ജർമൻ അംബാസഡർ വാൾട്ടർ ജെ. ലിൻഡർ കുടുംബശ്രീ പ്രവർത്തകരോടൊപ്പം
ഫോർട്ട്കൊച്ചി: സൈക്കിൾ പരിശീലനം പൂർത്തിയാക്കിയ കൊച്ചിയിലെ കുടുംബശ്രീ പ്രവർത്തകരെ അഭിനന്ദിക്കാൻ ഫോർട്ട്കൊച്ചിയിൽ ജർമൻ അംബാസഡർ വാൾട്ടർ ജെ. ലിൻഡറെത്തി.
കൊച്ചി നഗരസഭയും കൊച്ചി സ്മാർട്ട് സിറ്റി മിഷൻ ലിമിറ്റഡും, ജർമൻ കമ്പനിയായ ജിസ്സി‍െൻറ സാങ്കേതിക സഹായത്തോടെ സംഘടിപ്പിക്കുന്ന 'സൈക്കിൾ വിത്ത് കൊച്ചി' പദ്ധതിയുടെ ഭാഗമായി സൈക്കിൾ പരിശീലനം പൂർത്തിയാക്കിയ കുടുംബശ്രീ പ്രവർത്തകരെ നേരിൽ കാണാനും അഭിനന്ദിക്കാനുമാണ് അംബാസഡർ എത്തിയത്.
തങ്ങളെ കാണാൻ വന്നിരിക്കുന്നത് ജർമൻ അംബാസഡറാണെന്നറിഞ്ഞതോടെ കുടുംബശ്രീ പ്രവർത്തകരും സന്തോഷത്തിലായി. 'പാട്ടറിയാമോ എന്നാണ് അംബാസഡർ' ആദ്യം കുടുംബശ്രീ പ്രവർത്തകരോട് ചോദിച്ചത്. ഉടനെ വന്നു കുടുംബശ്രീ അംഗങ്ങളുടെ പാട്ട്.
തുടർന്ന് കുടുംബശ്രീ പ്രവർത്തകരോടൊപ്പം അദ്ദേഹം സൈക്കിൾ സവാരിയും നടത്തി. ആരോഗ്യത്തിനും ആയുസ്സിനും സാമ്പത്തിക നേട്ടത്തിനും സൈക്കിൾ തന്നെ ചവിട്ടണമെന്നും അംബാസഡർ ഉപദേശിച്ചു. ഇനിയും വരാമെന്ന് പറഞ്ഞാണ് അംബാസഡർ യാത്രയായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.