എം.​ടി മ​ത​നി​ര​പേ​ക്ഷ​ത​യു​ടെ ക​രു​ത്ത​നാ​യ വ​ക്താ​വ്; എന്നും പാഠപുസ്തകം

എം.​ടി എ​ന്നും മ​ത​നി​ര​പേ​ക്ഷ​ത​യു​ടെ ക​രു​ത്ത​നാ​യ വ​ക്താ​വാ​യി​രു​ന്നു. ആ ​മൂ​ല്യം മു​റു​കെ​പ്പി​ടി​ക്കു​ന്ന​തി​ലും അ​തി​നാ​യി നി​ല​കൊ​ള്ളു​ന്ന​തി​ലും ജീ​വി​ത​ത്തി​ന്റെ എ​ല്ലാ ഘ​ട്ട​ങ്ങ​ളി​ലും ശ്ര​ദ്ധ ചെ​ലു​ത്തി. അ​ത് പ്ര​തി​ലോ​മ ആ​ശ​യ​ങ്ങ​ളു​ടെ പ്ര​ചാ​ര​ക​ർ​ക്ക് അ​ലോ​സ​ര​മു​ണ്ടാ​ക്കി. അ​ത് ഭീ​ഷ​ണി​യു​ടെ ത​ല​ത്തി​ലെ​ത്തി​യ​പ്പോ​ൾ പോ​ലും അ​ദ്ദേ​ഹം കു​ലു​ങ്ങി​യി​ല്ല. ഏ​തെ​ങ്കി​ലു​മൊ​രു വാ​ക്കോ പ്ര​വൃ​ത്തി​യോ ഇ​ട​തു​പ​ക്ഷ​ത്തി​ന് പോ​റ​ലേ​ൽ​പ്പി​ക്കു​ന്ന​താ​വ​രു​ത് എ​ന്ന കാ​ര്യ​ത്തി​ൽ ത​ന്‍റെ സാ​ഹി​ത്യ ജീ​വി​ത​ത്തി​ലും സാ​മൂ​ഹ്യ ജീ​വി​ത​ത്തി​ലും പ്ര​ത്യേ​ക നി​ഷ്‌​ക്ക​ർ​ഷ പു​ല​ർ​ത്തി​യി​രു​ന്നു എം ​ടി. അദ്ദേഹം ഒ​രു പാ​ഠ​പു​സ്ത​ക​മാ​ണ്. ആ ​ജീ​വി​ത​ത്തി​ലെ ഓ​രോ ഏ​ടും ഓ​രോ ഇ​ഴ​യും വേ​റി​ട്ടു പ​രി​ശോ​ധി​ക്കു​ന്ന​ത് സാ​ഹി​ത്യ പ​ഠി​താ​ക്ക​ൾ​ക്ക് ഉ​പ​കാ​ര​പ്ര​ദ​മാ​യ ഒ​ന്നാ​ണ്. എ​ഴു​തേ​ണ്ട​തെ​ങ്ങ​നെ, അ​തി​നു​ള്ള നി​ല​മൊ​രു​ക്കേ​ണ്ട​തെ​ങ്ങ​നെ, എ​ഴു​ത്തി​ന്റെ സാ​മൂ​ഹി​ക ക​ട​മ​യെ​ന്ത് എ​ന്നെ​ല്ലാം ആ ​ജീ​വി​ത​ത്തി​ൽ നി​ന്നും ന​മു​ക്കു പ​ഠി​ച്ചെ​ടു​ക്കാ​നാ​വും. സാ​ഹി​ത്യ​രം​ഗ​ത്തേ​ക്കു ക​ട​ന്നു​വ​രു​ന്ന ഏ​തൊ​രാ​ളും വാ​യി​ച്ചി​രി​ക്കേ​ണ്ട പു​സ്ത​ക​മാ​ണ് 'കാ​ഥി​ക​ന്റെ പ​ണി​പ്പു​ര'.

ഈ ​നാ​ടി​ന്റെ ച​രി​ത്ര​പ​ര​മാ​യ എ​ല്ലാ അം​ശ​ങ്ങ​ളെ​യും സ്വാം​ശീ​ക​രി​ക്കാ​ൻ അ​ദ്ദേ​ഹ​ത്തി​ന്റെ ര​ച​ന​ക​ൾ​ക്കു ക​ഴി​ഞ്ഞി​ട്ടു​ണ്ട്. മി​ത്തു​ക​ളു​ടെ പു​ന​ർ​വാ​യ​ന, ഫ്യൂ​ഡ​ലി​സ​ത്തി​ന്റെ ത​ക​ർ​ച്ച, പു​രോ​ഗ​മ​ന ചി​ന്ത​ക​ളു​ടെ വ​ര​വ്, ആ​ഗോ​ള​വ​ത്ക്ക​ര​ണം, പ്ര​വാ​സം എ​ല്ലാം ത​ന്നെ അ​ദ്ദേ​ഹ​ത്തി​ന്റെ ര​ച​ന​ക​ൾ​ക്ക് വി​ഷ​യ​മാ​യി. അ​ങ്ങ​നെ നോ​ക്കു​മ്പോ​ൾ ഈ ​നാ​ടി​ന്റെ പൊ​ളി​റ്റി​ക്ക​ൽ - ഹി​സ്റ്റോ​റി​ക്ക​ൽ ക്രോ​ണി​ക്കി​ൾ കൂ​ടി​യാ​ണ് ആ ​സൃ​ഷ്ടി​ക​ൾ.