ആരോഗ്യ സെൻട്രൽ സോൺ കലോത്സവത്തിൽ വിജയികളായ കളമശ്ശേരി ഗവ. മെഡിക്കൽ
കോളജ് ടീം
കളമശ്ശേരി: നാലുദിവസമായി കളമശ്ശേരി ഗവ. മെഡിക്കൽ കോളജിൽ നടന്ന ആരോഗ്യ സെൻട്രൽ സോൺ കലോത്സവം ‘ഒപ്പാരം 2023’ൽ കളമശ്ശേരി ഗവ. മെഡിക്കൽ കോളജ് 150 പോയന്റോടെ ഒന്നാംസ്ഥാനംനേടി. എം.ഒ.എസ്.സി മെഡിക്കൽ കോളജ് (112) രണ്ടാമതും കോതമംഗലം നങ്ങേലി ആയുർവേദ കോളജ് (95) മൂന്നാമതുമെത്തി. കലോത്സവ സമാപന ചടങ്ങ് മന്ത്രി പി. രാജീവ് ഉദ്ഘാടനം ചെയ്തു.
യൂനിവേഴ്സിറ്റി യൂനിയൻ ജനറൽ സെക്രട്ടറി ഡോ. പി.ഡി. കൃഷ്ണപ്രസാദ് അധ്യക്ഷതവഹിച്ചു. മുൻ ഹൈകോടതി ചീഫ് ജസ്റ്റിസ് വി.കെ മോഹനൻ, നടൻ വിനയ് ഫോർട്ട്, മെഡിക്കൽ കോളജ് സൂപ്രണ്ട് ഗണേഷ് മോഹനൻ എന്നിവർ സംസാരിച്ചു. യൂനിവേഴ്സിറ്റി യൂനിയൻ ചെയർപേഴ്സൻ അക്വീൽ മുഹമ്മദ് സ്വാഗതവും പ്രോഗ്രാം കൺവീനർ പ്രജിത് കെ.ബാബു നന്ദിയും പറഞ്ഞു. മികച്ച നടനായി കൃഷ്ണമൂർത്തിയെയും മികച്ച നടിയായി കൃഷ്ണപ്രിയയെയും തെരഞ്ഞെടുത്തു. മന്ത്രി പി. രാജീവും നടൻ വിനയ് ഫോർട്ടും വിജയികൾക്ക് സമ്മാനങ്ങൾ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.