ദുബൈ: രണ്ട് ദിവസത്തെ സ്വകാര്യ സന്ദർശനത്തിനായി മുഖ്യമന്ത്രി പിണറായി വിജയനും കുടുംബവും ദുബൈയിലെത്തി. ഇന്തോനേഷ്യയും സിംഗപ്പൂരും സന്ദർശിച്ച ശേഷമാണ് മുഖ്യമന്ത്രി ദുബൈയിലെത്തിയത്. ഇന്ന് നടക്കുന്ന മന്ത്രിസഭാ യോഗത്തിൽ അദ്ദേഹം ദുബൈയിൽ നിന്ന് ഓൺലൈനായി പങ്കെടുക്കുമെന്ന് റിപ്പോർട്ടുണ്ട്. ദുബൈ ഗ്രാൻഡ് ഹയാത്തിലാണ് മുഖ്യമന്ത്രി താമസിക്കുന്നത്.
സിംഗപ്പൂരിൽ നിന്ന് യോഗത്തിൽ പങ്കെടുക്കുമെന്നാണ് നേരത്തേ അറിയിച്ചിരുന്നത്. 19ന് ദുബൈ സന്ദർശിക്കാനുമായിരുന്നു നേരത്തേയുണ്ടായിരുന്ന ഷെഡ്യൂൾ. അതിൽ മാറ്റം വരുത്തുകയായിരുന്നു. ശനിയാഴ്ച അദ്ദേഹം കേരളത്തിലേക്ക് തിരിക്കുമെന്നും റിപ്പോർട്ടുണ്ട്.
കാര്യമായ വിഷയങ്ങളില്ലാത്തതിനാൽ കഴിഞ്ഞാഴ്ച മന്ത്രിസഭ യോഗം നടന്നിരുന്നില്ല. വോട്ടെണ്ണൽ വരെ പെരുമാറ്റച്ചട്ടം നിലനിൽക്കുന്നതിനാൽ ആണ് കൂടുതൽ വിഷയങ്ങൾ യോഗത്തിന് പരിഗണിക്കാതിരുന്നത്. ഈ മാസം ആറിനാണ് മുഖ്യമന്ത്രി സ്വകാര്യ വിദേശയാത്രക്ക് പുറപ്പെട്ടത്. ദുബൈ വഴിയായിരുന്നു യാത്ര.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.