വെള്ളക്കെട്ട്​: അടിയന്തര നടപടിക്ക്​ ഹൈകോടതി നിർദേശം

കൊ​ച്ചി: കൂ​ടു​ത​ൽ ശ​ക്ത​മാ​യ മ​ൺ​സൂ​ൺ പ്ര​വ​ചി​ച്ചി​രി​ക്കു​ന്ന സാ​ഹ​ച​ര്യ​ത്തി​ൽ ​​കൊ​ച്ചി​യി​ലെ വെ​ള്ള​ക്കെ​ട്ട്​ പ്ര​ശ്നം പ​രി​ഹ​രി​ക്കാ​ൻ അ​ടി​യ​ന്ത​ര ന​ട​പ​ടി​ക്ക്​ ഹൈ​കോ​ട​തി നി​ർ​ദേ​ശം.

ക​ല​ക്ട​റും കോ​ട​തി നി​യോ​ഗി​ച്ച സ​മി​തി​യും അ​ടി​യ​ന്ത​ര​മാ​യി ഇ​ട​പെ​ട്ട്​ ന​ട​പ​ടി സ്വീ​ക​രി​ക്കാ​ൻ ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ ഉ​ത്ത​ര​വി​ട്ടു. മു​ല്ല​ശ്ശേ​രി ക​നാ​ലി​ല​ട​ക്കം ന​ട​ക്കു​ന്ന നവീകരണ പ്രവർത്തനം ല​ക്ഷ്യം കാ​ണാ​ത്ത​ത്​ ​ജ​ന​ത്തെ ബു​ദ്ധി​മു​ട്ടി​ക്കാ​നി​ട​യു​ണ്ടെ​ന്ന്​ കോ​ട​തി ചൂ​ണ്ടി​ക്കാ​ട്ടി. ഇ​തു​വ​രെ ഇ​തു​മാ​യി ബ​ന്ധ​പ്പെ​ട്ട ജോ​ലി​ക​ൾ പൂ​ർ​ത്തീ​ക​രി​ക്കാ​നാ​യി​ട്ടി​ല്ല. ഇ​ത്​ സം​ബ​ന്ധി​ച്ച്​ ബ​ന്ധ​പ്പെ​ട്ട അ​ധി​കൃ​ത​രി​ൽ​നി​ന്ന്​ വി​വ​രം തേ​ടി ക​ല​ക്ട​റും സ​മി​തി​യും അ​റി​യി​ക്ക​ണ​മെ​ന്ന്​ കോ​ട​തി നി​ർ​ദേ​ശി​ച്ചു.

സൗ​ത്ത്​ റെ​യി​ൽ​വേ സ്​​റ്റേ​ഷ​നി​ൽ​നി​ന്ന്​ കാ​യ​ലി​ലേ​ക്ക്​ ഡ്രെ​യി​നേ​ജ്​ ക​നാ​ൽ നി​യ​മി​ക്കാ​നു​ള്ള പ​ദ്ധ​തി​ക്ക്​ ഇ​പ്പോ​ഴാ​ണ്​ ഭ​ര​ണാ​നു​മ​തി​യാ​യ​ത്. ഈ ​സം​വി​ധാ​നം സം​ബ​ന്ധി​ച്ച്​ 2023 തു​ട​ക്കം മു​ത​ൽ ശി​പാ​ർ​ശ​യു​ള്ള​താ​ണ്.​ അ​നു​മ​തി ന​ൽ​കാ​ൻ ഇ​ത്ര വൈ​കി​യ​തെ​ന്തി​നെ​ന്ന്​ മ​ന​സ്സി​ലാ​കു​ന്നി​ല്ല. സൗ​ത്ത്, കെ.​എ​സ്.​ആ​ർ.​ടി.​സി മേ​ഖ​ല​യി​ലെ വെ​ള്ള​ക്കെ​ട്ടി​ന​ട​ക്കം പ​രി​ഹാ​രം കാ​ണാ​വു​ന്ന ഒ​റ്റ​മൂ​ലി​യാ​ണ്​ പ​ദ്ധ​തി. ഇ​തി​ന്‍റെ ജോ​ലി​ക​ൾ ആ​രം​ഭി​ക്കാ​ൻ​ എ​ന്ന്​ അ​നു​മ​തി​യാ​കു​മെ​ന്ന്​ ക​ല​ക്​​ട​ർ അ​റി​യി​ക്ക​ണം. ഹൈ​കോ​ട​തി​ക്ക​ടു​ത്ത്​ ​ന​ട​പ്പാ​ക്കു​ന്ന വെ​ള്ള​ക്കെ​ട്ട്​ ല​ഘൂ​ക​ര​ണ പ​ദ്ധ​തി​ക്ക്​ ഭ​ര​ണാ​നു​മ​തി ആ​യെ​ങ്കി​ലും തു​ട​ങ്ങാ​നാ​യി​ല്ലെ​ന്ന്​ സ​ർ​ക്കാ​ർ അ​റി​യി​ച്ചു. ഈ ​സാ​ഹ​ച​ര്യ​ത്തി​ൽ ഇ​തി​ന​നു​വ​ദി​ച്ച തു​ക തി​രി​ച്ചു ന​ൽ​കു​ക​യോ പു​നഃ​ക്ര​മീ​ക​രി​ക്കു​ക​യോ ​ചെ​യ്യേ​ണ്ടി​വ​രു​മെ​ന്നും വ്യ​ക്ത​മാ​ക്കി. എ​ന്നാ​ൽ, സ​മ​യ​ബ​ന്ധി​ത​മാ​യി തീ​ർ​ക്കേ​ണ്ട സു​പ്ര​ധാ​ന പ​ദ്ധ​തി​ക്ക്​ നീ​ക്കി​വെ​ച്ച തു​ക ഇ​തു​വ​രെ മ​ട​ക്കി ന​ൽ​കി​യി​ട്ടി​ല്ലെ​ങ്കി​ൽ തി​രി​ച്ചു ന​ൽ​കു​ന്ന​തും പു​നഃ​ക്ര​മീ​ക​രി​ക്കു​ന്ന​തും മ​റ്റൊ​രു ഉ​ത്ത​ര​വു​വ​രെ കോ​ട​തി വി​ല​ക്കി.

