ജ്വല്ലറി കവർച്ച: ചാരിറ്റി യൂട്യൂബർ നിതിൻ നിലമ്പൂരിനെയും കൂട്ടാളികളെയും പിടികൂടിയത് ഗൂർഖ രാജുവിന്റെ സമയോചിത ഇടപെടലിൽ

ന​രി​ക്കു​നി (കോഴിക്കോട്): സ്വ​ർ​ണ​ക്ക​ട​യു​ടെ പി​ൻ​വ​ശ​ത്തെ ചു​മ​ർ തു​ര​ന്ന് ക​വ​ർ​ച്ച ന​ട​ത്താ​ൻ ശ്ര​മി​ക്കു​ന്ന​തി​നി​ടെ ചാ​രി​റ്റി പ്ര​വ​ർ​ത്ത​ക​ൻ നി​തി​ൻ നി​ല​മ്പൂ​രിനെയും കൂ​ട്ടാ​ളി​ക​ളെയും മൽപിടുത്തത്തിലൂടെ പിടികൂടിയ ഗൂർഖ രാജുവിന് അഭിനന്ദനപ്രവാഹം. ചാരിറ്റി യൂട്യൂബർ നി​ല​മ്പൂ​ർ പോ​ത്തു​ക​ല്ല് സ്വ​ദേ​ശി എ​ട​ത്തൊ​ടി വീ​ട്ടി​ൽ നി​തി​ൻ കൃ​ഷ്ണ​ൻ (26), പ​ര​പ്പ​ൻ​വീ​ട്ടി​ൽ മു​ത്തു എ​ന്ന​റി​യ​പ്പെ​ടു​ന്ന അ​മീ​ർ (34), വെ​ളി​മ​ണ്ണ ഏ​ലി​യ​പാ​റ​മ്മ​ൽ നൗ​ഷാ​ദ് (29), വേ​ന​പ്പാ​റ കാ​യ​ലും​പാ​റ കോ​ള​നി​യി​ൽ ബി​ബി​ൻ (25) എ​ന്നി​വ​രാ​ണ് പി​ടി​യി​ലാ​യ​ത്.

30 വ​ർ​ഷം മു​മ്പ് കേ​ര​ള​ത്തി​ലെ​ത്തി​യ ധീ​ര​നും ത​ന്റേ​ടി​യു​മാ​യ ഗൂ​ർ​ഖ രാ​ജു​വി​ന്റെ ഇടപെടലാണ് മോഷ്ടാക്കളെ പിടികൂടാൻ വഴിയൊരുക്കിയത്. ന​രി​ക്കു​നി​യി​ലെ വ്യാ​പാ​ര​സ്ഥാ​പ​ന​ങ്ങ​ളു​ടെ കാ​വ​ൽ​ക്കാ​ര​നായ നേ​പ്പാ​ൾ സ്വ​ദേ​ശി രാ​ജു, ക​ഴി​ഞ്ഞ​ദി​വ​സം പു​ല​ർ​ച്ചെ ര​ണ്ടി​ന് ന​രി​ക്കു​നി എം.​സി ജ്വ​ല്ല​റി​യു​ടെ പി​റ​കു​വ​ശ​ത്തെ ചു​മ​ർ തു​ര​ന്ന മോഷ്ടാവിനെ സ്വ​ന്തം ജീ​വ​ൻ​പോ​ലും പ​ണ​യം​വെ​ച്ച് മ​ൽ​പി​ടു​ത്ത​ത്തി​ലൂ​ടെ കീ​ഴ​ട​ക്കു​ക​യാ​യി​രു​ന്നു.

