വൈറ്റില ചമ്പക്കരയില്‍ മെട്രോ തൂണിലിടിച്ചുണ്ടായ അപകടത്തില്‍ തകര്‍ന്ന ബൈക്ക്
വൈറ്റില: നിയന്ത്രണം വിട്ട ബൈക്ക് മെട്രോ തൂണിലിടിച്ച് നാലു യുവാക്കള്‍ക്ക് പരിക്ക്്. ചൊവ്വാഴ്ച്ച പുലര്‍ച്ചെ മൂന്നുമണിയോടെയായിരുന്നു സംഭവം. ചമ്പക്കര മാര്‍ക്കറ്റിനു സമീപം പാലം ഇറങ്ങി വരുന്നതിനിടയിലാണ് ബൈക്ക് നിയന്ത്രണം വിട്ട് മെട്രോ തൂണിലിടിച്ചത്.
ഇടിയുടെ ആഘാതത്തില്‍ ബൈക്കിലുണ്ടായിരുന്ന കണ്ണന്‍കുളങ്ങര സ്വദേശികളായ ദേവ്, അതുല്‍ എന്നിവരെ പരിക്കുകളോടെ മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു. ഇവരുടെ ബൈക്കിനു പിറകില്‍ വന്നിരുന്ന മറ്റൊരു ബൈക്കും ഇവരുടെ വാഹനത്തിലിടിച്ച് അപകടമുണ്ടായി. ഈ ബൈക്കിലുണ്ടായിരുന്ന രണ്ടുപേരെയും ആശുപത്രിയിലെത്തിച്ച് പ്രാഥമിക ശുശ്രൂഷ നല്‍കി.
കഴിഞ്ഞ ശനിയാഴ്ച്ച ചമ്പക്കര മെട്രോ സ്റ്റേഷനു സമീപം വാഹനാപകടത്തില്‍ ബൈക്ക് യാത്രികനായ യുവാവ് മരിച്ചിരുന്നു. പേട്ട-വൈറ്റില ഭാഗങ്ങളില്‍ കാന നിര്‍മാണം നടക്കുന്നതിന്‍റെ ഭാഗമായി നിര്‍മാണ സാമഗ്രികള്‍ നിരത്തിവെച്ചിരിക്കുന്നത് അപകടങ്ങള്‍ സൃഷ്ടിക്കുന്നതായി സമീപത്തെ വ്യാപാരികള്‍ ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.