സന്തോഷ്, ദിലീപ്
മൂവാറ്റുപുഴ: ഇരുചക്ര വാഹന യാത്രികനെ ആക്രമിച്ച കേസിൽ രണ്ടുപേരെ പൊലീസ് അറസ്റ്റ് ചെയ്തു. പുതുപ്പാടി കാരക്കുന്നം താണിക്കത്തടം കോളനിയിൽ ചാലിൽപുത്തൻപുര വീട്ടിൽ ദിലീപ് (44), മനയിൽ കിഴക്കേ വീട്ടിൽ സന്തോഷ് (39) എന്നിവരാണ് പിടിയിലായത്.
വ്യാഴാഴ്ച രാത്രി കിഴക്കേക്കര റേഷൻകടപ്പടി ഭാഗത്തായിരുന്നു സംഭവം. കിഴക്കേക്കര സ്വദേശിയായ സനിൽകുമാർ, ഇയാളുടെ സുഹൃത്തായ ഷാജി എന്നിവർ ഓടിച്ചുവന്ന ഇരുചക്ര വാഹനം റേഷൻകടപ്പടി ഭാഗത്ത് മറിഞ്ഞു.
ഇതുകണ്ട് പിന്നിൽ മറ്റൊരു ഇരുചക്ര വാഹനത്തിൽ വന്ന പ്രതികൾ ഇവരെ അസഭ്യം പറയുകയും കല്ലുകൊണ്ട് ആക്രമിക്കുകയുമായിരുന്നു. റൗഡി ലിസ്റ്റിൽ ഉൾപ്പെട്ടയാളും നിരവധി കേസിലെ പ്രതിയുമായ ദിലീപ് മുമ്പ് കാപ്പ നടപടി നേരിട്ടിട്ടുള്ളതാണ്.
ഡിവൈ.എസ്.പി പി.എം. ബൈജുവിന്റെ നേതൃത്വത്തിലുള്ള അന്വേഷണസംഘത്തിൽ ഇൻസ്പെക്ടർ ബേസിൽ തോമസ്, എസ്.ഐമാരായ കെ.കെ. രാജേഷ്, വിഷ്ണു രാജു, ബിനു വർഗീസ്, എസ്.സി.പി.ഒമാരായ നിഷാന്ത് കുമാർ, മജുകുമാർ, സി.പി.ഒ സിജോ തങ്കപ്പൻ എന്നിവരാണ് ഉണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.