തൃ​ക്കാ​ക്ക​ര നഗരസഭ നിർധന വിദ്യാർഥികൾക്ക് ഫോൺ നൽകും

'കാ​ക്ക​നാ​ട്: നി​ർ​ധ​ന വി​ദ്യാ​ർ​ഥി​ക​ൾ​ക്ക്​ ഓ​ൺ​ലൈ​ൻ പ​ഠ​ന​ത്തി​നാ​വ​ശ്യ​മാ​യ മൊ​ബൈ​ൽ ഫോ​ൺ സൗ​ജ​ന്യ​മാ​യി ന​ൽ​കു​മെ​ന്ന് തൃ​ക്കാ​ക്ക​ര ന​ഗ​ര​സ​ഭ. ന​ഗ​ര​സ​ഭാ​ധ്യ​ക്ഷ അ​ജി​ത ത​ങ്ക​പ്പ​െൻറ അ​ധ്യ​ക്ഷ​ത​യി​ൽ കൂ​ടി​യ സ്​​റ്റി​യ​റി​ങ് ക​മ്മി​റ്റി യോ​ഗ​ത്തി​ലാ​ണ് പ​ദ്ധ​തി​ക്ക് അം​ഗീ​കാ​രം ന​ൽ​കി​യ​ത്.

ആ​ദ്യ​ഘ​ട്ട​ത്തി​ൽ 215 വി​ദ്യാ​ർ​ഥി​ക​ൾ​ക്കാ​ണ് ഫോ​ൺ ന​ൽ​കു​ന്ന​തെ​ന്ന്​ വി​ദ്യാ​ഭ്യാ​സ സ്ഥി​രം സ​മി​തി ചെ​യ​ർ​മാ​ൻ നൗ​ഷാ​ദ് പ​ല്ല​ച്ചി പ​റ​ഞ്ഞു.

43 കൗ​ൺ​സി​ല​ർ​മാ​രു​ടെ​യും നേ​തൃ​ത്വ​ത്തി​ൽ അ​ത​ത് വാ​ർ​ഡു​ക​ളി​ൽ​നി​ന്ന് ​െത​ര​ഞ്ഞെ​ടു​ക്കു​ന്ന അ​ർ​ഹ​രാ​യ അ​ഞ്ച് വി​ദ്യാ​ർ​ഥി​ക​ൾ​ക്കു​വീ​ത​മാ​ണ് ഫോ​ൺ ന​ൽ​കു​ക. സ​ർ​ക്കാ​ർ സ്​​കൂ​ളു​ക​ളി​ലെ വി​ദ്യാ​ർ​ഥി​ക​ളെ​യാ​ണ് ഇ​തി​ന്​ പ​രി​ഗ​ണി​ക്കു​ക. കൂ​ടു​ത​ൽ വി​ദ്യാ​ർ​ഥി​ക​ൾ​ക്ക്​ ഫോ​ൺ ന​ൽ​കാ​ൻ മൊ​ബൈ​ൽ ഫോ​ൺ ച​ല​ഞ്ച് പ​ദ്ധ​തി​ക്കും രൂ​പം ന​ൽ​കും.

സ്പോ​ൺ​സ​ർ​മാ​ർ വ​ഴി ഫോ​ൺ ല​ഭ്യ​മാ​ക്കി അ​ർ​ഹ​രാ​യ വി​ദ്യാ​ർ​ഥി​ക​ൾ​ക്ക്​ കൈ​മാ​റു​ക​യാ​ണ് ല​ക്ഷ്യം. മു​നി​സി​പ്പ​ൽ പ​രി​ധി​യി​ലെ സ്കൂ​ളു​ക​ളി​ലെ അ​ധ്യ​യ​ന നി​ല​വാ​രം വി​ല​യി​രു​ത്താ​ൻ പ്ര​ത്യേ​ക സം​വി​ധാ​നം ഒ​രു​ക്കും. അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കും. നി​ർ​ധ​ന വി​ദ്യാ​ർ​ഥി​ക​ൾ​ക്ക്​ പ​ഠ​​നോ​പ​ക​ര​ണ​ങ്ങ​ൾ ല​ഭ്യ​മാ​ക്കാ​നും സ്ഥി​രം സ​മി​തി യോ​ഗം തീ​രു​മാ​നി​ച്ചു. രാ​ധാ​മ​ണി പി​ള്ള, ടി.​ജി. ദി​നൂ​പ്, ര​ജ​നി ജീ​ജ​ൻ, അ​ൻ​സി​യ ഹ​ക്കീം, സു​മ മോ​ഹ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.