വി​വ​രം രാ​ജു ന​രി​ക്കു​നി​യി​ലെ വ്യാ​പാ​ര സം​ഘ​ട​ന ഭാ​ര​വാ​ഹി​ക​ളാ​യ അ​ബ്ദു​ൽ സ​ലാ​മി​നെ​യും സ​ത്യ​നെ​യും വി​ളി​ച്ച് അ​റി​യിച്ചു. അ​വ​ർ പൊ​ലീ​സി​നെ​യും ക​ട​യു​ട​മ​യെ​യും അ​റി​യി​ച്ച​തോ​ടെ​യാ​ണ് നാ​ട്ടു​കാ​രു​ടെ ചെ​വി​യി​ലും ഈ ​വാ​ർ​ത്ത​യെ​ത്തി​യ​ത്. രാ​ജു അ​വ​സ​രോ​ചി​ത​മാ​യി ഇ​ട​പെ​ട്ടി​ല്ലാ​യി​രു​ന്നു​വെ​ങ്കി​ൽ മോ​ഷ​ണം ന​ട​ക്കു​മാ​യി​രു​ന്നു. മ​ഴ​യും വൈ​ദ്യു​തി​ത​ട​സ്സ​വും മോ​ഷ്ടാ​ക്ക​ൾ​ക്ക് അ​നു​കൂ​ല സാ​ഹ​ച​ര്യ​മാ​യി​രു​ന്നു.

രാ​ജു ഈ​ങ്ങാ​പ്പു​ഴ​യി​ൽ​നി​ന്നാ​ണ് വി​വാ​ഹം ക​ഴി​ച്ച​ത്. ര​ണ്ടു കു​ട്ടി​ക​ളാ​ണു​ള്ള​ത്. കാ​വി​ലു​മ്മാ​ര​ത്ത് താ​മ​സി​ക്കു​ന്നു. നേ​ര​ത്തെ ന​രി​ക്കു​നി ഗൂ​ർ​ഖ​യാ​യി സേ​വ​നം അ​നു​ഷ്ഠി​ച്ചി​രു​ന്നു. ഒ​രു ഇ​ട​വേ​ള​ക്കു​ശേ​ഷം ന​രി​ക്കു​നി​യി​ലെ​ത്തി​യ രാ​ജു പ​ത്ത് വ​ർ​ഷ​ത്തോ​ള​മാ​യി ഇ​വി​ടെ​യു​ണ്ട്. ര​ണ്ടു വ​ർ​ഷം മു​മ്പ് ന​രി​ക്കു​നി​യി​ലെ ക​ട കു​ത്തി​ത്തു​റ​ന്ന് മോ​ഷ​ണം ന​ട​ത്താ​ൻ ശ്ര​മി​ച്ച​വ​രെ രാ​ജു കീ​ഴ​ട​ക്കി​യ​പ്പോ​ൾ അ​വ​ർ രാ​ജു​വി​നെ ക​ല്ലെ​റി​ഞ്ഞ് ആ​ക്ര​മി​ച്ച സം​ഭ​വ​വു​മു​ണ്ടാ​യി​രു​ന്നു.

പ്ര​തി​ക​ളി​ലൊ​രാ​ളാ​യ അ​മീ​റി​നെയാണ് ആദ്യം പി​ടി​കൂ​ടിയത്. ഇ​യാ​ളെ ചോ​ദ്യം​ചെ​യ്ത​തി​ൽ​നി​ന്ന് നാ​ൽ​വ​ർ സം​ഘ​ത്തി​ന്റെ ജ്വ​ല്ല​റി ക​വ​ർ​ച്ച​യു​ടെ ചുരുളഴിഞ്ഞത്. തു​ട​ർ​ന്ന് കോ​ഴി​ക്കോ​ട് റൂ​റ​ൽ ജി​ല്ല ​പൊ​ലീ​സ് മേ​ധാ​വി ആ​ർ. ക​റു​പ്പ​സാ​മി​യു​ടെ നി​ർ​ദേ​ശ​പ്ര​കാ​രം താ​മ​ര​ശ്ശേ​രി ഡി​വൈ.​എ​സ്.​പി അ​ഷ്‌​റ​ഫ്‌ തെ​ങ്ങി​ല​ക്ക​ണ്ടി​യു​ടെ മേ​ൽ​നോ​ട്ട​ത്തി​ൽ കൊ​ടു​വ​ള്ളി എ​സ്.​ഐ അ​നൂ​പ് അ​രീ​ക്ക​ര​യു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ​സം​ഘം ന​ട​ത്തി​യ പ​ഴു​ത​ട​ച്ച അ​ന്വേ​ഷ​ണ​ത്തി​ലാ​ണ് സം​ഭ​വ​സ്ഥ​ല​ത്തു​നി​ന്ന് കാ​റി​ൽ ക​ട​ന്നു​ക​ള​യു​ന്ന​തി​നി​ടെ കൊ​യി​ലാ​ണ്ടി എ​ട​വ​ണ്ണ സം​സ്ഥാ​ന പാ​ത​യി​ൽ മു​ടൂ​രി​ൽ​വെ​ച്ച് കാ​ർ ത​ട​ഞ്ഞു​നി​ർ​ത്തി അ​തി​സാ​ഹ​സി​ക​മാ​യി പ്ര​തി​ക​ളെ പി​ടി​കൂ​ടി​യ​ത്. പ്ര​തി​ക​ളി​ലൊ​രാ​ളാ​യ നി​ല​മ്പൂ​ർ സ്വ​ദേ​ശി നി​തി​ൻ പ്ര​മു​ഖ ചാ​രി​റ്റി പ്ര​വ​ർ​ത്ത​ക​നും വ്ലോ​ഗ​റു​മാ​ണെ​ന്ന് പൊ​ലീ​സ് പ​റ​ഞ്ഞു.

