പീരുമേട്ടിൽ ഇക്കോ ലോഡ്​ജ്​ തയാർ

പീ​രു​മേ​ട്​: ഇ​ടു​ക്കി ജി​ല്ല​യി​ലെ വാ​ഗ​മ​ൺ, തേ​ക്ക​ടി എ​ന്നീ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളെ​യും പ​ത്ത​നം​തി​ട്ട ജി​ല്ല​യി​ലെ ഗ​വി​യെ​യും കോ​ർ​ത്തി​ണ​ക്കി​യു​ള്ള ഇ​ക്കോ ടൂ​റി​സം സ​ർ​ക്യൂ​ട്ടി​ന്‍റെ ഭാ​ഗ​മാ​യി പീ​രു​മേ​ട്ടി​ൽ ഇ​ക്കോ ലോ​ഡ്ജ്​ നി​ർ​മാ​ണം പൂ​ർ​ത്തി​യാ​യി. 5.05 കോ​ടി രൂ​പ ഉ​പ​യോ​ഗി​ച്ചാ​ണ്​ 12 മു​റി​ക​ള്‍ ഉ​ള്‍പ്പെ​ടു​ന്ന ര​ണ്ട് ബ്ലോ​ക്കു​ക​ള്‍, അ​ടു​ക്ക​ള, ഡൈ​നി​ങ്​ ഹാ​ള്‍ എ​ന്നി​വ​യ​ട​ങ്ങു​ന്ന പ​ദ്ധ​തി പൂ​ർ​ത്തി​യാ​ക്കി​യ​ത്. ചു​വ​രു​ക​ള്‍, ത​റ​ക​ള്‍, സീ​ലി​ങ്​ മു​ത​ലാ​യ​വ തേ​ക്ക് ത​ടി​യി​ലാ​ണ്​ നി​ര്‍മി​ച്ച​ത്.

കൂ​ടാ​തെ ഇ​ക്കോ ലോ​ഡ്ജി​ന്റെ അ​ധി​ക പ്ര​വൃ​ത്തി​ക​ള്‍ക്കാ​യി 97.5 ല​ക്ഷം രൂ​പ​ക്കും ന​വീ​ക​ര​ണ​ത്തി​നും പ​രി​പാ​ല​ന പ്ര​വൃ​ത്തി​ക​ള്‍ക്കു​മാ​യി 1.38 കോ​ടി രൂ​പ​ക്കും ഭ​ര​ണാ​നു​മ​തി ന​ല്‍കി​യി​രു​ന്നു. പാ​ര്‍ക്കി​ങ്​ യാ​ര്‍ഡ്, സം​ര​ക്ഷ​ണ ഭി​ത്തി​യും വേ​ലി​യും, മു​ന്‍വ​ശ​ത്തെ വ​ഴി, പൂ​ന്തോ​ട്ട​വും ക​ളി​സ്ഥ​ല​വും, ഇ​ക്കോ ലോ​ഡ്ജി​ന് ചു​റ്റു​മു​ള്ള ഇ​ന്റ​ര്‍ലോ​ക്ക്, ഭി​ന്ന​ശേ​ഷി​ക്കാ​ര്‍ക്കാ​യു​ള്ള വി​ശ്ര​മ​മു​റി​യി​ലേ​ക്കു​ള്ള പാ​സേ​ജ്, ന​ടു​മു​റ്റം, ഇ​ക്കോ​ലോ​ഡ്ജി​ന്റെ സ​ര്‍വി​സ് ബ്ലോ​ക്ക്, റെ​ഡി​മെ​യ്ഡ് ബ​യോ​ഗ്യാ​സ് പ്ലാ​ന്റ്, മ​ഴ​വെ​ള്ള സം​ഭ​ര​ണ​ത്തി​നാ​യു​ള്ള ക്ര​മീ​ക​ര​ണ​ങ്ങ​ള്‍. ഗേ​റ്റി​ന്റെ ന​വീ​ക​ര​ണം, പ്ര​വേ​ശ​ന ക​വാ​ട​ത്തി​ല്‍ ലോ​ഗോ​യു​ള്ള ക​മാ​നം, സി​ഗ്‌​നേ​ച്ച​ര്‍ ബോ​ര്‍ഡു​ക​ള്‍, വൈ​ദ്യു​തീ​ക​ര​ണം എ​ന്നി​വ​യാ​ണ് ഈ ​പ​ദ്ധ​തി​യി​ലു​ള്ള​ത്.

