അത്താണി ഷാപ്പുംപടിക്ക് സമീപം റോഡിൽ ഭീകരാന്തരീക്ഷം സൃഷ്ടിച്ച യുവാക്കളെ പൊലീസ് അറസ്റ്റ് ചെയ്തു നീക്കുന്നു
കാക്കനാട്: മദ്യപിച്ച് വാഹനമോടിച്ച കാർ യാത്രക്കാർ ഭീകരാന്തരീക്ഷം സൃഷ്ടിച്ചു. കാക്കനാട് പള്ളിക്കര റോഡിൽ അത്താണി ഷാപ്പുംപടിക്ക് സമീപം ചൊവ്വാഴ്ച വൈകീട്ട് ആറ് മണിയോടെയാണ് സംഭവം. കാക്കനാടുനിന്ന് പള്ളിക്കര ഭാഗത്തേക്ക് പോവുകയായിരുന്ന സ്വകാര്യ ബസ് കാറിൽ ഇടിച്ചു എന്ന് ആരോപിച്ചായിരുന്നു തുടക്കം. അത്താണിക്ക് സമീപം കാർ ബസിന് പിറകെ നിർത്തിയിട്ട് പുറത്തിറങ്ങി ഡ്രൈവറെയും കണ്ടക്ടറെയും ഉൾപ്പെടെ മർദിക്കുകയായിരുന്നു. ഇതോടെ പൊതുവേ തിരക്കേറിയ റോഡിൽ വലിയ രീതിയിലുള്ള ഗതാഗതക്കുരുക്ക് രൂപപ്പെട്ടു.
മർദനവും ഭീകരാന്തരീക്ഷവും തുടർന്നതോടെ പ്രദേശവാസികൾ സമീപത്ത് പട്രോളിങ്ങിലായിരുന്ന പിങ്ക് പൊലീസ് ഉദ്യോഗസ്ഥരെ അറിയിച്ചു. പൊലീസ് എത്തി ഇരുവരെയും സ്റ്റേഷനിലേക്ക് കൊണ്ടുപോയ ശേഷമാണ് ഗതാഗതക്കുരുക്ക് അഴിക്കാൻ കഴിഞ്ഞത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.