കൊച്ചി: എ. രാജ എം.എൽ.എയുടെ ജാതി വ്യക്തമാക്കുന്ന രേഖകൾ ഹാജരാക്കാൻ സി.എസ്.ഐ കൊച്ചി മഹായിടവക ബിഷപ്പിനോട് ഹൈകോടതി. പട്ടികജാതി വിഭാഗക്കാർക്ക് സംവരണം ചെയ്ത ദേവികുളം മണ്ഡലത്തിൽ ക്രൈസ്തവ സഭാംഗമായ എ. രാജ വ്യാജ ജാതി സർട്ടിഫിക്കറ്റ് നേടിയാണ് മത്സരിച്ചതെന്ന് ആരോപിച്ച് കോൺഗ്രസ് സ്ഥാനാർഥിയായിരുന്ന ഡി. കുമാർ നൽകിയ തെരഞ്ഞെടുപ്പ് ഹരജിയിലാണ് ജസ്റ്റിസ് പി. സോമരാജന്‍റെ ഉത്തരവ്.
രാജയുടെ തെരഞ്ഞെടുപ്പ് റദ്ദാക്കണമെന്നാണ് ആവശ്യം. സി.എസ്.ഐ സഭയുടെ പക്കലുള്ള ഫാമിലി രജിസ്റ്റർ, മാമോദീസ രജിസ്റ്റർ, ശവസംസ്കാരം സംബന്ധിച്ച രജിസ്റ്റർ എന്നിവ ബിഷപ്പോ അദ്ദേഹം ചുമതലപ്പെടുത്തിയ വ്യക്തിയോ ആഗസ്റ്റ് 10ന് ഹാജരാക്കാൻ നിർദേശിച്ച് ബിഷപ്പിന് സമൻസ് നൽകാനാണ് നിർദേശം. ഹരജി വീണ്ടും ആഗസ്റ്റ് 17ന് പരിഗണിക്കാൻ മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.