തിരുവനന്തപുരം: കേരള കോൺഗ്രസ് മാണി വിഭാഗം ചെയർമാൻ പദവിക്ക് വേണ്ടി പി.ജെ ജോസഫ് വിഭാഗം പിടി മുറുക്കി. ജോസ് .കെ മാണിയെ എതിർക്കുന്നവരെ ഒപ്പം നിർത്താനാണ് ജോസഫിൻെറ നീക്കം. ജോസഫിനെ ചെയർമാനാക്കണമെന്ന് ആവശ്യപ്പെട്ട ് പാർട്ടിക്കുള്ളിൽ ഒപ്പു ശേഖരണം ആരംഭിച്ചിട്ടുണ്ട്.
ഹൈപ്പവർ കമ്മിറ്റിയിലെ 29പേരിൽ20 പേരും തങ്ങൾക്കൊപ്പ മാണെന്നും കമ്മിറ്റിയിൽ തങ്ങൾക്കാണ് ഭൂരിപക്ഷമെന്നും ജോസഫ് വിഭാഗം അവകാശപ്പെടുന്നു. പാർലമെൻററി പാർട്ടിയിൽ ജോസഫ് അടക്കം അഞ്ച് എം.എൽ.എമാരാണുള്ളത്. ഇതിൽ സി.എഫ് തോമസും ജോയ്.കെ എബ്രഹാമും ജോസഫിനൊപ്പമാണെന്നും പറയപ്പെടുന്നു. ജോസ്.കെ മാണിയുടെ നിലപാടുകളെ അംഗീകരിക്കാൻ സാധിക്കാത്തിനാൽ നേരത്തെ മാണിക്കൊപ്പമായിരുന്ന മുതിർന്ന നേതാക്കളിൽ പലരും ജോസഫ് പാളയത്തിലേക്ക് ചേക്കേറിയതായാണ് സൂചന.
സമവായത്തിലൂടെ ചെയർമാനെ തെരഞ്ഞെടുക്കണമെന്നാണ് പാർട്ടി ഭരണഘടന നിർദേശിക്കുന്നതെന്നാണ് ജോസഫ് വിഭാഗം പറയുന്നത്. അതിനാൽ തെന്ന ഒരു സമവായമുണ്ടായാൽ ജോസഫിന് അനകൂലമായി മാറുമെന്നാണ് നിലവിലെ വിലയിരുത്തൽ.
സംസ്ഥാന സമിതി വിളിച്ച് ചേർക്കണമെന്ന് ജോസ്.കെ മാണി നിരന്തരം ആവശ്യെപ്പട്ടിരുന്നെങ്കിലും ജോസഫ് അതിന് തയാറായിരുന്നില്ല. പാർട്ടിയുമായി ബന്ധപ്പെട്ട് പല കേസുകളും കോടതിയിൽ നിലനിൽക്കുന്നതിനാലാണ് സംസ്ഥാന സമിതി വിളിക്കാത്തതെന്നാണ് ജോസഫ് വിഭാഗം നൽകുന്ന വിശദീകരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.