മാഹി: മേഖലയിലെ റേഷൻ കാര്‍ഡ് (ബി.പി.എൽ) ഉടമകള്‍ക്ക് പ്രധാനമന്ത്രി ഗരീബ് കല്യാൺ അന്നയോജന സ്കീം പ്രകാരം 2022 ഏപ്രിൽ, മേയ് മാസത്തേക്കുള്ള സൗജന്യ അരി ഒരാള്‍ക്ക് മാസം അഞ്ചുകിലോ വീതം ചൊവ്വ, ബുധൻ ദിവസങ്ങളിൽ വിവിധ കേന്ദ്രങ്ങളില്‍ ഡിപ്പോ നമ്പര്‍ പ്രകാരം വിതരണം ചെയ്യും. ഫിഷർമെൻ കമ്യൂണിറ്റി ഹാൾ പാറക്കല്‍ (ഒന്ന് മുതൽ അഞ്ച് വരെ,16), അംഗൻവാടി ചെമ്പ്ര (15, 10), ജവഹർ മിനി ബാലഭവൻ പള്ളൂർ (കസ്തൂർബ ഹൈസ്കൂൾ അങ്കണം), (ആറ്, ഏഴ്, ഒമ്പത്,18), അംഗൻവാടി വെസ്റ്റ് പള്ളൂർ (എട്ട്, 17), അംഗൻവാടി പന്തക്കൽ ഹസൻ മുക്ക് (11,12,13,14). സൗജന്യ അരി വാങ്ങാൻ വരുന്ന വ്യക്തിയുടെ പേര് റേഷൻ കാർഡിൽ ഉണ്ടായിരിക്കണം. ഇവർ റേഷൻ കാർഡും തിരിച്ചറിയൽ രേഖയും സഞ്ചിയുമായി വിതരണ കേന്ദ്രത്തിലെത്തി അരി കൈപ്പറ്റണം. വിതരണ സമയം രാവിലെ 9.30 മുതല്‍ ഒരുമണി വരെ. പ്രായാധിക്യമുള്ളവർ അരിവാങ്ങാൻ അവരുടെ ബന്ധുക്കളെ അധികാരപ്പെടുത്താം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.