അ​ബ്​​ദു​റ​സാ​ഖി​െൻറയും നൂർജഹാ​െൻറയും മകൾ കവിതക്ക്​ ശ്രീ​ജി​ത്ത്​ വരൻ; കതിർമണ്ഡപമൊരുങ്ങിയത്​ വീട്ടുമുറ്റത്ത്​

തൃ​പ്ര​യാ​ർ: നൂ​ർ​ജ​ഹാ​ൻ പ്രസവിച്ചത്​ മൂന്ന്​ പെൺമക്കളെയാണ്​. പക്ഷേ, പു​തി​യ​വീ​ട്ടി​ൽ അ​ബ്​​ദു​റ​സാ​ഖിനും ഭാര്യ നൂർജഹാനും പെൺമക്കൾ നാലാണ്​. നാ​ലാ​മ​ത്തെ മ​ക​ളു​ടെ വി​വാ​ഹവും ന​ട​ന്ന ആ​​ഹ്ലാ​ദ​മാ​യി​രു​ന്നു ശ​നി​യാ​ഴ്ച പുതിയ വീട്ടിൽ. നാലാമത്തെ മകളുടെ വിവാഹത്തിന്​ മറ്റു മൂന്ന്​ മക്കളുടെയും വിവാഹത്തിനില്ലാത്ത ചില പ്രത്യേകതകളുണ്ടായിരുന്നു. ആചാരവും രീതികളുമൊക്കെ വ്യത്യസ്​തമായിരുന്നു. വീട്ടിലൊരുക്കിയ കതിർമണ്ഡപത്തിൽ ക്ഷേ​ത്രം ശാ​ന്തിയുടെ കാർമികത്വത്തിലായിരുന്നു ആ താലിക്കെട്ട്​. 

സേ​ലം വി​രു​താ​ച​ല​ത്ത്​ താ​മ​സി​ക്കു​ന്ന പ​ഴ​നി​യു​ടെ​യും റാ​ണി​യു​ടെ​യും മ​ക​ൾ കവിത 14 വ​ർ​ഷം മു​മ്പാ​ണ് പുതിയ വീട്ടിലേക്ക്​ എ​ത്തുന്നത്. അന്ന്​ എ​ട്ടു വ​യ​സാണ്​ അവൾക്കുള്ളത്​. വീ​ട്ടി​ൽ പ​ണി​യെ​ടു​ക്കാ​ൻ വ​രുന്ന തൃ​ത്ത​ല്ലൂ​രി​ൽ തെ​രു​വി​ലെ ത​മി​ഴ്നാ​ട്ടു​കാ​ര​ൻ ര​ത്ന​മാ​ണ് ക​വി​ത​യെ എ​ത്തി​ച്ച​ത്. അ​ന്നു മു​ത​ൽ ത​ങ്ങ​ളു​ടെ മൂ​ന്നു പെ​ൺ​മ​ക്ക​ളെ പോ​ലെ​ത​ന്നെ അ​ബ്​​ദു​റ​സാ​ഖും ഭാ​ര്യ നൂ​ർ​ജ​ഹാ​നും ക​വി​ത​യെ സം​ര​ക്ഷി​ച്ചു. ക​വി​ത വ​ള​ർ​ന്നു. അ​ബാ​ജി​യെ​ന്നാ​ണ് ക​വി​ത അ​ബ്​​ദു​റ​സാ​ഖി​നെ വി​ളി​ച്ചി​രു​ന്ന​ത്. വി​വാ​ഹ​പ്രാ​യ​മെ​ത്തി​യ ക​വി​ത​ക്ക് വ​ര​നെ അ​ന്വേ​ഷി​ച്ച​തും അ​ബ്​​ദു​റ​സാ​ഖാ​യി​രു​ന്നു. നാ​ട്ടി​ക സ്വ​ദേ​ശി വാ​ഴ​പ്പു​ള്ളി സു​ബ്ര​ഹ്മ​ണ്യ​​െൻറ മ​ക​ൻ ശ്രീ​ജി​ത്തി​നെ അ​ങ്ങ​നെ​യാ​ണ് ക​ണ്ടെ​ത്തി​യ​ത്.

വി​വാ​ഹ​ത്തി​ന് ക​വി​ത​യു​ടെ മാ​താ​പി​താ​ക്ക​ളും ര​ണ്ടു സ​ഹോ​ദ​രി​മാ​രും എ​ത്തി​യി​രു​ന്നു. ഹി​ന്ദു ആ​ചാ​ര​പ്ര​കാ​ര​മായിരുന്നു ക​ർ​മ​ങ്ങ​ൾ. നാ​ട്ടി​ക ഇ​യ്യാ​നി ക്ഷേ​ത്രം ശാ​ന്തി ജോ​ഷി നേ​തൃ​ത്വം ന​ൽ​കി. കോ​വി​ഡ്​ പ്രോ​ട്ടോ​കോ​ൾ പാ​ലി​ച്ച്​ അ​യ​ൽ​വാ​സി​ക​ളും മ​റ്റും സം​ബ​ന്ധി​ച്ചു.

ക​വി​ത​ക്ക് വി​വാ​ഹ​സ​മ്മാ​ന​മാ​യി അ​ബ്​​ദു​റ​സാ​ഖി​െൻറ മൂ​ന്നു മ​ക്ക​ൾ 12 പ​വ​െൻറ ആ​ഭ​ര​ണ​ങ്ങ​ളും ന​ൽ​കി. അ​ബ്​​ദു​റ​സാ​ഖും നൂ​ർ​ജ​ഹാ​നും വീ​ടി​നു​സ​മീ​പം ക​വി​ത​ക്കാ​യി നീ​ക്കി​വെ​ച്ച നാ​ലു സെൻറി​ൽ നി​ർ​മി​ച്ച വീ​ടും കൈ​മാ​റി. പ​ഞ്ചാ​യ​ത്ത്​ അം​ഗം സി.​ജി. അ​ജി​ത്കു​മാ​ർ പാ​രി​തോ​ഷി​കം സ​മ്മാ​നി​ച്ചു. തൃ​പ്ര​യാ​റി​ലെ പ​രേ​ത​നാ​യ പ​രീ​ത് മാ​സ്​​റ്റ​റു​ടെ മ​ക​നാ​യ അ​ബ്​​ദു​റ​സാ​ഖ് റി​ട്ട. വ്യോ​മ​സേ​ന ഉ​ദ്യോ​ഗ​സ്ഥ​നാ​ണ്.