കൊ​ച്ചി​യി​ലെ വെ​ള്ള​ക്കെ​ട്ട്​ നി​വാ​ര​ണ​ത്തി​ന്​ ക​ഴി​ഞ്ഞ മ​ഴ​ക്കാ​ല​ത്ത്​ ഉ​പ​യോ​ഗി​ച്ച സ​ക്ക​ർ കം ​സ​ക്​​ഷ​ൻ മെ​ഷീ​ൻ അ​റ്റ​കു​റ്റ​പ്പ​ണി​ക്ക്​ മാ​റ്റി​യി​രി​ക്കു​ക​യാ​ണെ​ന്ന്​ അ​മി​ക്ക​സ്​ ക്യൂ​റി​മാ​ർ അ​റി​യി​ച്ചു. ഈ ​വ​ർ​ഷം ല​ഭ്യ​മാ​കു​മോ​യെ​ന്ന്​ ഉ​റ​പ്പി​ല്ലെ​ന്നും അ​റി​യി​ച്ചു. മെ​ഷീ​ൻ ല​ഭ്യ​മാ​ക്കാ​നാ​വു​മോ​യെ​ന്ന കാ​ര്യ​ത്തി​ൽ ര​ണ്ട്​ ദി​വ​സ​ത്തി​ന​കം മ​റു​പ​ടി ന​ൽ​കാ​ൻ കോ​ർ​പ​റേ​ഷ​ന്​ കോ​ട​തി നി​ർ​ദേ​ശം ന​ൽ​കി.

ക​ഴി​ഞ്ഞ വ​ർ​ഷ​ത്തേ​ത്​ പോ​ലെ റെ​യി​ൽ​വേ ക​ൽ​വെ​ർ​ട്ടു​ക​ൾ മി​ക​ച്ച രീ​തി​യി​ൽ വൃ​ത്തി​യാ​ക്കാ​നു​ള്ള ന​ട​പ​ടി​ക​ൾ സം​ബ​ന്ധി​ച്ച്​ കോ​ട​തി കേ​ന്ദ്ര സ​ർ​ക്കാ​റി​ന്‍റെ വി​ശ​ദീ​ക​ര​ണം തേ​ടി. ഇ​ക്കാ​ര്യ​ത്തി​ൽ ക​ല​ക്ട​റും സ​മി​തി​യു​മാ​യി കൂ​ടി​യാ​ലോ​ചി​ച്ച്​ ന​ട​പ​ടി സ്വീ​ക​രി​ക്കാ​നും നി​ർ​ദേ​ശി​ച്ചു.

കൊ​ച്ചി​യി​ലെ വെ​ള്ള​ക്കെ​ട്ടു​മാ​യി ബ​ന്ധ​പ്പെ​ട്ട ഹ​ര​ജി​ക​ളാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. ഹ​ര​ജി വീ​ണ്ടും മേ​യ്​ 24ന്​ ​സ​മാ​ന ഹ​ര​ജി​ക​ൾ​ക്കൊ​പ്പം പ​രി​ഗ​ണി​ക്കാ​ൻ മാ​റ്റി.