ലോറി മറിഞ്ഞു; പാലാരിവട്ടം ബൈപാസിൽ ‘ബ്ലോക്കോടു ബ്ലോക്ക്’

കൊ​ച്ചി: ചാ​ക്ക് ക​യ​റ്റി​വ​ന്ന അ​ന്ത​ർ​സം​സ്ഥാ​ന ലോ​റി മ​റി​ഞ്ഞ​തി​നെ തു​ട​ർ​ന്ന് ഇ​ട​പ്പ​ള്ളി-​അ​രൂ​ർ എ​ൻ.​എ​ച്ച് ബൈ​പാ​സ് മ​ണി​ക്കൂ​റു​ക​ളോ​ളം രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ൽ വ​ല​ഞ്ഞു. വ്യാ​ഴാ​ഴ്ച രാ​വി​ലെ ഏ​ഴ​ര​യോ​ടെ ച​ക്ക​ര​പ്പ​റ​മ്പ് പു​തി​യ റോ​ഡി​ന​ടു​ത്താ​ണ് ദേ​ശീ​യ​പാ​ത​യി​ൽ ലോ​റി മ​റി​ഞ്ഞ​ത്.

മു​ന്നി​ൽ പോ​വു​ക​യാ​യി​രു​ന്ന കാ​ർ പെ​ട്ടെ​ന്ന് നി​ർ​ത്തി​യ​പ്പോ​ൾ ബ്രേ​ക്കി​ട്ട ലോ​റി മ​ഴ​യ​ത്ത് നി​യ​ന്ത്ര​ണം​വി​ട്ട് മീ​ഡി​യ​നി​ൽ ക​യ​റി റോ​ഡി​നു കു​റു​കെ മ​റി​യു​ക​യാ​യി​രു​ന്നു. ലോ​റി​യി​ലു​ണ്ടാ​യി​രു​ന്ന ചാ​ക്കു​ക​ൾ റോ​ഡി​ലാ​കെ ചി​ത​റി​വീ​ണു. എ​ന്നാ​ൽ, മ​റ്റു അ​പ​ക​ട​ങ്ങ​ളോ ആ​ർ​ക്കും പ​രി​ക്കോ ഉ​ണ്ടാ​യി​ല്ലെ​ന്ന് പാ​ലാ​രി​വ​ട്ടം പൊ​ലീ​സ് പ​റ​ഞ്ഞു. ലോ​റി ക്രെ​യി​ൻ ഉ​പ​യോ​ഗി​ച്ച് ഏ​റെ പ​ണി​പ്പെ​ട്ടാ​ണ് നീ​ക്കി​യ​തും ഗ​താ​ഗ​തം പു​നഃ​സ്ഥാ​പി​ച്ച​തും. മം​ഗ​ലാ​പു​ര​ത്തു​നി​ന്ന് തെ​ങ്കാ​ശ്ശി​യി​ലേ​ക്ക് പോ​യ ത​മി​ഴ്നാ​ട് ര​ജി​സ്ട്രേ​ഷ​നു​ള്ള ലോ​റി​യാ​ണ് മ​റി​ഞ്ഞ​ത്.

ആ​ദ്യം ലോ​റി ഉ​യ​ർ​ത്തി​യെ​ങ്കി​ലും എ​തി​ർ​ഭാ​ഗ​ത്തേ​ക്ക് വീ​ണ്ടും മ​റി​യാ​നു​ള്ള സാ​ധ്യ​ത മു​ന്നി​ൽ​ക്ക​ണ്ട് വീ​ണ്ടും നി​ല​ത്തി​റ​ക്കി. തു​ട​ർ​ന്ന് ലോ​റി​യി​ലെ ചാ​ക്ക്​ മു​ഴു​വ​ൻ ഇ​റ​ക്കി​യ ശേ​ഷ​മാ​ണ് വീ​ണ്ടും ക്രെ​യി​ൻ ഉ​പ​യോ​ഗി​ച്ച് സ​ർ​വി​സ് റോ​ഡി​ലേ​ക്ക് നീ​ക്കി​യ​ത്.

