നടുക്കര പൈനാപ്പിൾ കമ്പനിക്ക് വേണം സർക്കാർ സഹായം; ഇന്ന്​ ബോർഡ് യോഗം

മൂ​വാ​റ്റു​പു​ഴ: സ​ർ​ക്കാ​ർ സ​ഹാ​യം ല​ഭി​ച്ചാ​ലേ ന​ടു​ക്ക​ര അ​ഗ്രോ ആ​ൻ​ഡ് ഫ്രൂ​ട്ട്സ്​ പ്രോ​സ​സി​ങ് ക​മ്പ​നി​ക്ക് മു​ന്നോ​ട്ടു​പോ​കാ​ൻ ക​ഴി​യൂ​വെ​ന്ന് ക​മ്പ​നി അ​ധി​കൃ​ത​ർ. കു​ടി​ശ്ശി​ക​യെ​ത്തു​ട​ർ​ന്ന് വൈ​ദ്യു​തി വി​ച്ഛേ​ദി​ച്ചി​രു​ന്നു.

പ്ര​വ​ർ​ത്ത​നം പു​ന​രാ​രം​ഭി​ക്ക​ണ​മെ​ങ്കി​ൽ മൂ​ല​ധ​നം വേ​ണ​മെ​ന്ന്​ ക​മ്പ​നി അ​ധി​കൃ​ത​ർ വ്യ​ക്​​ത​മാ​ക്കി. വൈ​ദ്യു​തി ഇ​ല്ലാ​ത്ത​തി​നാ​ൽ ക​ഴി​ഞ്ഞ അ​ഞ്ചു​ദി​വ​സ​മാ​യി ക​മ്പ​നി പ്ര​വ​ർ​ത്തി​ച്ചി​ട്ടി​ല്ല. ഈ ​സാ​ഹ​ച​ര്യ​ത്തി​ൽ വെ​ള്ളി​യാ​ഴ്ച ക​മ്പ​നി ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ളു​ടെ അ​ടി​യ​ന്ത​ര​യോ​ഗം വി​ളി​ച്ചി​രി​ക്കു​ക​യാ​ണ്.സ​ർ​ക്കാ​ർ ക​നി​ഞ്ഞി​ല്ലെ​ങ്കി​ൽ ക​മ്പ​നി പൂ​ട്ടേ​ണ്ടി​വ​രു​മെ​ന്ന് എം.​ഡി​യും ചെ​യ​ർ​മാ​നും തൊ​ഴി​ലാ​ളി​ക​ളെ അ​റി​യി​ച്ച​താ​യാ​ണ് സൂ​ച​ന.

സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കാ​ൻ പ​ര​മാ​വ​ധി ശ്ര​മി​ച്ചി​ട്ടും തൊ​ഴി​ലാ​ളി​ക​ളു​ടെ ശ​മ്പ​ളം കൊ​ടു​ക്കാ​ൻ​പോ​ലും ക​ഴി​യാ​ത്ത സ്ഥി​തി​യി​ൽ രാ​ജി​ക്ക്​ സ​ന്ന​ദ്ധ​രാ​ണെ​ന്ന്​ എം.​ഡി സി.​എ​ഫ്. റോ​ബ​ർ​ട്ടും ചെ​യ​ർ​മാ​ൻ ജോ​സ് ടോം ​പു​ലി​ക്കു​ന്നേ​ലും തൊ​ഴി​ലാ​ളി​ക​ളോ​ടും വ്യ​ക്ത​മാ​ക്കി.

അ​തി​നി​ടെ, ക​മ്പ​നി ന​വീ​ക​ര​ണ​ത്തി​നാ​യി നേ​ര​ത്തേ ഓ​ർ​ഡ​ർ ചെ​യ്ത അ​ഞ്ചു​കോ​ടി​യു​ടെ ആ​ധു​നി​ക മെ​ഷീ​ൻ ക​മ്പ​നി​യി​ലെ​ത്തി. പൈ​നാ​പ്പി​ൾ ഇ​ല​ക​ളി​ൽ​നി​ന്ന് പ​രി​സ്ഥി​തി സൗ​ഹൃ​ദ ഡി​സ്പോ​സ​ബി​ൾ പ്ലേ​റ്റും ഗ്ലാ​സു​ക​ളും നി​ർ​മി​ക്കു​ന്ന  യ​ന്ത്ര​മാ​ണി​ത്. ​യ​ന്ത്ര​ങ്ങ​ൾ വാ​ങ്ങു​ന്ന​തി​ന് കേ​ന്ദ്ര സ​ർ​ക്കാ​റി​ന്‍റെ രാ​ഷ്ട്രീ​യ കൃ​ഷി വി​ജ്ഞാ​ൻ യോ​ജ​ന​യി​ൽ​നി​ന്ന് 2.55 കോ​ടി അ​നു​വ​ദി​ച്ചി​രു​ന്നു.

