പരസ്യബോർഡുകൾ നീക്കിയില്ലെങ്കിൽ തദ്ദേശവകുപ്പ്​ ജീവനക്കാർ ഉത്തരവാദികൾ

മ​ഞ്ചേ​രി: പൊ​തു​സ്ഥ​ല​ങ്ങ​ളി​ലും പാ​ത​വ​ക്കി​ലു​മു​ള്ള ബോ​ർ​ഡു​ക​ളും ബാ​ന​റു​ക​ളും ഒ​ക്ടോ​ബ​ർ 30ന് ​ശേ​ഷ​വും നീ​ക്കി​യി​ല്ലെ​ങ്കി​ൽ ത​ദ്ദേ​ശ​സ്ഥാ​പ​ന സെ​ക്ര​ട്ട​റി​മാ​ർ​ക്കും ജീ​വ​ന​ക്കാ​ർ​ക്കു​മെ​തി​രെ ന​ട​പ​ടി. ഹൈ​കോ​ട​തി ഉ​ത്ത​ര​വ് ന​ട​പ്പാ​ക്കു​ന്ന​താ​യി കാ​ണി​ച്ച് പ​ഞ്ചാ​യ​ത്ത് ഡ​യ​റ​ക്ട​റും ന​ഗ​ര​കാ​ര്യ ഡ​യ​റ​ക്ട​റും ഇ​റ​ക്കി​യ ഉ​ത്ത​ര​വി​ലാ​ണ്​ ഇ​ക്കാ​ര്യ​മ​റി​യി​ച്ച​ത്. ചു​മ​ത്തേ​ണ്ട പി​ഴ​യും നി​ർ​ദേ​ശി​ച്ചി​ട്ടു​ണ്ട്.

ഒ​ക്ടോ​ബ​ർ 30ന​കം മാ​റ്റാ​ൻ ആ​വ​ശ്യ​പ്പെ​ടു​ക, പി​ന്നീ​ട് നി​ശ്ചി​ത​ദി​വ​സ​ത്തെ സാ​വ​കാ​ശം കാ​ണി​ച്ച് നോ​ട്ടീ​സ് ന​ൽ​കു​ക, ശേ​ഷം ത​ദ്ദേ​ശ​സ്ഥാ​പ​നം ത​ന്നെ നീ​ക്കു​ക എ​ന്ന​താ​ണ് ച​ട്ടം. ഹൈ​കോ​ട​തി ഉ​ത്ത​ര​വാ​യ​തി​നാ​ൽ നേ​ര​ത്തെ ചെ​യ്ത രീ​തി​യി​ൽ ച​ട​ങ്ങ്​ തീ​ർ​ക്ക​ൽ പ​റ്റി​ല്ല. പൊ​ലീ​സും റ​വ​ന്യൂ വ​കു​പ്പു​മാ​ണ് നേ​ര​ത്തെ ഗ​താ​ഗ​ത ത​ട​സ്സ​മു​ണ്ടാ​വു​ന്ന​വ എ​ടു​ത്തു​മാ​റ്റി​യി​രു​ന്ന​ത്.

പ​ഞ്ചാ​യ​ത്ത് ത​ല​ത്തി​ൽ പ​ഞ്ചാ​യ​ത്ത് ഡ​യ​റ​ക്ട​റും ന​ഗ​ര​സ​ഭ, കോ​ർ​പ​റേ​ഷ​ൻ എ​ന്നി​വ​ക​ളി​ൽ ന​ഗ​ര​കാ​ര്യ ഡ​യ​റ​ക്ട​റും പ്ര​ത്യേ​ക നോ​ഡ​ൽ ഒാ​ഫി​സ​റെ ചു​മ​ത​ല​പ്പെ​ടു​ത്തി​യി​ട്ടു​ണ്ട്. പൊ​തു​ജ​ന​ങ്ങ​ളി​ൽ നി​ന്ന് പ​രാ​തി​ക​ളു​ണ്ടാ​യാ​ലും പ​രാ​തി കോ​ട​തി​യി​ലെ​ത്തി​യാ​ലും ബ​ന്ധ​പ്പെ​ട്ട ത​ദ്ദേ​ശ​സ്ഥാ​പ​ന​ത്തി​ലെ ഉ​ദ്യോ​ഗ​സ്ഥ​ർ മ​റു​പ​ടി പ​റ​യ​ണം.