എടപ്പാള്‍ (മലപ്പുറം): തവനൂരിലെ യു.ഡി.എഫ് സ്ഥാനാര്‍ത്ഥി ഫിറോസ് കുന്നംപറമ്പിലിനെതിരെ വംശീയ അധിക്ഷേപം നടത്തിയതായി പരാതി. ഫിറോസ് കുന്നുംപറമ്പിൽ സങ്കരയിനമാണെന്ന് എൽ.ഡി.എഫ് സ്ഥാനാർഥി മന്ത്രി കെ.ടി ജലീൽ അധിക്ഷേപിച്ചെന്നാണ് പരാതി.
സംഭവത്തില്‍ സംസ്ഥാന പൊലീസ്‌ മേധാവിക്കും തെരഞ്ഞെടുപ്പ് കമീഷനും യൂത്ത് കോൺഗ്രസ് സംസ്ഥാന ജനറൽ സെക്രട്ടറി ഇ.പി. രാജീവ് പരാതി നൽകി. ഒരു സ്വകാര്യ ചാനലിന് നൽകിയ അഭിമുഖത്തിലാണ് ഫിറോസ് കുന്നംപറമ്പിൽ സങ്കര വർഗത്തിൽ പെടുന്നയാളാണെന്ന് കെ.ടി. ജലീൽ ആക്ഷേപിച്ചതെന്ന് പരാതിയിൽ പറയുന്നു.
ഇത്തരം വംശീയമായ അധിക്ഷേപങ്ങൾ തെരഞ്ഞെടുപ്പ് ചട്ടങ്ങൾക്ക് വിരുദ്ധവും സമൂഹത്തിൽ ചേരിതിരിവുകൾ സൃഷ്ടിക്കുന്നതുമാണെന്നും പരാതിയിൽ ചൂണ്ടിക്കാട്ടി. വിഡിയോയും പരാതിക്കൊപ്പം സമർപ്പിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.