പ്ലീസ്... ഈ കമുകിന്‍തടി ഒന്ന്​ നീക്കു​മോ?

നെ​ടു​ങ്ക​ണ്ടം: ക​മു​ക് ഒ​ടി​ഞ്ഞ്​ 11 കെ.​വി. ലൈ​നി​ല്‍ വീ​ണ് തൂ​ങ്ങി​യാ​ട​ന്‍ തു​ട​ങ്ങി ആ​ഴ്ച​ക​ള്‍ പി​ന്നി​ട്ടി​ട്ടും നീ​ക്കം ചെ​യ്യാ​തെ വൈ​ദ്യു​തി വ​കു​പ്പ്. ര​ണ്ട് സെ​ക്ഷ​ന്‍ ഓ​ഫി​സു​ക​ള്‍ ത​മ്മി​ലെ അ​തി​രു ത​ർ​ക്ക​മാ​ണ്​ ക​മു​ക്​ നീ​ക്കു​ന്ന​ത്​ വൈ​കാ​ൻ കാ​ര​ണം.

മു​ണ്ടി​യെ​രു​മ പാ​മ്പാ​ടും​പാ​റ റോ​ഡി​ല്‍ ആ​ശാ​ന്‍പ​ടി​യി​ല്‍ ഷാ​പ്പി​ന് സ​മീ​പ​ത്താ​ണ് ക​മു​ക് ഒ​ടി​ഞ്ഞ് 11 കെ.​വി. ലൈ​നി​ല്‍ വീ​ണ​ത്. ഇ​തി​ന്‍റെ ചി​ത്രം സ​ഹി​തം തൂ​ക്കു​പാ​ലം സെ​ക്ഷ​ന്‍ ഓ​ഫി​സി​ല്‍ അ​റി​യി​ച്ച​പ്പോ​ള്‍ ത​ങ്ങ​ളു​ടെ പ​രി​ധി​യി​ല​ല്ല ക​ല്ലാ​ര്‍ സെ​ക്​​ഷ​ൻ പ​രി​ധി​യി​ലാ​ണെ​ന്നാ​യി​രു​ന്നു മ​റു​പ​ടി. ക​ല്ലാ​ര്‍ സെ​ഷ​ന്‍ ഓ​ഫി​സി​ല​റി​യി​ച്ച​പ്പോ​ള്‍ തൂ​ക്കു​പാ​ലം പ​രി​ധി​യി​ലാ​ണെ​ന്ന് പ​റ​ഞ്ഞ് അ​വ​രും കൈ​യൊ​ഴി​ഞ്ഞു. ര​ണ്ട് സെ​ക്​​ഷ​ന്‍ ഓ​ഫി​സു​ക​ളി​ലെ​യും ജീ​വ​ന​ക്കാ​ര്‍ രാ​വി​ലെ​യും വൈ​കു​ന്നേ​ര​വും ഇ​തു​വ​ഴി ക​ട​ന്നു പോ​കു​ന്നു​ണ്ടെ​ങ്കി​ലും ആ​രും ക​ണ്ട​താ​യി ഭാ​വി​ച്ചി​ട്ടി​ല്ല. എ​ന്നാ​ൽ ആ​രെ​യെ​ങ്കി​ലും കൊ​ണ്ട് അ​തി​ര്‍ത്തി നി​ശ്ച​യി​ച്ച് ഇ​ത് വെ​ട്ടി​മാ​റ്റാ​ന്‍ മേ​ല​ധി​കാ​രി​ക​ൾ ത​യ്യാ​റാ​വു​ന്നു​മി​ല്ല. വാ​ഹ​ന​ങ്ങ​ള്‍ക്കും യാ​ത്ര​ക്കാ​ര്‍ക്കും ഏ​റെ ഭീ​തി വി​ത​ക്കു​ന്ന സാ​ഹ​ച​ര്യ​ത്തി​ല്‍ നാ​ട്ടു​കാ​ര്‍ ക​മ്പു​കൊ​ണ്ട് ത​ള്ളി​നീ​ക്കി ന​ന്നെ പാ​ടു​പെ​ട്ട് ക​മു​കി​ന്‍റെ മു​ക​ള്‍ ഭാ​ഗം മു​റി​ച്ചു നീ​ക്കി. ത​ടി നി​ല​വി​ല്‍ നീ​ക്കാ​ന്‍ ക​ഴി​യി​ല്ല. നി​ര​വ​ധി ചെ​റു​വാ​ഹ​ന​ങ്ങ​ളും സ്‌​കൂ​ള്‍ കു​ട്ടി​ക​ള​ട​ക്ക​മു​ള്ള യാ​ത്ര​ക്കാ​രും ഇ​തു​വ​ഴി പ​തി​വാ​യി പോ​കു​ന്ന വ​ഴി​യാ​ണി​ത്.