ആര്‍ട്ടിസ്റ്റ് ചിക്കൂസ് തനിക്ക് വേണ്ടി ചുവരെഴുതുന്നു
കിഴക്കമ്പലം: കാലങ്ങളായി വിവിധ പാര്‍ട്ടികളിലെ സ്ഥാനാര്‍ഥികള്‍ക്കായി ചുവരെഴുതിയ ആര്‍ട്ടിസ്റ്റ് ചിക്കൂസ് എന്ന കെ.വി. രാജു ഇത്തവണ തനിക്കുവേണ്ടിയും ചുവരെഴുത്ത് നടത്തും. കിഴക്കമ്പലത്തെ ട്വൻറി20യുടെ ബ്ലോക്ക് പഞ്ചായത്ത് സ്ഥാനാര്‍ഥിയായി വാഴക്കുളം ബ്ലോക്കിലെ പൂക്കാട്ടുപടി ഡിവിഷനില്‍ നിന്ന് ജനവിധി തേടുകയാണ് ഇദ്ദേഹം. സാമ്പത്തികമായി പിന്നാക്കാവസ്ഥയിലുള്ള കുടുംബത്തില്‍ ജനിച്ച രാജു അവിചാരിതമായാണ് ഈ മേഖലയില്‍ എത്തിപ്പെട്ടത്.
വിദ്യാര്‍ഥിയായിരിക്കുമ്പോള്‍ തെരഞ്ഞെടുപ്പ് കാലങ്ങളില്‍ പ്രമുഖ രാഷ്ട്രീയ പാര്‍ട്ടിയുടെ ചുവരെഴുത്തിന് സഹായിയായി പോകുമായിരുന്നു. പ്രതിഫലം ഒന്നും കിട്ടില്ലെങ്കിലും വയര്‍ നിറച്ച് ഭക്ഷണം കിട്ടുമായിരുന്നുവെന്ന് രാജു പറയുന്നു. പിന്നീട് പാതി വഴിയില്‍ പഠനം നിര്‍ത്തി ഈ മേഖയിലേക്ക് തിരിയുകയായിരുന്നു. ഇ
തിനിടെ ഫ്ലക്സ് പ്രിൻറിങ്ങും മറ്റും മേഖലയില്‍ ചുവടുറപ്പിച്ചപ്പോള്‍ പിന്തള്ളപ്പെട്ടുപോകുന്ന സാഹചര്യവുമുണ്ടായി. എന്നാല്‍, വാഹനങ്ങള്‍ക്ക് നമ്പര്‍ പ്ലേറ്റ് എഴുതിയും സ്റ്റിക്കര്‍ വര്‍ക്കും മറ്റും ചെയ്തും ജീവിതം കരുപ്പിടിപ്പിച്ചു. ഒരു പാര്‍ട്ടിയോടും പ്രത്യേക ആഭിമുഖ്യമില്ലാത്ത സാഹചര്യത്തിലാണ് ട്വൻറി20 സ്ഥാനാര്‍ഥിത്വം രാജുവിനെ തേടിയെത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.