ഹാർബർ ടെർമിനലിൽ എത്തിയ ഗോൾഡൻ ചാരിയറ്റ് ട്രെയിൻ
മട്ടാഞ്ചേരി: ആഡംബര ട്രെയിനായ ഗോൾഡൻ ചാരിയറ്റ് കൊച്ചി ഹാർബർ ടെർമിനലിലെത്തി. നാല് വർഷത്തിനുശേഷമാണ് ഹാർബർ ടെർമിനലിൽ ട്രെയിനെത്തുന്നത്. ട്രെയിനിൽ എത്തിയ യാത്രക്കാർ സമീപ പ്രദേശങ്ങളിലെ ടൂറിസ്റ്റ് കേന്ദ്രങ്ങൾ സന്ദർശിച്ചു.
ആഡംബരത്തിന്‍റെ അവസാന വാക്ക് എന്നാണ് ഈ ട്രെയിനിനെ അധികൃതർ വിശേഷിപ്പിക്കുന്നത്. അത്യാധുനിക സജ്ജീകരണങ്ങളാണ് ഇതിൽ ഒരുക്കിയിട്ടുള്ളത്. ദക്ഷിണേന്ത്യയിലെ രണ്ട് സർക്യൂട്ടുകളിൽ ആറുദിവസത്തെ യാത്രയാണ് ആസൂത്രണം ചെയ്തിട്ടുള്ളത്.
പ്രൈഡ് ഓഫ് കർണാടക, ജ്യുവൽ ഓഫ് സൗത്ത് ഇന്ത്യ എന്നാണ് രണ്ട് യാത്രക്ക് പേരിട്ടിരിക്കുന്നത്. ഒരാൾക്ക് ഒരു രാത്രിക്ക് 74,892 രൂപ വരും. ആറ് രാത്രികൾക്ക് 3,74,460 രൂപ.രണ്ടാൾക്ക് ഒരു ദിവസത്തെ ചാർജ് 56,248 രൂപ. ആറു രാത്രികൾക്ക് കൂടി 2,81,240 രൂപ നൽകണം. ട്രെയിൻ വെള്ളിയാഴ്ച ടെർമിനലിൽനിന്ന് തിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.