കണ്ണൂർ: കണ്ണകത്ത് ആദിവാസി പെൺകുട്ടിയെ പീഡിപ്പിക്കാൻ ശ്രമിച്ച കേസിൽ സി.പി.എം ബ്രാഞ്ച് സെക്രട്ടറിക്കെതിരെ കേസ െടുത്തു. ചെറുവാശേരി സ്വദേശി മഹേഷ് പണിക്കർക്കെതിരെയാണ് പൊലീസ് കേസെടുത്തത്.
17കാരിയുടെ പരാതിയിൽ പ്രതിക്കെതിരെ പോക്സോ നിയമം ചുമത്തി. പെൺകുട്ടിയുടെ വിശദമായ മൊഴി പൊലീസ് രേഖപ്പെടുത്തി. നാട്ടുകാരുടെ കൈയേറ്റത്തിന് വിധേയനായ പ്രതിയെ തലശേരി സഹകരണ ആശുപത്രിയിൽ പ്രവേശിപ്പിച്ചു.
തിങ്കളാഴ്ച വൈകീട്ടോടെയാണ് സംഭവം. പെൺകുട്ടിയുടെ വീട്ടിൽ പ്രത്യേക പൂജ നടത്താനെത്തിയതാണ് മഹേഷ് പണിക്കർ. പെൺകുട്ടിയെ കടന്നുപിടിച്ച ഇയാൾ അപമര്യാദയായി പെരുമാറിയെന്നാണ് പരാതി. പെൺകുട്ടി ബഹളം വെച്ചതോടെ വീട്ടുകാർ മഹേഷ് പണിക്കരെ പിടികൂടി. ഇതിന് പിന്നാലെ പ്രദേശവാസികളും സ്ഥലത്തെത്തി.
ആശുപത്രി വിട്ടാൽ ഉടൻ പ്രതിയെ അറസ്റ്റ് ചെയ്യുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.