ബാ​ക്കി 2.5 കോ​ടി സ​ർ​ക്കാ​ർ ന​ൽ​ക​ണ​മെ​ന്നാ​യി​രു​ന്നു നി​ബ​ന്ധ​ന. എ​ന്നാ​ൽ, സം​സ്ഥാ​ന സ​ർ​ക്കാ​ർ പ​ണം ന​ൽ​കി​യി​ല്ല. ഇ​തു​മൂ​ലം ക​മ്പ​നി​യി​ൽ എ​ത്തി​ച്ച യ​ന്ത്രം ഇ​ൻ​സ്റ്റാ​ൾ ചെ​യ്യാ​തെ മ​റ്റൊ​രു മു​റി​യി​ലേ​ക്ക് മാ​റ്റി. 

കൂപ്പുകുത്തി പൈനാപ്പിൾ വില; 55ൽനിന്ന് 19ലേക്ക് ഇടിഞ്ഞു

മൂ​വാ​റ്റു​പു​ഴ: ഉ​ത്സ​വ​സീ​സ​ണാ​യി​ട്ടും പൈ​നാ​പ്പി​ൾ​വി​ല കു​ത്ത​നെ ഇ​ടി​യു​ന്നു. ഒ​രു മാ​സം​മു​മ്പ് 50 മു​ത​ൽ 55 രൂ​പ​വ​രെ ഉ​ണ്ടാ​യി​രു​ന്ന പൈ​നാ​പ്പി​ളി​ന്‍റെ വി​ല​യി​ടി​ഞ്ഞ് 19ലെ​ത്തി. ഡി​സം​ബ​റി​ൽ ഏ​റ്റ​വും ഉ​യ​ർ​ന്ന വി​ല​യാ​ണ് ല​ഭി​ച്ചു​വ​ന്നി​രു​ന്ന​ത്. എ​ന്നാ​ൽ, ര​ണ്ടു​വ​ർ​ഷ​ത്തി​നി​ട​യി​ലെ ഏ​റ്റ​വും കു​റ​ഞ്ഞ വി​ല​യാ​ണി​പ്പോ​ൾ ല​ഭി​ക്കു​ന്ന​ത്. പ​ഴം 19ഉം ​പ​ച്ച​ക്ക്​ 17 രൂ​പ​യു​മാ​യി. ക​ഴി​ഞ്ഞ ഡി​സം​ബ​റി​ൽ പൈ​നാ​പ്പി​ൾ പ​ഴ​ത്തി​ന് 34, പ​ച്ച​ക്ക്​ 33 രൂ​പ, സ്പെ​ഷ​ൽ പ​ച്ച​ക്ക്​ 35 രൂ​പ എ​ന്നി​ങ്ങ​നെ​യാ​യി​രു​ന്നു വി​ല. ഉ​ൽ​പാ​ദ​നം വ​ർ​ധി​ച്ച​തും ഉ​ത്ത​രേ​ന്ത്യ​യി​ലെ ശൈ​ത്യ​വും ത​മി​ഴ്‌​നാ​ട്ടി​ലെ​യും മ​റ്റ് സം​സ്ഥാ​ന​ങ്ങ​ളി​ലെ​യും മ​ഴ​യു​മാ​ണ് വി​ല​യി​ടി​യാ​ൻ കാ​ര​ണ​മെ​ന്നാ​ണ്​ ക​ർ​ഷ​ക​ർ പ​റ​യു​ന്ന​ത്. ക്രി​സ്‌​മ​സ് ഉ​ത്സ​വ​സീ​സ​ണാ​യ​തി​നാ​ൽ ഡി​സം​ബ​റി​ൽ പൈ​നാ​പ്പി​ളി​ന് സാ​ധാ​ര​ണ​നി​ല​യി​ൽ വി​ല ഉ​യ​രേ​ണ്ട​താ​ണ്.

എ​ന്നാ​ൽ, ക​യ​റ്റു​മ​തി വ​ലി​യ​തോ​തി​ൽ കു​റ​ഞ്ഞ​താ​ണ്​ തി​രി​ച്ച​ടി​യാ​യ​ത്. വ​ട​ക്കേ ഇ​ന്ത്യ​യി​ലേ​ക്ക​ട​ക്കം ഇ​രു​പ​തും മു​പ്പ​തും ലോ​ഡ് ക​യ​റി​പ്പോ​യ സ്ഥാ​ന​ത്ത് നാ​മ​മാ​ത്ര​മാ​ണ്​ കൊ​ണ്ടു​പോ​കു​ന്ന​ത്. വി​ല കു​റ​ഞ്ഞ​തോ​ടെ ക​ർ​ഷ​ക​ർ​ക്ക് ചെ​ല​വാ​യ തു​ക​പോ​ലും ല​ഭി​ക്കാ​ത്ത സ്ഥി​തി​യാ​ണ് ഉ​ണ്ടാ​യി​രി​ക്കു​ന്ന​ത്.