തടസ്സം നീങ്ങി: മുടങ്ങിയ സർവിസ് റോഡ് പണി തുടങ്ങി

മൊ​ഗ്രാ​ൽ: ഭൂ​മി ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ടു​ണ്ടാ​യ ത​ർ​ക്ക​വും കോ​ട​തി​വ​രെ എ​ത്തി​യ കേ​സു​മായി ക​ഴി​ഞ്ഞ മൂ​ന്നു വ​ർ​ഷ​മാ​യി ത​ട​സ്സ​പ്പെ​ട്ടി​രു​ന്ന മൊ​ഗ്രാ​ൽ ടൗ​ണി​ന് സ​മീ​പ​ത്തെ സ​ർ​വി​സ് റോ​ഡ് നി​ർ​മാ​ണം പു​ന​രാ​രം​ഭി​ച്ചു.

നാ​മ​മാ​ത്ര​മാ​യ ന​ഷ്ട​പ​രി​ഹാ​ര​ത്തു​ക​യെ ചൊ​ല്ലി​യാ​ണ് ഗൃ​ഹ​നാ​ഥ​ൻ ഹൈ​കോ​ട​തി​യെ സ​മീ​പി​ച്ച​ത്. പ​ല പ്രാ​വ​ശ്യ​വും ബ​ന്ധ​പ്പെ​ട്ട​വ​രു​മാ​യി ച​ർ​ച്ച ന​ട​ത്തി​യെ​ങ്കി​ലും പ്ര​ശ്ന​പ​രി​ഹാ​ര​മു​ണ്ടാ​യി​ല്ല. ഇ​തു​മൂ​ലം ഈ​ഭാ​ഗ​ത്തെ സ​ർ​വി​സ് റോ​ഡ് നി​ർ​മാ​ണ​വും കോ​ട​തി ഇ​ട​പെ​ട​ൽ​മൂ​ലം ത​ട​സ്സ​പ്പെ​ട്ടു. ഒ​ടു​വി​ൽ, സ​ർ​ക്കാ​ർ നി​ർ​ദേ​ശ​പ്ര​കാ​രം ക​ല​ക്ട​റു​ടെ സാ​ന്നി​ധ്യ​ത്തി​ൽ ന​ട​ന്ന ച​ർ​ച്ച​യി​ലാ​ണ് മൊ​ഗ്രാ​ലി​ലെ ഭൂ​മി​സം​ബ​ന്ധ​മാ​യ ഗൃ​ഹ​നാ​ഥ​ന്റെ പ​രാ​തി​ക്ക് പ​രി​ഹാ​ര​മാ​യ​ത്.

ഭൂ​മി ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട് ഇ​ങ്ങ​നെ ജി​ല്ല​യി​ൽ ആ​യി​ര​ത്തോ​ളം കേ​സു​ക​ൾ ഇ​പ്പോ​ഴും നി​ല​നി​ൽ​ക്കു​ന്നു​ണ്ടെ​ന്നാ​ണ് വി​വ​രം. ഇ​തു​സം​ബ​ന്ധി​ച്ച് പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് ഈ ​വി​വ​രം എ​ൻ.​എ. നെ​ല്ലി​ക്കു​ന്ന് എം.​എ​ൽ.​എ​യു​ടെ ചോ​ദ്യ​ത്തി​ന് മ​റു​പ​ടിയായി ക​ഴി​ഞ്ഞ നി​യ​മ​സ​ഭ സ​മ്മേ​ള​ന​ത്തി​ൽ അ​റി​യി​ച്ചി​രു​ന്നു.

ഇ​ത്ത​രം കേ​സു​ക​ളൊ​ക്കെ തീ​ർ​പ്പാ​ക്കാ​നാ​യാ​ലേ അ​ടു​ത്ത​വ​ർ​ഷം ദേ​ശീ​യ​പാ​ത ത​ല​പ്പാ​ടി-​ചെ​ങ്ക​ള, ചെ​ങ്ക​ള-​കാ​ലി​ക്ക​ട​വ് റീ​ച്ച് മു​ഴു​വ​നാ​യും തു​റ​ന്നു​കൊ​ടു​ക്കാ​നാ​വൂ എ​ന്ന​താ​ണ് ദേ​ശീ​യ​പാ​ത അ​തോ​റി​റ്റി​യു​ടെ നി​ല​പാ​ട്. ഇ​തി​ന് സം​സ്ഥാ​ന സ​ർ​ക്കാ​റാ​ണ് യു​ദ്ധ​കാ​ലാ​ടി​സ്ഥാ​ന​ത്തി​ൽ ന​ട​പ​ടി സ്വീ​ക​രി​ക്കേ​ണ്ട​തും.