കൊച്ചി: കോടിക്കണക്കിന് രൂപയുടെ സ്വത്തുണ്ടെന്ന് തനിക്കെതിരെ ആരോപണം ഉന്നയിച്ച മാത്യു കുഴൽനാടൻ എം.എൽ.എയെ വെല്ലുവിളിച്ച് സി.പി.എം ജില്ല സെക്രട്ടറി സി.എൻ. മോഹനൻ. സ്വത്തുവിവരം അദ്ദേഹം പുറത്തുവിടണം. വെല്ലുവിളി ഏറ്റെടുക്കാൻ മാത്യു കുഴൽനാടൻ തയാറായാൽ സാഷ്ടാംഗം പ്രണമിക്കാമെന്നും അദ്ദേഹം പറഞ്ഞു.
മാനനഷ്ടക്കേസ് കൊടുക്കാനുള്ള സ്വാതന്ത്ര്യം അദ്ദേഹത്തിനുണ്ട്. താനൊരു മഹാസംഭവമാണെന്നാണ് അയാളുടെ വിചാരം. മാത്യു കുഴൽനാടന് രാഷ്ട്രീയ പാരമ്പര്യമില്ല. തെളിവുകൾവെച്ചാണ് സംസാരിച്ചത്. അതിന് അദ്ദേഹത്തിന് മറുപടിയില്ല. നാടൻ കുഴൽ വന്നാലും വിദേശ കുഴൽ വന്നാലും നിയമപരമായി നേരിടും. മാത്യു കുഴൽനാടന്‍റെ സ്വത്ത് സംബന്ധിച്ച് ഉയർത്തിയ ആരോപണത്തിൽ ഉറച്ചുനിൽക്കുന്നുവെന്നും മോഹനൻ മാധ്യമപ്രവർത്തകരോട് പറഞ്ഞു.
കുഴൽനാടൻ പങ്കാളിയായ കെ.എം.എൻ.പി ലോ എന്ന നിയമസ്ഥാപനത്തിന്‍റെ മറവിൽ കുഴൽനാടൻ കോടികളുടെ കള്ളപ്പണം വെളുപ്പിച്ചെന്ന് ആരോപണം ഉന്നയിച്ചതിനാണ് രണ്ടരക്കോടി രൂപ നഷ്ടപരിഹാരം ആവശ്യപ്പെട്ട് മോഹനന് വക്കീൽ നോട്ടീസ് അയച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.