ഒ.എ. അബ്ബാസ് നിർമിച്ച പ്ലാസ്റ്റിക് തോണി
മൂവാറ്റുപുഴ: 700 പ്ലാസ്റ്റിക് കുപ്പികൾകൊണ്ട് മനോഹരമായ തോണിയുണ്ടാക്കി നീറ്റിലിറക്കിയിരിക്കുകയാണ് മൂവാറ്റുപുഴ സ്വദേശി അബ്ബാസ്. പരീക്ഷണം വിജയകരമായി മൂവാറ്റുപുഴയാറ്റിൽ നടന്നു. 2018ലെ പ്രളയത്തിൽ രക്ഷാപ്രവർത്തനത്തിന് വഞ്ചികൾ കിട്ടാതെ ബുദ്ധിമുട്ടിയിരുന്നു.
ഈ ആഗസ്റ്റിലും ശക്തമായ മഴയുണ്ടാകുമെന്ന മുന്നറിയിപ്പുണ്ടായതോടെയാണ് കീച്ചേരിപ്പടി ഓണക്കുറ്റിക്കുടിയിൽ ഒ.എ. അബ്ബാസ് പ്ലാസ്റ്റിക് കുപ്പികൾ ശേഖരിച്ച് തോണിയുണ്ടാക്കാൻ ആരംഭിച്ചത്. പ്രളയം ഉണ്ടാകുകയാണെങ്കിൽ രക്ഷാപ്രവർത്തനത്തിന് ഇറക്കാനായിരുന്നു ലക്ഷ്യം.
മരക്കഷണത്തിൽ 700 കുപ്പികൾ കയർകൊണ്ട് കെട്ടിയാണ് തോണി നിർമിച്ചത്. അതിവേഗംതന്നെ തോണി തയാറായി. മൂവാറ്റുപുഴയാറ്റിൽ പരീക്ഷണത്തുഴയലും നടത്തി. തുടർന്നാണ് ആനിക്കാട് ചിറയിൽ തോണിയിറക്കാൻ തീരുമാനിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.