കളമശ്ശേരി: അളവിൽ കൂടുതൽ വിദേശമദ്യം കാറിൽ സൂക്ഷിച്ച രണ്ട് യുവാക്കളെ കളമശ്ശേരി പൊലീസ് അറസ്റ്റ് ചെയ്തു. ഇടപ്പള്ളി നോർത്ത് വില്ലേജിൽ കുന്നുംപുറം ബ്രഹ്മസ്ഥാനം ഭാഗത്ത് പീടിയേക്കൽ വീട്ടിൽ നദീർ (47), വട്ടേക്കുന്നം അപ്പാശ്ശേരിൽ വീട്ടിൽ ഡിജു ജോസഫ് (48) എന്നിവരെയാണ് അറസ്റ്റ് ചെയ്തത്.
ഞായറാഴ്ച രാത്രി ഒമ്പതോടെ കളമശ്ശേരി വട്ടേക്കുന്നം ഭാഗത്ത് സംശയാസ്പദ രീതിയില്‍ കാറുമായി നില്‍ക്കുന്നത് ശ്രദ്ധയിൽപെട്ട നാട്ടുകാര്‍ ഇവരെ തടഞ്ഞുവെക്കുകയും സ്ഥലത്തെത്തിയ പൊലീസ് കസ്റ്റഡിയിലെടുക്കുകയുമായിരുന്നു.
ഇവരുടെ പെരുമാറ്റത്തില്‍ സംശയം തോന്നി കാർ പരിശോധിച്ചപ്പോഴാണ് പിൻ സീറ്റിനോട് ചേർന്ന് പ്രത്യേക അറയിൽ കവറിലും തുണി സഞ്ചിയിലുമായി 22 കുപ്പി വിദേശമദ്യം കണ്ടെത്തിയത്. എസ്.ഐ പി. ബാബു, എസ്.സി.പി.ഒ ഇസ്ഹാക്, ഷിബിൻ, സി.പി.ഒമാരായ അജേഷ്, അജ്മൽ എന്നിവർ ചേർന്നാണ് ഇവരെ കസ്റ്റഡിയില്‍ എടുത്തത്. പ്രതികളെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.