ലോ​റി മ‍റി​ഞ്ഞ​തി​നു പി​ന്നാ​ലെ ദേ​ശീ​യ​പാ​ത​യി​ലും സി​വി​ൽ ലെ​യ്​​ൻ റോ​ഡി​ലും പൈ​പ് ലൈ​ൻ റോ​ഡി​ലും ത​മ്മ​നം-​പു​ല്ലേ​പ്പ​ടി റോ​ഡി​ലും സ​മീ​പ​ത്തെ ഇ​ട​റോ​ഡു​ക​ളി​ലു​മെ​ല്ലാം അ​ഞ്ചു മ​ണി​ക്കൂ​റോ​ളം ക​ന​ത്ത ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ടു. സ​ർ​ക്കാ​ർ അ​വ​ധി ദി​ന​മാ​യി​ട്ടു​പോ​ലും ശ​ക്ത​മാ​യ മ​ഴ പെ​യ്ത​തും രാ​വി​ല​ത്തെ തി​ര​ക്കേ​റി​യ നേ​ര​മാ​യ​തും കു​രു​ക്ക് രൂ​ക്ഷ​മാ​ക്കി. സ​ർ​വി​സ് റോ​ഡു​ക​ളി​ലും ഇ​രു​ച​ക്ര വാ​ഹ​ന​ങ്ങ​ളു​ൾ​പ്പെ​ടെ ഏ​റെ​നേ​രം കു​ടു​ങ്ങി​ക്കി​ട​ന്നു. സ്വ​കാ​ര്യ ബ​സു​ക​ൾ, വ​ലി​യ വാ​ഹ​ന​ങ്ങ​ൾ, തു​ട​ങ്ങി​യ​വ​യു​ടെ നീ​ണ്ട നി​ര​യാ​യി​രു​ന്നു റോ​ഡി​ലു​ട​നീ​ളം. ആ​ല​പ്പു​ഴ, ഇ​ട​പ്പ​ള്ളി ഭാ​ഗ​ങ്ങ​ളി​ലേ​ക്കു​ള്ള യാ​ത്ര​ക്കാ​രും എ​റ​ണാ​കു​ളം-​കാ​ക്ക​നാ​ട് റൂ​ട്ടി​ലു​ള്ള യാ​ത്ര​ക്കാ​രും ഒ​രു​പോ​ലെ കു​രു​ക്കി​ൽ​പെ​ട്ടു. പാ​ലാ​രി​വ​ട്ടം പാ​ല​ത്തി​ൽ​പോ​ലും വാ​ഹ​ന​ങ്ങ​ൾ ഏ​റെ നേ​രം കു​രു​ങ്ങി​ക്കി​ട​ന്നു. കു​രു​ക്കി​ൽ​നി​ന്ന് ര​ക്ഷ​പ്പെ​ടാ​ൻ പ​ല​രും ഇ​ട​റോ​ഡു​ക​ൾ ആ​ശ്ര​യി​ച്ച​തോ​ടെ പാ​ലാ​രി​വ​ട്ട​ത്തും പ​രി​സ​ര​ങ്ങ​ളി​ലു​മാ​കെ ബ്ലോ​ക്ക് ക​ന​ത്തു.

പാ​ലാ​രി​വ​ട്ടം പൊ​ലീ​സ്, ട്രാ​ഫി​ക് പൊ​ലീ​സ്, നാ​ട്ടു​കാ​ർ എ​ന്നി​വ​ർ ചേ​ർ​ന്ന് ഏ​റെ പ​ണി​പ്പെ​ട്ടാ​ണ് ഗ​താ​ഗ​തം നി​യ​ന്ത്രി​ച്ച​ത്. സ്വ​കാ​ര്യ ബ​സു​ക​ളു​ൾ​പ്പെ​ടെ വ​ഴി​തി​രി​ച്ചു വി​ട്ടു. 12 മ​ണി​യോ​ടെ​യാ​ണ് കു​രു​ക്ക് അ​യ​ഞ്ഞ​ത്.