എടയാറ്റുചാലിലേക്ക് പെരിയാറിൽനിന്ന് വെള്ളമെത്തിക്കൽ; മോട്ടോർ സ്ഥാപിക്കുന്നത് മാലിന്യ കേന്ദ്രത്തിലെന്ന് ആക്ഷേപം

ക​ടു​ങ്ങ​ല്ലൂ​ർ: ജി​ല്ല​യി​ലെ ത​ന്നെ വി​ശാ​ല​മാ​യ പാ​ട​ശേ​ഖ​ര​മാ​യ എ​ട​യാ​റ്റു ചാ​ലി​ലേ​ക്ക് പെ​രി​യാ​റി​ൽ നി​ന്ന് വെ​ള്ള​മെ​ത്തി​ക്കാ​ൻ മോ​ട്ടോ​ർ സ്ഥാ​പി​ക്കാ​ൻ ക​ണ്ടെ​ത്തി​യ​ത് വ്യ​വ​സാ​യ ശാ​ല​ക​ളി​ലെ രാ​സ​മാ​ലി​ന്യം വ​ന്ന​ടി​യു​ന്ന സ്ഥ​ല​മെ​ന്ന് ആ​ക്ഷേ​പം. മോ​ട്ടോ​ർ സ്ഥാ​പി​ക്ക​ൽ, ചാ​ലു​ക​ൾ വൃ​ത്തി​യാ​ക്ക​ൽ തു​ട​ങ്ങി​യ​വ​ക്കാ​യി നാ​ല് കോ​ടി​യോ​ളം രൂ​പ​യാ​ണ് ചെ​ല​വ​ഴി​ക്കാ​ൻ പോ​കു​ന്ന​ത്.

ജ​ല​സേ​ച​ന വ​കു​പ്പാ​ണ് 2.5 കോ​ടി​യോ​ളം ചെ​ല​വ​ഴി​ച്ച് മോ​ട്ടോ​ർ സ്ഥാ​പി​ച്ച് എ​ട​യാ​റ്റു​ചാ​ലി​ലേ​ക്ക് വെ​ള്ളം എ​ത്തി​ക്കാ​നു​ള്ള പ​ദ്ധ​തി ന​ട​പ്പാ​ക്കു​ന്ന​ത്. സോ​യി​ൽ ക​ൺ​സ​ർ​വേ​ഷ​ന്‍റെ 1.5 കോ​ടി രൂ​പ മു​ട​ക്കി​യാ​ണ് ചാ​ലു​ക​ൾ ശു​ചീ​ക​രി​ക്കു​ന്ന​ത്. കാ​ർ​ഷി​കാ​വ​ശ്യ​ത്തി​ന് പെ​രി​യാ​റി​ൽ നി​ന്ന്​ വെ​ള്ളം എ​ത്തി​ച്ചി​രു​ന്ന പ​ര​മ്പ​രാ​ഗ​ത ചാ​ക്കാ​ല​തോ​ട് വ്യ​വ​സാ​യ മാ​ലി​ന്യ​ങ്ങ​ൾ നി​റ​ഞ്ഞ് വ​ർ​ഷ​ങ്ങ​ൾ മു​മ്പ്​ ഒ​ഴു​ക്ക് നി​ല​ച്ചി​രു​ന്നു. പെ​രി​യാ​റി​ലെ റെ​ഗു​ലേ​റ്റ​ർ കം ​ബ്രി​ഡ്ജ്​ നി​ർ​മാ​ണ​ത്തോ​ടെ തോ​ട് മൂ​ടി പോ​കു​ക​യും ചെ​യ്തു. നി​ല​വി​ൽ എ​ട​യാ​റ്റു​ചാ​ലി​ലെ വ​ലി​യൊ​രു ഭാ​ഗ​ത്ത് ആ​ല​പ്പു​ഴ ജി​ല്ല​യി​ൽ നി​ന്നു​ള്ള സം​ഘം നെ​ൽ​കൃ​ഷി ചെ​യ്യു​ന്നു​ണ്ട്. കൃ​ഷി​ഭൂ​മി​യി​ലേ​ക്ക് വെ​ള്ള​മെ​ത്തി​ക്കാ​നും പ​ര​മ്പ​രാ​ഗ​ത തോ​ടു​ക​ൾ പു​നഃ​രു​ദ്ധ​രി​ക്കാ​നു​മാ​ണ് സോ​യി​ൽ ക​ൺ​സ​ർ​വേ​ഷ​ൻ പ​ദ്ധ​തി ത​യാ​റാ​ക്കി​യി​ട്ടു​ള്ള​ത്.

പ​ദ്ധ​തി എ​ട​യാ​ർ, മു​പ്പ​ത്ത​ടം, എ​ര​മം പ്ര​ദേ​ശ​ത്തെ ജ​ന​ങ്ങ​ൾ​ക്ക് വ​ള​രെ പ്ര​തീ​ക്ഷ ന​ൽ​കി​യി​രു​ന്നു. എ​ന്നാ​ൽ, റെ​ഗു​ലേ​റ്റ​ർ കം ​ബ്രി​ഡ്​​ജി​ന് തൊ​ട്ടു മു​ക​ളി​ലാ​യി മ​ലി​ന​ജ​ലം വ​ന്ന് കെ​ട്ടി നി​ൽ​ക്കു​ന്ന ഭാ​ഗ​ത്താ​ണ് മോ​ട്ടോ​ർ സ്ഥാ​പി​ക്കാ​ൻ ഒ​രു​ങ്ങു​ന്ന​ത്. ഇ​ത് എ​ട​യാ​റ്റു​ചാ​ലി​ൽ വീ​ണ്ടും മ​ലി​ന​ജ​ലം അ​ടി​ഞ്ഞു​കൂ​ടാ​നേ വ​ഴി​വെ​ക്കൂ​വെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.

പാ​ല​ത്തി​ന് മു​ക​ളി​ൽ കെ​ട്ടി​നി​ൽ​ക്കു​ന്ന വെ​ള്ളം തു​റ​ന്ന് വി​ടു​ന്ന സ​മ​യ​ങ്ങ​ളി​ലൊ​ക്കെ പെ​രി​യാ​റി​ൽ മ​ൽ​സ്യ​ങ്ങ​ൾ ച​ത്തു​പൊ​ങ്ങു​ന്ന​ത് പ​തി​വാ​ണ്. ഈ ​വി​ഷ​മാ​ലി​ന്യ​മാ​ണ് മോ​ട്ടോ​ർ വ​ഴി എ​ട​യാ​റ്റു​ചാ​ലി​ലേ​ക്ക് അ​ടി​ച്ചു ക​യ​റ്റാ​ൻ ഒ​രു​ങ്ങു​ന്ന​ത്. റ​ഗു​ലേ​റ്റ​ർ കം ​ബ്രി​ഡ്ജി​ന് തൊ​ട്ടു​മു​ക​ളി​ൽ മോ​ട്ടോ​ർ സ്ഥാ​പി​ക്കാ​ൻ അ​നു​വ​ദി​ക്കി​ല്ലെ​ന്ന് കോ​ൺ​ഗ്ര​സ് മു​ൻ മ​ണ്ഡ​ലം പ്ര​സി​ഡ​ന്‍റ്​ നാ​സ്സ​ർ എ​ട​യാ​റും എ​ര​മം വാ​ർ​ഡ് പ്ര​സി​ഡ​ന്‍റ്​ ടി.​കെ. ച​ന്ദ്ര​നും പ​റ​ഞ്ഞു.