ചാ​രി​റ്റി ഗ്രൂ​പ്പു​ക​ളി​ലൂ​ടെ​യാ​ണ് ഇ​വ​ർ പ​ര​സ്പ​രം പ​രി​ച​യ​പ്പെ​ട്ട​ത്. പി​ന്നീ​ട് കൂ​ടു​ത​ൽ അ​ടു​ക്കു​ക​യും ക​വ​ർ​ച്ച ആ​സൂ​ത്ര​ണം ചെ​യ്യു​ക​യു​മാ​യി​രു​ന്നു. ക​വ​ർ​ച്ച​ക്കാ​യി മു​ഖ്യ ആ​സൂ​ത്ര​ക​നാ​യ നി​തി​ൻ ഓ​ൺ​ലൈ​ൻ സം​വി​ധാ​ന​മു​പ​യോ​ഗി​ച്ച് പ്ലാ​സ്റ്റി​ക് പി​സ്റ്റ​ൾ വാ​ങ്ങി​യി​രു​ന്നു. ക​വ​ർ​ച്ച ന​ട​ത്താ​ൻ ക​മ്പി​പ്പാ​ര, ഉ​ളി, ചു​റ്റി​ക, സ്ക്രൂ​ഡ്രൈ​വ​ർ, കൈ​യു​റ​ക​ൾ, തെ​ളി​വ് ന​ശി​പ്പി​ക്കു​ന്ന​തി​നാ​യി മു​ള​കു​പൊ​ടി എ​ന്നി​വ​യും ഇ​വ​ർ ക​രു​തി​യി​രു​ന്നു. പ്ര​തി​ക​ളെ താ​മ​ര​ശ്ശേ​രി ജു​ഡീ​ഷ്യ​ൽ ഫ​സ്റ്റ് ക്ലാ​സ് കോ​ട​തി റി​മാ​ൻ​ഡ് ചെ​യ്തു.

കൊ​ടു​വ​ള്ളി എ​സ്.​ഐ അ​നൂ​പ് അ​രീ​ക്ക​ര, എ​സ്.​ഐ​മാ​രാ​യ പ്ര​കാ​ശ​ൻ, സാ​ജു, ഷി​ബു, എ.​എ​സ്.​ഐ ലി​നീ​ഷ്, സീ​നി​യ​ർ സി​വി​ൽ പൊ​ലീ​സ് ഉ​ദ്യോ​ഗ​സ്ഥ​രാ​യ സു​രേ​ഷ് ബാ​ബു, പ്ര​ജീ​ഷ്, ബി​നേ​ഷ്, സി​വി​ൽ പൊ​ലീ​സ് ഉ​ദ്യോ​ഗ​സ്ഥ​രാ​യ ഷെ​ഫീ​ഖ് നീ​ലി​യാ​നി​ക്ക​ൽ, ശ്രീ​ജേ​ഷ്, ഡ്രൈ​വ​ർ ജി​നീ​ഷ് എ​ന്നി​വ​ര​ട​ങ്ങി​യ അ​ന്വേ​ഷ​ണ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. പ്ര​തി​ക​ളെ ക​സ്റ്റ​ഡി​യി​ൽ വാ​ങ്ങി ചോ​ദ്യം​ചെ​യ്യു​മെ​ന്ന് കൊ​ടു​വ​ള്ളി പൊ​ലീ​സ് അ​റി​യി​ച്ചു.