ഹരിത കർമസേന; കൊച്ചി നഗരസഭയെ വിലക്കാനാവില്ല -മനുഷ്യാവകാശ കമീഷൻ

കൊ​ച്ചി: ഹ​രി​ത ക​ർ​മ​സേ​ന രൂ​പ​വ​ത്​​ക​രി​ക്കു​ന്ന​തി​ൽ​നി​ന്ന്​ കൊ​ച്ചി ന​ഗ​ര​സ​ഭ​യെ വി​ല​ക്കാ​നാ​വി​ല്ലെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ. വ​ർ​ഷ​ങ്ങ​ളാ​യി ഒ​രു ആ​നു​കൂ​ല്യ​വും ല​ഭി​ക്കാ​തെ ജോ​ലി ചെ​യ്യു​ന്ന ത​ങ്ങ​ളെ ഒ​ഴി​വാ​ക്കി കു​ടും​ബ​ശ്രീ​ക്ക് കീ​ഴി​ൽ കൊ​ച്ചി ന​ഗ​ര​സ​ഭ രൂ​പം ന​ൽ​കു​ന്ന ഹ​രി​ത​ക​ർ​മ സേ​ന​യെ വി​ല​ക്ക​ണ​മെ​ന്നാ​വ​ശ്യ​പ്പെ​ട്ട് സ​മ​ർ​പ്പി​ച്ച പ​രാ​തി തീ​ർ​പ്പാ​ക്കി​യാ​ണ് ക​മീ​ഷ​ൻ അം​ഗം വി.​കെ. ബീ​നാ​കു​മാ​രി​യു​ടെ ഉ​ത്ത​ര​വ്.

ന​ഗ​ര​സ​ഭ​യി​ലെ 74 ഡി​വി​ഷ​നു​ക​ളി​ലും മാ​ലി​ന്യം ശാ​സ്ത്രീ​യ​മാ​യി ത​രം​തി​രി​ച്ച് സം​സ്ക​രി​ക്കാ​ൻ കു​റ്റ​മ​റ്റ സം​വി​ധാ​നം ഒ​രു​ക്കു​ന്ന​തി​ന്‍റെ ഭാ​ഗ​മാ​യാ​ണ് നി​ല​വി​ൽ ന​ഗ​ര​സ​ഭ പ​രി​ധി​യി​ൽ ജോ​ലി ചെ​യ്യു​ന്ന മു​ഴു​വ​ൻ മാ​ലി​ന്യ ശേ​ഖ​ര​ണ തൊ​ഴി​ലാ​ളി​ക​ളെ​യും ഉ​ൾ​പ്പെ​ടു​ത്തി ഹ​രി​ത​ക​ർ​മ സേ​ന രൂ​പ​വ​ത്​​ക​രി​ക്കാ​ൻ തീ​രു​മാ​നി​ച്ച​തെ​ന്നാ​ണ്​ ക​മീ​ഷ​ന്​ ന​ഗ​ര​സ​ഭ റി​പ്പോ​ർ​ട്ട്​ ന​ൽ​കി​യ​ത്.

നി​ല​വി​ലു​ള്ള തൊ​ഴി​ലാ​ളി​ക​ൾ മു​ഴു​വ​ൻ ഹ​രി​ത​ക​ർ​മ സേ​ന​യു​ടെ ഭാ​ഗ​മാ​കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. ന​ഗ​ര​സ​ഭ സെ​ക്ര​ട്ട​റി സ​മ​ർ​പ്പി​ച്ച റി​പ്പോ​ർ​ട്ടി​ന് വി​രു​ദ്ധ​മാ​യി പ്ര​വ​ർ​ത്തി​ക്കു​ക​യാ​ണെ​ങ്കി​ൽ പ​രാ​തി​ക്കാ​ര​ന് വീ​ണ്ടും ക​മീ​ഷ​നെ സ​മീ​പി​ക്കാ​മെ​ന്നും ഉ​ത്ത​ര​വി​ൽ പ​റ​യു​ന്നു. ജി​ല്ല മാ​ലി​ന്യ​ശേ​ഖ​ര​ണ തൊ​ഴി​ലാ​ളി യൂ​നി​യ​ൻ ജി​ല്ല സെ​ക്ര​ട്ട​റി വി.​എ​ൻ. ബാ​ബു സ​മ​ർ​പ്പി​ച്ച പ​രാ​തി തീ​ർ​പ്പാ​ക്കി​കൊ​ണ്ടാ​ണ് ഉ​ത്ത​ര​വ്.