ഷെരീഫ്
മരട്: നടന്‍ ജോജു ജോര്‍ജിൻെറ കാര്‍ അടിച്ചു തകര്‍ത്ത കേസിലെ പ്രതികളില്‍ ഒരാളെക്കൂടി മരട് പൊലീസ് അറസ്റ്റു ചെയ്തു. മുന്‍ യൂത്ത് കോണ്‍ഗ്രസ് തൃക്കാക്കര മണ്ഡലം പ്രസിഡൻറും നിലവില്‍ ഐ.എന്‍.ടി.യു.സി. പ്രവര്‍ത്തകനുമായ വാഴക്കാല കളപ്പുരക്കല്‍ വീട്ടില്‍ ഷെരീഫിനെയാണ് അറസ്റ്റു ചെയ്തത്.
വെള്ളിയാഴ്ച്ച രാത്രി 11.30 ഓടെ വാഴക്കാലയിലെ വസതിയില്‍ നിന്നാണ് കേസിലെ എട്ടാം പ്രതിയായ ഷെരീഫിനെ അറസ്റ്റു ചെയ്തത്. നേരത്തെ ഒന്നാം പ്രതി ജോസഫിനെ അറസ്റ്റു ചെയ്ത് റിമാൻഡ് ചെയ്തിരുന്നു. വീഡിയോ ദൃശ്യങ്ങള്‍ പരിശോധിച്ചതിൻെറ അടിസ്ഥാനത്തിലാണ് പ്രതികളെ തിരിച്ചറിഞ്ഞത്. മറ്റു പ്രതികളെക്കുറിച്ച് വ്യക്തമായ വിവരം ലഭിച്ചിട്ടുണ്ടെന്നും ഉടൻ അറസ്റ്റുണ്ടാകുമെന്നും പൊലീസ് അറിയിച്ചു.
ഇന്ധനവിലവര്‍ധനവില്‍ പ്രതിഷേധിച്ച് കോണ്‍ഗ്രസ് പ്രവര്‍ത്തകര്‍ വൈറ്റിലയില്‍ സംഘടിപ്പിച്ച സമരത്തിനിടെ റോഡ് ഉപരോധിച്ചത് ചോദ്യം ചെയ്ത സംഭവത്തെ തുടർന്നാണ് ജോജു ജോര്‍ജിൻെറ കാര്‍ അടിച്ചുതകര്‍ത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.