മട്ടന്നൂർ (കണ്ണൂർ): നേതൃത്വത്തിന്റെ വിലക്ക് മറികടന്ന് മുതിർന്ന കോൺഗ്രസ് നേതാവ് കെ.വി. തോമസ് സി.പി.എം പാർട്ടി കോൺഗ്രസിന്റെ ഭാഗമായ ദേശീയ സെമിനാറിൽ പങ്കെടുക്കാൻ കണ്ണൂരിലെത്തി.
വെള്ളിയാഴ്ച രാത്രി എട്ടിന് കണ്ണൂർ വിമാനത്താവളത്തിലെത്തിയ കെ.വി. തോമസിനെ സി.പി.എം ജില്ല സെക്രട്ടറി എം.വി. ജയരാജൻ നേരിട്ടെത്തി ചുവപ്പ് ഷാൾ അണിയിച്ച് സ്വീകരിച്ചു. കൈയടിച്ചായിരുന്നു തോമസിനെ സി.പി.എം നേതാക്കൾ സ്വീകരിച്ചത്. ചുവന്ന ഷാൾ സ്ഥിരീകരിക്കാമോ എന്ന മാധ്യമങ്ങളുടെ ചോദ്യത്തിന് 'കാത്തിരിക്കൂ' എന്നായിരുന്നു തോമസിന്റെ മറുപടി. പറയാനുള്ളത് സെമിനാറിൽ പറയുമെന്നും പ്രതികരിച്ചു.
ശനിയാഴ്ചയാണ് ദേശീയ സെമിനാർ. മുഖ്യമന്ത്രി പിണറായി വിജയൻ ഉദ്ഘാടനം ചെയ്യുന്ന സെമിനാറിൽ കെ.വി. തോമസിനുപുറമെ തമിഴ്നാട് മുഖ്യമന്ത്രി എം.കെ. സ്റ്റാലിനും പങ്കെടുക്കും. തിരുവനന്തപുരം എം.പി ശശി തരൂരിനും ക്ഷണമുണ്ടായിരുന്നെങ്കിലും കോൺഗ്രസ് നേതൃത്വത്തിന്റെ വിലക്ക് കാരണം പിന്മാറുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.