മാലിന്യം നീക്കാതെ മാലിന്യ മുക്ത പ്രഖ്യാപനത്തിന് തൃ​ക്കാ​ക്ക​ര ന​ഗ​ര​സ​ഭ​; ഒടുവിൽ തീരുമാനത്തിൽ മാറ്റം

കാ​ക്ക​നാ​ട്:​ തൃ​ക്കാ​ക്ക​ര ന​ഗ​ര​സ​ഭ​യി​ലെ മാ​ലി​ന്യ​മു​ക്ത പ്ര​ഖ്യാ​പ​നം അ​നി​ശ്ചി​ത​ത്വ​ത്തി​ൽ. ന​ഗ​ര​സ​ഭ ആ​സ്ഥാ​ന​ത്തോട്​ ചേ​ർ​ന്ന പ്ലാ​സ്റ്റി​ക്ക് മാ​ലി​ന്യ സം​ഭ​ര​ണ കേ​ന്ദ്ര​ത്തി​ലെ മാ​ലി​ന്യക്കൂമ്പാ​രം നീ​ക്കം ചെ​യ്യാ​തെ​യാ​ണ് വ്യാ​ഴാ​ഴ്ച ക​ല​ക്ട​റെ പ​ങ്കെ​ടു​പ്പി​ച്ച് ന​ഗ​ര​സ​ഭ​യെ മാ​ലി​ന്യ​മു​ക്ത​മാ​യി പ്ര​ഖ്യാ​പി​ക്കു​ന്ന ച​ട​ങ്ങ് ന​ട​ത്താ​ൻ ഭ​ര​ണ സ​മി​തി തീ​രു​മാ​നി​ച്ച​ത്.

പ്ര​തി​പ​ക്ഷ അം​ഗ​ങ്ങ​ൾ ക​ല​ക്ട​റെ നേ​രി​ൽ ക​ണ്ട് നി​ല​വി​ലെ അ​വ​സ്ഥ വി​വ​രി​ക്കു​ക​യാ​യി​രു​ന്നു. തു​ട​ർ​ന്ന് മൂ​ന്നു ദി​വ​സ​ത്തി​ന​കം മാ​ലി​ന്യ നീ​ക്കം പൂ​ർ​ത്തി​യാ​ക്ക​ണ​മെ​ന്ന് ക​ല​ക്ട​ർ ന​ഗ​ര​സ​ഭ ചെ​യ​ർ​പേ​ഴ്സ​ന് നി​ർ​ദേ​ശം ന​ൽ​കി. ‘പ്ലാ​സ്റ്റി​ക് കൂ​ന​ക​ൾ നി​റ​ഞ്ഞ് തൃ​ക്കാ​ക്ക​ര ന​ഗ​ര​സ​ഭ പ​രി​സ​രം’ എ​ന്ന ത​ല​ക്കെ​ട്ടോ​ടെ ജ​നു​വ​രി 25ന് ​‘മാ​ധ്യ​മം’ ന​ൽ​കി​യ വാ​ർ​ത്ത​യെ തു​ട​ർ​ന്ന് ക​ല​ക്ട​ർ ഇ​ട​പെ​ട്ടിരു​ന്നു.