പീ​രു​​മേ​ട്​ സ​ർ​ക്കാ​ർ അ​തി​ഥി മ​ന്ദി​ര​ത്തി​ന്‍റെ ന​വീ​ക​ര​ണ​വും പൂ​ർ​ത്തി​യാ​യി​ട്ടു​ണ്ട്. 2020ല്‍ ​അ​തി​ഥി മ​ന്ദി​ര​ത്തി​ന്റെ ന​വീ​ക​ര​ണ​ത്തി​നാ​യി 1.85 കോ​ടി രൂ​പ​യു​ടെ ഭ​ര​ണാ​നു​മ​തി ന​ല്‍കി​യി​രു​ന്നു. ഗ​സ്റ്റ് ഹൗ​സ് ന​വീ​ക​ര​ണം, സ​ര്‍വി​സ് ബ്ലോ​ക്ക് ന​വീ​ക​ര​ണം, വാ​ട്ട​ര്‍ ടാ​ങ്ക്, പാ​ര്‍ക്കി​ങ്​ ഷെ​ഡ്, കോ​ണ്‍ഫ​റ​ന്‍സ് ഹാ​ള്‍, വൈ​ദ്യു​തീ​ക​ര​ണം, അ​നെ​ക്‌​സ് ബി​ല്‍ഡി​ങ്​ എ​ന്നി​വ പൂ​ര്‍ത്തീ​ക​രി​ച്ചു. 2023 ഒ​ക്ടോ​ബ​റി​ല്‍ സ​ര്‍ക്കാ​ര്‍ അ​തി​ഥി മ​ന്ദി​ര​ത്തി​ന് 1,79,59,678 രൂ​പ​യു​ടെ ഭ​ര​ണാ​നു​മ​തി ന​ല്‍കി​യി​രു​ന്നു.

ഇ​തി​ന്റെ ഭാ​ഗ​മാ​യി സ​ര്‍ക്കാ​ര്‍ ഗ​സ്റ്റ് ഹൗ​സ്, കോ​ണ്‍ഫ​റ​ന്‍സ് ഹാ​ള്‍, പ​മ്പ് ഹൗ​സി​ന്റെ ന​വീ​ക​ര​ണം, കി​ണ​ര്‍ ന​വീ​ക​ര​ണം, ഇ​ക്കോ​ലോ​ഡ്ജ് വ​ശ​ത്തി​ന് സ​മീ​പ​മു​ള്ള ഗേ​റ്റ് പി​ല്ല​റി​ന്റെ ന​വീ​ക​ര​ണം, ലാ​ന്‍ഡ്‌​സ്‌​കേ​പ്പി​ങ്​ തു​ട​ങ്ങി​യ​വ​യാ​ണ്​ ഉ​ള്‍പ്പെ​ടു​ത്തി​യി​ട്ടു​ള്ള​ത്. ഇ​ക്കോ ലോ​ഡ്ജും ന​വീ​ക​രി​ച്ച സ​ര്‍ക്കാ​ര്‍ അ​തി​ഥി മ​ന്ദി​ര​വും ശ​നി​യാ​ഴ്ച രാ​വി​ലെ 10ന് ​മ​ന്ത്രി പി.​എ. മു​ഹ​മ്മ​ദ് റി​യാ​സ് ഉ​ദ്​​ഘാ​ട​നം നി​ര്‍വ​ഹി​ക്കും. വാ​ഴൂ​ര്‍ സോ​മ​ന്‍ എം.​എ​ല്‍.​എ അ​ധ്യ​ക്ഷ​ത വ​ഹി​ക്കും.