരു-കോട്ടയം സർവിസ് ഡിസംബര്‍ 23 രാത്രി 7.08നും 7.48നും പുറപ്പെടും. ഡിസംബര്‍ 23ന് രാത്രി 9.45നാണ് ബംഗളൂരു-തൃശൂർ സർവിസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.