തു​ട​ർ​ന്ന് ഫെ​ബ്രു​വ​രി ആ​ദ്യ ആ​ഴ്ച്ച​യോ​ടെ മാ​ലി​ന്യം നീ​ക്കം ചെ​യ്തെ​ങ്കി​ലും പി​ന്നീ​ട​ങ്ങോ​ട്ട് പ​ഴ​യ സ്ഥി​തി​യി​ലേ​ക്ക് തി​രി​യു​ക​യാ​യി​രു​ന്നു ന​ഗ​ര​സ​ഭ. കെ​ട്ടി​ക്കി​ട​ക്കു​ന്ന പ​ഴ​യ പ്ലാ​സ്റ്റി​ക്ക് മാ​ലി​ന്യ ചാ​ക്കു​ക​ൾ ഉ​ട​നെ നീ​ക്കം ചെ​യ്യ​ണ​മെ​ന്നും ക​ല​ക്ട​ർ നി​ർ​ദ്ദേ​ശി​ച്ചു.​തൃ​ക്കാ​ക്ക​ര ന​ഗ​ര​സ​ഭ ഓ​ഫി​സി​നോ​ടും സ​ഹ​ക​ര​ണ ആ​ശു​പ​ത്രി​യോ​ടും ചേ​ർ​ന്നു​ള്ള പ്ലാ​സ്റ്റി​ക് മാ​ലി​ന്യ സം​ഭ​ര​ണ കേ​ന്ദ്ര​ത്തി​ലാ​ണ് മാ​ലി​ന്യം നി​റ​ച്ച ചാ​ക്കു​ക​ൾ കു​ന്നുകൂ​ടു​ന്ന​ത്. വീ​ടു​ക​ൾ, വാണി​ജ്യ സ്ഥാ​പ​ന​ങ്ങ​ൾ തു​ട​ങ്ങി​യ ഇ​ട​ങ്ങ​ളി​ൽ നി​ന്ന് ശേ​ഖ​രി​ക്കു​ന്ന പ്ലാ​സ്റ്റി​ക് മാ​ലി​ന്യം യ​ഥാ​സ​മ​യം ക​യ​റ്റി​വി​ടാ​നാ​കാ​ത്ത​താ​ണ് പെ​രു​കാ​ൻ കാ​ര​ണം.​

നേ​ര​ത്തേ ന​ഗ​ര​സ​ഭ​യു​ടെ ഹ​രി​ത​ക​ർ​മ സേ​ന ജൈ​വ മാ​ലി​ന്യ​മെ​ടു​ക്കു​മ്പോ​ൾ അ​തോ​ടൊ​പ്പം കി​ട്ടു​ന്ന പ്ലാ​സ്റ്റി​ക് മാ​ലി​ന്യം മാ​ത്ര​മാ​ണ് ഇ​വി​ടെ സൂ​ക്ഷി​ച്ചി​രു​ന്ന​ത്.​ഇ​പ്പോ​ൾ പ്ലാ​സ്റ്റി​ക് മാ​ലി​ന്യം ശേ​ഖ​രി​ക്കാ​ൻ മാ​ത്രം പ്ര​ത്യേ​കം തൊ​ഴി​ലാ​ളി​ക​ളെ നി​യോ​ഗി​ച്ചി​ട്ടു ള്ള​തി​നാ​ൽ ഇ​വി​ടെ എ​ത്തു​ന്ന മാ​ലി​ന്യ​ത്തി​ന്റെ അ​ള​വ് കൂ​ടി. പ്ലാ​സ്റ്റി​ക് സം​ഭ​ര​ണ കേ​ന്ദ്ര​ത്തി​ൽ നി​ന്ന് ഇ​ത് ഏ​റ്റെ​ടു​ക്കു​ന്ന ഏ​ജ​ൻ​സി​യു​ടെ ബി​ല്ലു​ക​ൾ പാ​സാ​ക്കി ന​ൽ​കി​യി​ട്ടും അ​വ​രും മെ​ല്ലെ പ്പോ​ക്കി​ലാ​ണ്.​ ക​ല​ക്ട​റേ​റ്റ്, കേ​ര​ള ബു​ക്സ് ആ​ൻ​ഡ് പ​ബ്ലി​ക്കേ​ഷ​ൻ സൊ​സൈ​റ്റി, ജി​ല്ല പ​ഞ്ചാ​യ​ത്ത് ഓ​ഫി​സ് തു​ട​ങ്ങി​യ​വ​യും ഒ​ട്ടേ​റെ പാ​ർ​പ്പി​ട സ​മു​ച്ച​യ​ങ്ങ​ളും ഇ​തി​ന്​ 100 മീ​റ്റ​ർ ചു​റ്റ​ള​വി​ലു​ണ്ട്.