ആലുവ: വനിത ശിശു വികസന വകുപ്പ് ഐ.സി.ഡി.എസിൻറെ നേതൃത്വത്തിൽ ആലുവയിൽ സ്ത്രീകളുടെ രാത്രികാല നടത്തം സംഘടിപ്പിച്ചു. പൊതു ഇടം സ്ത്രീകളുടേത് സധൈര്യം മുന്നോട്ട് പരിപാടി ആലുവ പറവൂർ കവലയിൽ നിന്നും ആരംഭിച്ച് ഗാന്ധി സ്ക്വയറിൽ സമാപിച്ചു.
നഗരസഭ ചെയർമാൻ എം.ഒ.ജോൺ ഉദ്ഘാടനം ചെയ്തു. നഗരസഭ ക്ഷേമകാര്യ സ്ഥിരം സമിതി അധ്യക്ഷ മിനി ബൈജു അധ്യക്ഷത വഹിച്ചു. വൈസ് ചെയർപേഴ്സൺ ജെബി മേത്തർ, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ലത്തീഫ് പൂഴിത്തുറ, ഐ.സി.ഡി.എസ് ഓഫിസർ എ.എൻ.സിജി മോൾ എന്നിവർ സംസാരിച്ചു.
തുടർന്ന് അംഗനവാടി പ്രവർത്തകരുടെ തെരുവുനാടകം വിവിധ കലാ സംസ്കാരിക പരിപാടികൾ എന്നിവയും ഉണ്ടായിരുന്നു. ജനപ്രതിനിധികൾ, കുടുംബശ്രീ പ്രവർത്തകർ, അങ്കണവാടി പ്രവർത്തകർ പൊതുപ്രവർത്തകർ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.